AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

कधी होणार पालखीचं प्रस्थान, दिवे घाट कोणत्या दिवशी बंद राहणार?; पालखी प्रस्थान सोहळ्याची संपूर्ण माहिती…

Sant Tukaram Maharaj Palkhi Prasthan Sohala Schedule : संत तुकाराम महाराज पालखी यांच्या पालखीचं आज प्रस्थान होणार आहे. महाराजांच्या या पालखी सोहळ्याच्या विविध कार्यक्रमांना सुरुवात झाली आहे. या पालखी सोहळ्याची संपूर्ण माहिती अन् वेळापत्रक... वाचा सविस्तर...

कधी होणार पालखीचं प्रस्थान, दिवे घाट कोणत्या दिवशी बंद राहणार?; पालखी प्रस्थान सोहळ्याची संपूर्ण माहिती...
तुकाराम महाराज पालखीचं आज प्रस्थानImage Credit source: tv9
आयेशा सय्यद
आयेशा सय्यद | Updated on: Jun 28, 2024 | 12:43 PM
Share

जगद्गुरू संत तुकाराम महाराज यांची पालखी पंढरपूरकडे प्रस्थान करणार आहे. तुकाराम महाराज यांच्या पालखीचा यंदाचा हा 339 वा पालखी सोहळा आहे. या पालखी सोहळ्यासाठी राज्याच्या कानाकोपऱ्यातुन वारकरी देहू नगरीमध्ये दाखल झाले आहेत. देहूतील विठ्ठल रुखमिणी मंदिराला आकर्षक सजावट करण्यात आली आहे. आज पहाटेपासूनच या पालखी सोहळ्याच्या पूजा आणि इतर कार्यक्रमांना सुरुवात झाली आहे. दुपारी दोन वाजण्याच्या सुमारास प्रस्थान सोहळ्याला सुरुवात होणार आहे. आज पहाटे 4.30 वाजल्यापासून मंदीरात विविध कार्यक्रमाची सुरुवात झाली आहे. पहाटे 4.30 वाजता शिळा मंदिरात अभिषेक झाला.

आज पालखीचं प्रस्थान

स्वयंभू विठ्ठल रुक्मिणी मंदिरात अभिषेक आणि काकड आरती झाली. स्वयंभू विठ्ठल रुक्मिणीच्या विधिवत पूजा करण्यात आली. नंतर तुकाराम महाराजांचे तृतीय चिरंजीव तपोनिधी नारायण महाराज यांच्या पादुकांचा अभिषेक करून विधिवत पूजा करण्यात आली. काही वेळाआधीतुकाराम महाराज यांच्या पादुकांचं पूजन करण्यात आलं आहे. आणि आता काल्याच्या कीर्तनाला सुरुवात झाली आहे. आज दुपारी तीन वाजता मान्यवरांच्या उपस्थितीत पालखी प्रस्थान सोहळा होणार आहे. तर आज महाराजांची पालखी इनामदार वाड्यात मुक्कामी असेल.

संत तुकाराम महाराज यांच्या पालखीत अंदाजे चार ते पाच लाख वारकरी चालणार आहेत. तर 400 दिंड्यांची नोंदणी यावर्षी करण्यात आली आहे. मुख्यमंत्री एकनाथ शिंदे यांना या सोहळ्याला निमंत्रण देण्यात आलं होतं. मात्र ते त्यांचा प्रतिनिधी पाठवणार आहेत यंदा पाऊस पाणी बरा झाल्यामुळे वारी सोहळ्यात गर्दी वाढेल.

महाराजांच्या पालखीचं आजचं वेळापत्रक

1) सकाळी पाच वाजता महापूजा

2) सात वाजता नारायण महाराज यांच्या समाधीची विश्वस्तांच्या हस्ते महापूजा

3) सकाळी नऊ ते अकरा संत तुकाराम महाराज यांच्या पादुका चे पूजन

4) दहा ते बारा वाजता काल्याचे कीर्तन

5) दुपारी तीन वाजता मान्यवरांच्या उपस्थितीत पालखी प्रस्थान सोहळा

6) पाच वाजता पालखीची मंदिर प्रदक्षिणा

7) सायंकाळी सहा वाजता पालखी इनामदार वाड्यात मुक्काम

8) रात्री नऊ वाजता किर्तन जागर

श्रीमंत दगडूशेठ गणपती चरणी माऊलींचे अश्व नतमस्तक

संत ज्ञानेश्वर माऊलींच्या पालखीचे अश्व पुण्यामध्ये श्रीमंत दगडूशेठ चरणी नतमस्तक झाले. माऊलींच्या पालखी सोहळ्यातील मानाच्या या अश्वांना मंदिराच्या सभागृहात आणून त्यांचं पूजन करण्यात आलं. यावेळी गणपती बाप्पा मोरया… माऊली माऊलीच्या जयघोषाने मंदिराचा परिसर दुमदुमला. अश्वांचे दर्शन घेण्यासाठी मंदिरात भाविकांनी मोठी गर्दी केली होती. कर्नाटकच्या बेळगावमधील अंकलीतील शितोळे सरकार यांच्या मालकीच्या या दोन अश्वांचे आगमन पुण्यामध्ये झाले. श्रीमंत दगडूशेठ हलवाई गणपती मंदिरात या अश्वांचे पूजन करण्यात आले.

दिवे घाट कोणत्या दिवशी बंद राहणार?

2 जूनला हडपसरमध्ये पालख्या दर्शनासाठी थांबणार आहेत. या दिवशी दिवेघाट पूर्ण दिवस बंद असणार आहे. महात्मा गांधी स्थानक इथून पुणे स्टेशन, वारजेमाळवाडी, कोथरूड डेपो, निगडी, चिंचवड, आळंदी ठिकाणी जाण्यासाठी बससेवा देण्यात आली आहे. हडपसर ते सासवड दरम्यानचा दिवेघाट हा रस्ता वाहतुकीस पुर्णतः बंद राहणार आहे. त्यामुळे प्रवाशांच्या सोईसाठी सदर मार्गांची बसवाहतुक दिवेघाट ऐवजी बोपदेव घाट मार्गे चालू ठेवण्यात येणार आहे. त्यामुळे स्वारगेट, पुणे स्टेशन, हडपसर या ठिकाणहून 60 जादा बसेसचं नियोजन करण्यात आलं आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी