AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Pune rain : पुण्यातला बाबा भिडे पूल बंद, मुसळधार पावसामुळे पाणीपातळी वाढली; पोलीस बंदोबस्तही करण्यात आला तैनात

मध्यरात्रीपासून खडकवासला धरणातून 2,568 क्युसेक पाणी सोडण्यात येत असल्याचे जलसंपदा विभागाने म्हटले आहे. तर संपूर्ण आठवडाभर पाणलोट क्षेत्रात आणखी पावसाचा अंदाज हवामान विभागाने आधीच वर्तवला आहे.

Pune rain : पुण्यातला बाबा भिडे पूल बंद, मुसळधार पावसामुळे पाणीपातळी वाढली; पोलीस बंदोबस्तही करण्यात आला तैनात
बाबा भिडे पुलालगत वाहत असलेले पाणीImage Credit source: tv9
Pradeep Garad
Pradeep Garad | Updated on: Jul 12, 2022 | 7:09 PM
Share

पुणे : पुण्यातील बाबा भिडे पुलावरील (Baba Bhide Bridge) वाहतूक बंद करण्यात आली आहे. भिडेपुलाला लागून पाणी आल्यामुळे ही वाहतूक बंद करण्याचा निर्णय घेण्यात आला आहे. पुलाच्या दोन्ही बाजूला बॅरिकेडिंग करून पोलीस बंदोबस्त तैनात करण्यात आला आहे. खडकवासला धरणातून (Khadakwasla dam) दुपारी एक वाजता 11 हजार 900 क्युसेक पाण्याचा विसर्ग करण्यात आला आहे. त्यामुळे नदीपात्रातून हे पाणी मोठ्या प्रमाणात वाहत आहे. दर पावसाळ्यात भिडे पूल पाण्याखाली जातो. आता मागील पाच-सहा दिवसांपासून सुरू असलेल्या पावसामुळे भिडे पूल पाण्याखाली गेला आहे. नदी पात्राला लागून असणारी वाहने जेसीबीच्या साहाय्याने बाजूला काढली जात आहेत. दरम्यान मुसळधार पावसाच्या पार्श्वभूमीवर मुठा नदीच्या (Mutha river) वरच्या भागातील धरणांमध्ये 10.79 टीएमसी पाणीसाठा वाढल्याने, नदीच्या बाजूला राहणाऱ्या नागरिकांना सतर्कतेचा इशारा देण्यात आला आहे.

धरणांतला पाणीसाठा

मागील 24 तासांत पानशेतमध्ये 141 मिमी पाऊस झाला असून वरसगावमध्ये 137 मिमी, टेमघरमध्ये 170 मिमी आणि खडकवासला धरणात 60 मिमी पाऊस झाला आहे. चार धरणांच्या पाणलोट क्षेत्रात झालेल्या या मुसळधार पावसामुळे या धरणांमध्ये 2 टीएमसीने पाण्याची आवक वाढली आहे. मध्यरात्रीपासून खडकवासला धरणातून 2,568 क्युसेक पाणी सोडण्यात येत असल्याचे जलसंपदा विभागाने म्हटले आहे. तर संपूर्ण आठवडाभर पाणलोट क्षेत्रात आणखी पावसाचा अंदाज हवामान विभागाने आधीच वर्तवला आहे.

लोणावळा धरणक्षेत्रातही पाऊस

पिंपरी चिंचवड परिसरातही जोरदार पर्ज्यन्यवृष्टी होत आहे. लोणावळा धरण पाणलोट क्षेत्रात होत असलेला पाऊस लक्षात घेता पुढील 48 तासात धरणातून नदीपात्रात पाण्याच्या विसर्गास सुरुवात होण्याची शक्यता असल्याने इंदायणी नदीकाठच्या गावातील नागरिकांना सतर्क राहण्याचे आवाहन जिल्हा प्रशासनाच्यावतीने करण्यात आले आहे. लोणावळा धरणात जलाशय पातळी 623.98 मीटर झाली असून पाणीसाठा 7.11 द.ल.घ.मी. (60.74 टक्के) आहे. विसर्ग टाळण्यासाठी जास्तीत-जास्त पाणी पश्चिमेकडे वळवून खोपोली वीजगृहातून वीजनिर्मिती करण्यात येत आहे. पाण्याच्या विसर्गाची शक्यता लक्षात घेता नागरिकांनी इंद्रायणी नदीपात्रामध्ये प्रवेश करू नये, असे आवाहन प्रशासनातर्फे करण्यात आले आहे.

बाबा भिडे पुलालगत वाहत असलेले पाणी

Follow Us
जमीन व्यवहार करताय? सावधान; 2 लाखांपेक्षा जास्त रोख व्यवहाराची माहिती
Chandrashekhar Bawankule : जमीन व्यवहार करताय? सावधान; 2 लाखांपेक्षा जास्त रोख व्यवहाराची माहिती आयकर विभागापर्यंत पोहोचणार
दुष्काळातही मुंबईकरांची पिण्याच्या पाण्याची तहान भागणार, फडणवीस सरकार
Mumbai Water : दुष्काळातही मुंबईकरांची पिण्याच्या पाण्याची तहान भागणार, फडणवीस सरकारचा मोठा निर्णय
पांडुरंगाचा आशीर्वाद आहे, चिंता कसली? हेलिकॉप्टरमधील बिघाडावर शिंदेंची
Eknath Shinde Helicopter : पांडुरंगाचा आशीर्वाद आहे, चिंता कसली? हेलिकॉप्टरमधील बिघाडावर एकनाथ शिंदेंची पहिली प्रतिक्रिया
नाशिक महापालिकेतील स्वीकृत नगरसेवक निवडीवरून भाजपत वादंग....
Nashik : नाशिक महापालिकेतील स्वीकृत नगरसेवक निवडीवरून भाजपत वादंग; नेमकं काय घडलं?
सरकारने करसवलती दिल्या, आता उद्योजकांनी काय केलं? पंतप्रधान मोदींनी...
PM Modi : सरकारने करसवलती दिल्या, आता उद्योजकांनी काय केलं? पंतप्रधान मोदींनी FICCIच्या व्यासपीठावरून सुनावलं
लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर
Gold Silver Price Today : लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर अचानक घसरले...
पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल....
Nagpur : पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल; नागपुरातील विदारक वास्तव आलं समोर
सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची....
Solapur : सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची विहीर कोरडीठाक सोलापुरातील दुष्काळाचं भीषण वास्तव समोर
व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली
Pune Laxmi Road : व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली; पुणे बंदचा इशारा ठरला प्रभावी
सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?
Shivendraraje Bhosale : सातारा जिल्हा बँकेच्या निवडीवरून महायुतीत मतभेद? सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?