Pune crime : अल्पवयीन मुलासोबत शारीरिक संबंध ठेवणाऱ्याला पिंपरी चिंचवड पोलिसांनी केली अटक; वाचा, काय घडलं?

पुणे : सात वर्षांच्या मुलासोबत अनैसर्गिक शारीरिक संबंध ठेवल्याप्रकरणी पिंपरी-चिंचवड पोलिसांनी (Pimpri Chinchwad Police) 27 वर्षीय तरुणाला अटक केली आहे. अलीम मुसा शेख असे आरोपीचे नाव आहे. 17 जुलै रोजी पिंपरी चिंचवड परिसरात ही घटना घडली होती. मुलाच्या कुटुंबीयांच्या तक्रारीच्या आधारे त्याच दिवशी पोलीस ठाण्यात प्रथम माहिती अहवाल (FIR) दाखल करण्यात आला, असे पोलिसांनी सांगितले. पोलिसांनी एक पत्रक जारी केले, या जारी केलेल्या प्रसिद्धीपत्रकानुसार, त्या व्यक्तीने बागेत खेळत असलेल्या मुलाला चॉकलेटचे आमिष दाखवले. नंतर त्याने मुलासोबत अनैसर्गिक लैंगिक संबंध ठेवले आणि घटनास्थळावरून पळ काढला, असे त्यात म्हटले आहे. घटनेची माहिती मिळताच मुलाच्या कुटुंबीयांनी पोलिसात जाऊन झालेल्या प्रकाराची तक्रार दाखल (Filed a complaint) केली.

सीसीटीव्ही फुटेजच्या आधारे तपास

याप्रकरणी वरिष्ठ पोलीस निरीक्षकांनी तपास सुरू केला आहे. पोलिसांनी कथित गुन्हा घडलेल्या भागातील सीसीटीव्ही फुटेज तपासले. या तपासादरम्यान आरोपीची ओळख पटविण्यात आली. त्यानंतर दुसऱ्याच दिवशी म्हणजे 18 जुलै रोजी त्याला अटक करण्यात आली. पोलिसांनी आरोपींवर भारतीय दंड संहिता (IPC) कलम 377 (अनैसर्गिक संबंध), 367 (अपहरण किंवा अपहरण) आणि 506 (गुन्हेगारी धमकी) आणि लैंगिक गुन्ह्यांपासून बालकांचे संरक्षण (पोक्सो) कायद्याच्या कलमांखाली गुन्हा दाखल केला.

आधीही झाली होती अटक

आरोपीविषयी अधिक माहिती देताना पोलिसांनी सांगितले, की आरोपी अलीम मुसा शेख याला काही महिन्यांपूर्वी पिंपरी पोलीस ठाण्यात अंमली पदार्थ आणि सायकोट्रॉपिक सबस्टन्स (एनडीपीएस) कायद्याच्या कलमांतर्गत अंमली पदार्थांच्या प्रकरणात अटक करण्यात आली होती. त्यानंतर त्याची सुटका झाली. मात्र पुन्हा एका वेगळ्या गुन्ह्यात त्याला अटक करण्यात आली आहे. याव्यतिरिक्त त्याने कोणते गुन्हे केले आहेत, का याचा तपासही पोलीस करीत आहेत. त्याचबरोबर अल्पवयीन मुलाचे लैंगिक शोषण करतेवेळी त्याने अंमली पदार्थांचे सेवन केले होते, त्याचे कोणत्या गुन्हेगारांशी लागेबांधे आहेत का, सर्व बाबी पोलीस कोठडीत असलेल्या अलीम शेखकडून पोलीस शोधणार आहेत.