पुणे पुन्हा हादरलं! सावत्र बापाकडून १० वर्षांच्या मुलीवर सलग 2 दिवस अत्याचार

पुण्यात पुन्हा एकदा संतापजनक घटना घडली आहे. पुण्यातील भोर तालुक्यातील एका गावात पुन्हा भयंकर घडला आहे. बाहेर कामासाठी आलेल्या कुटुंबातील 30 वर्षीय सावत्र बापाने दहा वर्षांच्या मुलीवर अत्याचार केल्याची घटना घडली आहे. भोर तालुक्यात पुन्हा संतापजनक प्रकार घडल्याने नागरिकांकडून संताप व्यक्त केला जात आहे. या प्रकरणाी पीडित मुलीच्या आईने भोरच्या राजगड पोलिसांनी आरोपीवर पोक्सो कायद्यांतर्गत गुन्हा दाखल केला आहे. त्यानंतर पोलिसांनी आरोपीला अटक केली आहे.

मिळालेल्या माहितीमाहितीनुसार, भोरच्या तालुक्यातील एका गावात संबंधित कुटुंब बाहेरील जिल्ह्यातून कामासाठी आले होतं. आरोपीने 17 आणि 18 जुलैला आरोपीने मुलीवर अत्याचार केला आहे. नराधमाच्या अत्याचारानंतर मुलीला शारीरिक त्रास होऊ लागला. त्यानंतर तिने हा प्रकार आईला सांगितला. आईने स्थानिक नागरिक आणि मुकादमाच्या मदतीने राजगड पोलिस ठाण्यात धाव घेतली. पोलिसांत गुन्हा दाखल होताच पोलिसांनी कारवाईला सुरुवात केली. पोलिस निरीक्षक संतोष जाधव यांनी घटनेचे गांभीर्य ओळखून तातडीने पथक पाठवून आरोपीला ताब्यात घेतले. आरोपीने गुन्ह्याची कबुली दिली आहे. त्यानंतर पीडित मुलीला उपचारासाठी रुग्णालयात दाखल करण्यात आले आहे. पोलिस उपनिरीक्षक अजित पाटील या प्रकरणाचा पुढील तपास करत आहेत. या प्रकरणी आरोपीवर कठोर कारवाईची मागणी केली जात आहे.

दरम्यान, काही दिवसांपूर्वी भोर तालुक्यात साडेतीन वर्षांच्या मुलीवर अत्याचार केल्याची घटना घडली होती. या घटनेनंतर नरामधाने पीडित मुलीची हत्या केली होती. या संतापजनक प्रकाराच्या विरोधात नागरिकांनी आक्रमक पवित्रा घेतला होता. या प्रकरणात कोर्टाने आरोपीला फाशीची शिक्षा सुनावली आहे. तर काही दिवसांपूर्वी मुंबईच्या पायधुनीतही संतापजनक प्रकार घडला होता. एका 32 वर्षांच्या नराधमाने 7 वर्षीय मुलीसोबत घृणास्पद केल्याची घटना घडली होती. वासनांध वॉचमनने अल्पवयीन मुलीवर अत्याचार केला होता. या प्रकारानंतर स्थानिकांनी वॉचमनला चोप दिला होता.या प्रकरणी पोलिसांनी नराधमाच्या विरोधात पॉक्सो अंतर्गत गुन्हा दाखल केला होता. या अत्याचाराच्या घटनेने महिला सुरक्षेच्या प्रश्न ऐरणीवर आला आहे.