Gautami patil : गौतमी पाटील आक्षेपार्ह व्हिडिओ प्रकरणात यु-टर्न, पोलिसांना मिळाला आरोपी पण…

कुणाल जायकर, अहमदनगर : अल्पवधीत प्रसिद्ध झालेली नृत्यांगना गौतमी पाटील ( Gautami Patil Viral Video ) हिचा चेंजिंग रूममधील कपडे बदलतांनाचा व्हीडिओ व्हायरल झाला होता. सोशल मीडियावर ( Gatutami Patil Social Media ) व्हायरल झालेल्या या व्हिडिओ प्रकरणानंतर राज्यातून संतप्त प्रतिक्रिया उमटत होत्या. या प्रकरणी पुणे पोलिसांमध्ये तक्रारही दाखल करण्यात आली होती. त्यानंतर महाराष्ट्र महिला आयोगाने देखील दखल घेतली होती. काही संघटनांनी आरोपीला अटक करा अन्यथा रस्त्यावर उतरून आंदोलनाचा इशारा दिला होता. आता या प्रकरणी पोलिसांना आरोपी मिळाला आहे.

सोशल मीडियावर संतप्त प्रतिक्रिया

गौतमी पाटील हिच्या व्हायरल व्हिडिओ प्रकरणी सोशल मीडियावर जोरदार चर्चा आहे. त्यामध्ये नेटकऱ्यांनी गौतमी पाटील हिचा व्हिडिओ व्हायरल केल्याप्रकरणी संतप्त प्रतिक्रिया व्यक्त केला होत्या. आता पोलिसांनी या प्रकरणी कारवाई केली आहे.

कोण आहे आरोपी

राज्यभरात प्रसिद्धीच्या झोतात आलेली लावणी नृत्यांगणा गौतमी पाटील हिचा चेंजिंग रूममधील कपडे बदलतानाचा व्हिडिओ काही दिवसांपूर्वी व्हायरल करण्यात आला होता. या प्रकरणाचा पोलीस तपास सुरू असताना एक धक्कादायक माहिती समोर आली आहे. या प्रकरणी अहमदनगर जिल्ह्यातील श्रीगोंदा तालुक्यातील पिसोरेखांड येथील एकाचे नाव समोर आले आहे. परंतु हा आरोपी अल्पवयीन आहे. येथील १७ वर्षीय मुलाने गौतमी पाटील या नावाने बनावट इन्स्टाग्राम अकाउंट उघडून तिचे फोटो व्हायरल केले.

वापरले आईचे सीमकार्ड

विशेष म्हणजे त्या अल्वपयीन मुलाने वापरलेले सिम कार्ड त्याच्या आईच्या नावावर आहे. आरोपी अल्पवयीन असल्याने त्याला नोटीस देऊन गुरुवारी पुणे विमाननगर पोलीस ठाण्यात बोलवले आहे. आई- वडील आणि मुलगा यांना हजर होण्यास सांगितले आहे.

गौतमी पाटील काय म्हणते

व्हायरल व्हिडिओ प्रकरणात आरोपी मिळाल्यानंतर गौतमी पाटील हिने समाधान व्यक्त केले आहे. ती म्हणाली, पुणे पोलिसांकडून खूप सहकार्य मिळाले. एक आरोपी मिळाला आहे. तो अल्पवयीन आहे. आणखी दोन, तीन आरोपी आहेत. पोलीस त्यांनाही ताब्यात घेतील.

गौतमी पाटील हिने, रघुवीर खेडकर यांना आव्हान दिले आहे. ती म्हणाली, माझ्या कार्यक्रमाला 5 लाख देतात त्यांना माझ्यासमोर आणाच. माझी इतकी फी नाही आणि राहिला प्रश्न लावणीचा तर मी लावणी करत नाही. माझा डिजे नृत्याचा कार्यक्रम असतो, असेही गौतमीने म्हटलं आहे.

हे ही वाचा

गौतमी पाटील हिला टक्कर देणारा कोण आहे पवन चव्हाण, पाहा त्याच्या भन्नाट डान्सचा Video