Pune : पुणे तिथे काय उणे, पुण्यातल्या डुप्लिकेट मुख्यमंत्र्यांना आरतीची आमंत्रणे
आता विजय माने यांना त्यांच्या या हुबेहूब दिसण्याचा कधी फायदा, तर कधी तोटा होता. माने यांच्यासोबत सेल्फी काढण्यासाठी ते जिथे जातील तिथे अनेक तरुण हट्ट धरतात.
पुणे : दोन वर्षानंतर कोरोनाचा (Corona) संसर्ग कमी झाल्यानंतर राज्यात दहीहंडी उत्सव अतिशय उत्साहात साजरा झाला. मुंबई पुण्यासह (Pune) राज्यात उत्साह पाहायला मिळाला. त्यावेळी डुप्लीकेट मुख्यमंत्र्याचा (Eknath Shinde) डान्स तुफान व्हायरल झाला होता. तसेच अनेकांनी तो सोशल मीडियावर (Social Media) शेअर देखील केला होता. तशीच दाडी, तसाच गॉगल आणि फेटा घातलेला व्हिडीओ तुफान व्हायरल झाला. सध्या पुण्यात सुद्धा एक तरुण मुख्यमंत्र्यांसारखा दिसत असल्याने त्याची चर्चा अधिक आहे. त्या तरूणाचं नाव विजयराजे माने असं आहे, त्याला सुद्धा अधिक गणपतीच्या काळात आरतीची अधिक आमंत्रणे येत असल्याने तो अधिक चर्चेत आला आहे.
पुण्यातील एक तरुण हुबेहूब मुख्यमंत्र्यांसारखाच दिसतो.विजयराजे माने असे त्यांचे नाव आहे. विजयराजे माने हे महाराष्ट्राचे मुख्यमंत्री एकनाथ शिंदे यांच्या सारखेच दिसतात. माने यांनी चेहऱ्यावर वाढवलेली दाढी, कपाळावरचा टिळा, आणि ते परिधान करत असलेले व्हाईट शर्ट आणि व्हाईट पॅन्ट, त्याबरोबर एकनाथ शिंदे यांच्यासारखाच चष्मा सगळ्यांमुळे माने हे शिंदे यांचे डुप्लिकेट दिसतात.
आता विजय माने यांना त्यांच्या या हुबेहूब दिसण्याचा कधी फायदा, तर कधी तोटा होता. माने यांच्यासोबत सेल्फी काढण्यासाठी ते जिथे जातील तिथे अनेक तरुण हट्ट धरतात. एवढेच काय तर अनेक लोक प्रस्ताव आणि निवेदन घेऊन माने यांच्या घरी जातात. आता गणेशोत्सवात तर मुख्यमंत्र्यांच्या या डुप्लिकेट असणाऱ्या विजय मानेंना पुण्यातील अनेक मंडळ आरतीसाठी बोलवत आहेत. माने रोज शहरभर फिरून सात ते आठ मंडळाच्या आरत्या पार पडतात. एवढेच नाही तर माने यांना अनेक उद्घाटनाला देखील बोलावलं जात आहे.
