अजित पवारांची ‘ही’ बाजू कुणाला माहिती नाही, घरी असले की…; सुनेत्रा पवारांनी सांगितला स्वभावातला गुण

अजित पवार म्हटलं की त्यांचा कडक शिस्तीचा स्वभाव डोळ्यासमोर येतो. पण अजित पवार यांच्या स्वभावात मिश्किलपणा देखील आहे. त्यांच्या स्वभातील गुणांवर त्यांच्या पत्नी सुनेत्रा पवार यांनी प्रकाश टाकला. बारामती लोकसभा मतदारसंघात आयोजित एका कार्यक्रमात सुनेत्रा पवार यांना अजितदादा घरी कसे असतात? असा प्रश्न विचारण्यात आला. तेव्हा खरं म्हणजे अजित पवारांच्या स्वभावाची ही बाजू कुणाला माहिती नाहीये. ते घरी असले की त्यांचा मिश्किल स्वभाव समोर येतो. ते प्रचंड हजरजबाबी आहेत. कुटुंबातील लोक एकत्र असले की ते जोक करतात. आणि वातावरण हलकं फुलकं होऊन जातं, असं सुनेत्रा पवार यांनी म्हटलं. तसंच ‘हमें तुम से प्यार कितना ये हम नहीं जानते’ हे गाणं त्यांना खूप आवडतं, असंही त्यांनी सांगितलं.

स्थानिकांशी संवाद

सुनेत्रा पवार या बारामती लोकसभा मतदारसंघाच्या संभाव्य उमेदवार आहेत. त्या मतदारसंघाचा दौरा करत आहेत. या दौऱ्यादरम्यान ते स्थानिकांशी संवाद साधत आहेत. यावेळी अजितदादांची बायको अशी माझी ओळख ठीक आहे. पण माझं कर्तृत्व कायं? हे तुम्हा लोकांना माहिती असायला हवं.. असं म्हणतं सुनेत्रा पवार यांनी केलेल्या कामांचा लेखाजोखा लोकांसमोर मांडला. बारामती हायटेक टेक्स्टटाईल पार्क,  विद्या प्रतिष्ठान, एनजीओ अशा विविध संस्थांमार्फत केलेल्या समाजकारणाशी निगडित केलेली कामं सुनेत्रा पवार यांनी लोकांसमोर मांडली.

अप्रत्यक्षपणे सुप्रिया सुळेंवर निशाणा

भाव-भावनांचा खेळ चालू आहे, मनस्थिती सगळ्यांची वेगळ्या प्रकारची आहे. भावनांचा जरी प्रश्न असला तरी देवही अजून सगळ्या समस्या सोडवू शकलेला नाही. पण आता मनामध्ये जो गोंधळ असेल तो बाजूला ठेवला पाहिजे. कारण गेल्या पंधरा वर्षात किती प्रश्न सुटले? गेल्या पंधरा वर्षात तुमच्या आमदार, खासदार यांनी केलेल्या कामांचा लेखा जोखा तुमच्या समोर आह, असं म्हणत सुनेत्रा पवार यांनी अप्रत्यक्षपणे सुप्रिया सुळे यांच्या गेल्या पंधरा वर्षातील कामकाजावर बोटं ठेवलं.

“सांगा दादाचं चुकलं काय?”

परिस्थिती सांगून येतं नसते. घटना अचानक घडत असतात. अजित पवारांनी वेगळा निर्णय घेण्याला, त्यामागे अनेक कारणं आहेत. जेव्हा एखाद्या गोष्टीचा कडेलोट होतो. तेव्हाच माणसं वेगळा निर्णय घेतात. संविधानामध्ये प्रत्येकाला व्यक्ती स्वातंत्र्यचा आणि व्यक्ती विचाराचा अधिकार आहे. जर हेच व्यक्तिस्वातंत्र्य अजित पवारांनी वापरलं असेल. व्यक्ती विचारातून वेगळा विचार केला असेल. तर त्यात काय चुकलं?, असं म्हणत अजित पवारांनी भाजपसोबत जाण्याच्या घेतलेल्या निर्णयावर सुनेत्रा पवार व्यक्त झाल्या.