‘व्हॅलेंटाईन डे’ पुर्वी गुलाबाच्या परदेशी प्रवासाला ‘जीएसटी’चे काटे

मावळ,पुणे : शेतकऱ्यांसमोर संकटे सुरुच असतात. अनेकदा शेतकऱ्यांना आस्मानी संकटाचा फटका बसतो. कधी नैसर्गिक संकटातून तारला गेला तर बाजारात भाव मिळत नाही. भाव मिळाला तर सरकारकडून कर लादला जातो. फुल उत्पादक शेतकरी (farmer) या अडचणींना सामोरे जात आहे. दरवर्षी ‘व्हॅलेंटाईन डे’साठी (valentine day) मावळ तालुक्यातून गुलाबाची लाखो फुले निर्यात केली जातात. यावर्षी वातावरण उत्तम राहिल्याने गुलाब फुलांच्या उत्पादनात चांगलीच वाढ झाली.

तसेच मावळ तालुक्यातील गुलाबाची क्रेज परदेशात मोठ्या प्रमाणात आहे. परदेशी बाजारपेठेत यंदा गुलाब फुलांना मोठी मागणी आहे. मात्र प्रवासाचा खर्च तीन पट वाढला असून त्यावर 18% जीएसटी लावण्यात आला आहे. यामुळे परदेशी बाजारात फुलांची निर्यात म्हणजे तोटा सहन करणे अशी परिस्थिती निर्माण झाली आहे. यामुळे फुल शेती करणाऱ्या शेतकऱ्यांसमोर मोठे संकट निर्माण झाले आहे.

शेतकऱ्यांना हवी सवलत

शासनाकडून गुलाबाच्या फूल विक्रेत्यांना सवलत मिळत नाही. दुसरीकडे परदेशी बाजारपेठ टिकवणे गरजेचे असल्याने तोटा सहन करत माल पाठविण्याचा निर्णय शेतकऱ्यांनी घेतला. 29 जानेवारी रोजी पहिली शिफमेंट परदेशात रवाना झाली आहे. नऊ फेब्रुवारीपर्यंत परदेशात माल पाठविण्यात येणार आहे. त्यानंतर सर्व माल स्थानिक भारतीय बाजारपेठेत पाठविण्यात येणार आहे. यामुळे परदेशी प्रवासासाठी शेतकऱ्यांना सवलत हवी आहे.

व्हॅलेंटाईन गुलाब का लागतो

व्हॅलेंटाईन वीक 7 फेब्रुवारीपासून सुरू होतो आणि 14 फेब्रुवारीपर्यंत चालतो. Rose Day दरवर्षी 7 फेब्रुवारीला करतात त्यायासाठी लाल, पिवळा, गुलाबी, पांढरा अशा विविध रंगाच्या गुलाबाची फुले लागतात. रोझ डे हा तुमचं प्रेम व्यक्त करण्यासाठी खूप चांगला दिवस आहे.

रोझ डेचा इतिहास

गुलाबाचे फूल भावना व्यक्त करण्याचे प्रतीक आहे. राणी व्हिक्टोरियाच्या काळात, लोकांनी त्यांच्या भावना व्यक्त करण्यासाठी गुलाबांची देवाणघेवाण करण्याची परंपरा सुरू केली.