तुकाराम मुंढे यांचे नाव घेत रोहित पवार यांचा MPSC आयोगाला मोठा इशारा, थेट..
एमपीएससी प्रकरणात रोहित पवार आक्रमक भूमिका घेताना दिसत आहेत. त्यातच मोठी अपडेट पुढे येत आहे. रोहित पवार यांनी पुन्हा एकदा मोठा इशारा दिला. कागदपत्रे रद्दी काढून नष्ट करण्याची एवढी घाई का झाली आहे? असा सवाल त्यांनी उपस्थित केला.
MPSC आयोगातील कथित गैरप्रकारांवरून आमदार रोहित पवार यांनी आयोगाला पुन्हा मोठा इशारा दिला आहे. आंदोलन स्थगित झालं म्हणजे प्रकरण संपलं असं समजू नये, पेपरफुटीतील दोषींना सोडणार नाही, असं त्यांनी म्हटलं आहे. अकरा दिवस विद्यार्थ्यांसोबत आंदोलन करताना रोहित पवार दिसले. MPSC कडून जुनी कागदपत्रं नष्ट करण्याची घाई का, असा सवाल करत त्यांनी निर्णयावर आक्षेप घेतला. न्यायिक चौकशी पूर्ण होईपर्यंत जुनी कागदपत्रं नष्ट करण्यास स्थगिती देण्याची मागणी रोहित पवार यांनी केली आहे. रोहित पवार यांनी सोशल मीडियावर पोस्ट शेअर केली. रोहित पवार यांनी सोशल मीडिया पोस्टमध्ये म्हटले की, MPSC आयोगातील महाभागांनी जास्त हुशारी करण्याचा प्रयत्नच करू नये. आंदोलन स्थगित झालं म्हणजे सर्व शांत झालं आणि आमचं लक्ष नाही, असं कुणीही समजू नये.
पेपर फोडून विद्यार्थ्यांच्या भविष्याची होळी करणाऱ्या कुणालाच आम्ही सोडणार नाही. चौकशी होऊद्या, पेपर फोडणारे सगळे घरी जातीलच.. MPSC ला जुनी कागदपत्रे रद्दी काढून नष्ट करण्याची एवढी घाई का झाली आहे? एवढा चक्रमपणा का? न्यायिक चौकशी आयोगाचा आणि तुकाराम मुंडेंच्या धाकाचा हा परिणाम आहे का? आयोगाचं संपूर्ण शुद्धीकरण करायचं असेल तर सर्व जुनी कागदपत्रं देखील तपासणं गरजेचं आहे, तरच सत्य बाहेर येईल.
त्यामुळं आयोगाच्या सचिवांनी किंवा सरकारने तत्काळ दखल घेऊन चौकशी पूर्ण होईपर्यंत रद्दी नष्ट करण्याच्या या निर्णयाला स्थगिती देण्याच्या सूचना द्याव्यात, असे रोहित पवार यांनी आपल्या पोस्टमध्ये म्हटले. रोहित पवार पुन्हा आक्रमक भूमिका घेत आहेत. रोहित पवारांच्या आंदोलनाला मोठे यश आले.
तुकाराम मुंढे चाैकशी समितीमध्ये आहेत. एमपीएससीचे आयुक्त भीमनवार रजेवर गेले आहेत. त्यांनी स्वत: सोशल मीडियावर पोस्ट शेअर करत स्पष्ट केले की, जोपर्यंत चाैकशी होत नाही, तोपर्यंत मी रजेवर जात आहे. सुरूवातीला सांगण्यात आले की, त्यांना सक्तीच्या रजेवर पाठवण्यात आले पण त्यानंतर स्पष्ट झाले की, त्यांना सक्तीच्या रजेवर पाठवण्यात आले नाही.
