‘भाजप नेत्यांवर EDची कारवाई दाखवा, 1 लाख रुपये मिळवा’, कुठे लागले असे बॅनर

शंकर देवकुळे, सांगली : राज्यात अनेक ठिकाणी बॅनरबाजी सुरु असते. कधी कोणाला भावी आमदार केले जाते, कधी कोणाला भावी खासदार केले जाते. अगदी भावी मुख्यमंत्री म्हणून लागलेले बॅनरही राज्यात चर्चेचे ठरले होते. कसबा पेठ विधानसभा पोटनिवडणुकीदरम्यान पुणे शहरात लागलेले आगळेवेगळे बॅनरची चर्चा राज्यभर झाली होती. आता केंद्र सरकारकडून अंमलबजावणी संचालनालय (ईडी)चा वापर राजकीय हेतूने केला जात असल्याचा आरोप करत बॅनर लावले आहे. या बॅनरमध्ये ‘भाजप नेत्यांवर EDची कारवाई दाखवा, 1 लाख रुपये मिळवा’, असे म्हटले आहे.

कुठे लागले बॅनर

सांगत जिल्ह्यात राष्ट्रवादी काँग्रेसकडून बॅनर लावण्यात आले आहे. सांगली जिल्ह्याचे माजी पालकमंत्री आणि राष्ट्रवादी काँग्रेसचे प्रदेशाध्यक्ष जयंत पाटील यांना ED ने नोटीस दिली आहे. त्याविरोधात जत राष्ट्रवादी युवक काँग्रेसने जतच्या एसटी स्टँड येथे चक्क डिजिटल बोर्ड लावले आहेत. भाजपच्या नेत्यांवर ईडीची कारवाई दाखवा आणि 1 लाख रुपये बक्षीस मिळवा, असा मजकूर या बॅनरवर लिहिली आहे. राष्ट्रवादी काँग्रेसचे प्रदेशाध्यक्ष जयंत पाटील यांना ईडीने पाठवलेल्या नोटीसचा “जाहीर निषेध” चा डिजिटल बोर्ड लावला आहे. त्यामुळे जत तालुक्यासह जिल्ह्यात चांगलीच चर्चा रंगली आहे.

काय आहे प्रकरण

जयंत पाटील यांना ईडीची नोटीस आली आहे. आयएल अँड एफएस प्रकरणात पडताळणीसाठी ईडीने जयंत पाटील यांना नोटीस बजावली आहे. आयएल अँड एफएस प्रकरणात एका व्यक्तीला अनेक कंत्राटं मिळाली होती. त्या व्यक्तीने अनेकांना कमिशन दिल्याचा ईडीला संशय आहे. या संशयाची पडताळणी करण्यासाठी जयंत पाटील यांना नोटीस बजावण्यात आली आहे.

कंपनी दिवाळखोरीतjaywant patiljayant patil

आयएल अँड एफएस कंपनीच्या व्यवहारांची यापूर्वीच ईडीकडून चौकशी सुरू असल्याचं सांगितलं जातं. ही कंपनी दिवळखोरीत होती. या कंपनीत मोठा आर्थिक गैरव्यवहार आणि आर्थिक अनियमितता झाल्याचं दिसून आलं आहे. या प्रकरणात मनी लॉन्ड्रिंग झाल्याचाही संशय आहे. पोलिसांनी या प्रकरणी गुन्हा दाखल करून अरुण कुमार साहा यांना ताब्यात घेऊन त्यांची चौकशीही केली होती. याच प्रकरणात आता जयंत पाटील यांना नोटीस बजावली आहे.