Raj Thackeray | राज ठाकरे पुणे दौऱ्यावर, पदाधिकाऱ्यांसोबत बैठका, मनविसेच्या कार्यकर्त्यांशीही संवाद

मनसे पदाधिकाऱ्यांसोबतच्या बैठकांमध्ये राज ठाकरे काय चर्चा करणार, त्यावर आगामी निवडणुकीच्या अनुषंगाने, पक्ष संघटना बांधणीसाठी काय आराखडे तयार केले जाणार? याकडे सर्वांचेच लक्ष लागले आहे.

Raj Thackeray | राज ठाकरे पुणे दौऱ्यावर, पदाधिकाऱ्यांसोबत बैठका, मनविसेच्या कार्यकर्त्यांशीही संवाद
राज ठाकरे पुणे दौऱ्यावर
Follow us
| Updated on: Jul 19, 2021 | 1:11 PM

पुणे : मनसे अध्यक्ष राज ठाकरे (Raj Thackeray) यांच्या पुणे दौऱ्याला आजपासून सुरुवात झाली आहे. तीन दिवसाच्या या दौऱ्यामध्ये राज ठाकरे पुण्यातील महाराष्ट्र नवनिर्माण सेनेचे नेते, राज्य उपाध्यक्ष, राज्य सचिव यांच्यासोबतच प्रभाग अध्यक्ष, विद्यार्थी सेनेचे पदाधिकारी आणि कार्यकर्ते यांच्याही बैठका घेणार आहेत. आगामी पुणे महानगरपालिका निवडणुकीच्या तोंडावर राज ठाकरे यांचा हा दौरा महत्त्वपूर्ण मानला जात आहे.

मनसे पदाधिकाऱ्यांसोबतच्या बैठकांमध्ये काय चर्चा होणार, त्यावर निवडणुकीच्या अनुषंगाने, पक्ष संघटना बांधणीसाठी काय आराखडे तयार केले जाणार? याकडे सर्वांचेच लक्ष लागले आहे. मनसेचे नेते, राज्य उपाध्यक्ष आणि सरचिटणीस यांची बैठक आज झाल्यानंतर उद्या विद्यार्थी सेनेचे पदाधिकारी आणि त्यानंतर प्रभाग अध्यक्ष आणि उपाध्यक्ष यांच्या बैठका राज ठाकरे घेणार आहेत.

मनविसेच्या बैठकीकडेही लक्ष

मनसेच्या विद्यार्थी सेनेचे अध्यक्षपद सोडून आदित्य शिरोडकर यांनी गेल्याच आठवड्यात शिवसेनेत प्रवेश केला. या पार्श्वभूमीवर विद्यार्थी सेनेचे पदाधिकारी आणि कार्यकर्ते यांच्याशी संवाद साधून मनविसेला सावरण्याचं मोठं आव्हान राज ठाकरेंसमोर असेल.

पाहा व्हिडीओ

नाशिका दौऱ्यानंतर मिशन पुणे

नाशिक दौरा आटपून राज ठाकरे सोमवारपासून पुणे दौऱ्यावर आले आहेत. नाशिकमध्ये भाजप प्रदेशाध्यक्ष चंद्रकांत पाटील यांच्यासोबत राज ठाकरे यांची झालेली 15 मिनिटांची चर्चा सर्वत्र उत्सुकतेचा विषय ठरली होती. राज ठाकरे नाशिकमध्ये आहेत, मीही नाशिकमध्येच आहे. आमच्या वेळा जुळल्या तर राज यांच्यासोबत एक कप चहा घ्यायला काहीच हरकत नाही, असं वक्तव्य चंद्रकांत पाटील यांनी केलं होतं, त्यानंतर लगेचच या दोन्ही नेत्यांच्या वेळाही जुळल्याचं दिसलं.

चंद्रकांत पाटलांशी चर्चा

राज ठाकरे आणि चंद्रकांत पाटील यांची रविवारी सकाळी नाशिकच्या विश्रामगृहाच्या दारातच भेट झाली. राज यांच्या वाहनांचा ताफा येत असताना चंद्रकांत पाटील यांचा ताफा विश्रामगृहाबाहेर जात होता. त्यावेळी चंद्रकांत पाटलांनी गाडीतून उतरून राज ठाकरेंना नमस्कार केला. त्यानंतर दोन्ही नेत्यांमध्ये विश्रामगृहाबाहेरच 15 मिनिटं चर्चा झाली. यावेळी राज ठाकरे हाताची घडी घालून उभे होते. तर चंद्रकांतदादा त्यांना हातवारे करून काही तरी सांगत होते. राज हे सर्व काही गंभीरपणे ऐकत होते. अनेक वेळा राज हे चंद्रकांतदादांच्या बोलण्यावर मान डोलवतानाही दिसत होते.

संबंधित बातम्या:

राज ठाकरेंच्या उत्तर भारतीय भाषणांचा विपर्यास, ते लिंक पाठवणार आहेत, भेटीनंतर चंद्रकांतदादांनी गप्पांचे डिटेल्स सांगितले

मुंबईत मनसेला धक्का, विद्यार्थी सेनेचे अध्यक्ष आणि सरचिटणीस आदित्य शिरोडकरांचा शिवसेनेत प्रवेश

(Raj Thackeray on Pune Tour meetings with MNS leaders important ahead of Pune Municipal Corporation Elections)

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.