Sanjay Kenekar: भाजप आमदार संजय केणेकर यांच्या कार्यालयात चक्क बंदूक, भेटण्यासाठी आलेल्या व्यक्तीचा प्रताप, घातपाताचा डाव?

A Pistol Found At Sanjay Kenekar Office: भाजपाचे आमदार संजय केणेकर यांच्या छत्रपती संभाजीनगर मधील क्रांती चौकातील संपर्क कार्यालयात एका बॅगमध्ये पिस्टल आढळले आहे. ही बंदूक काल रात्री कर्मचाऱ्यांनी बघितले होते. हा प्रकार त्यांच्या कार्यालयातील कर्मचाऱ्यांनी संजय केणेकर यांच्या कानावर घातला होता. त्यानंतर पोलिसांना याविषयीची माहिती देण्यात आली. पोलिसांनी घटनास्थळी धाव घेतली आहे. पण आमदारांच्या संपर्क कार्यालयात थेट बंदुक आढळल्याने एकच खळबळ उडाली आहे. हे पिस्टल कार्यालयात आणण्यामागील हेतू काय याविषयीचा तपास सुरू असल्याचे समजते. हा घातपाताचा प्रकार तर नाही ना या शक्यतेनेही तापास करण्यात येत आहे.

नेमकी घटना काय?

आमदार संजय केणेकर यांच्या माहितीनुसार, त्यांच्या कार्यालयात नागरिकांची मोठी गर्दी असते. शुक्रवारी सायंकाळी 7 वाजेच्या सुमारास एका व्यक्ती स्कूल बॅग सारखी बॅग घेऊन आली. ही व्यक्ती बॅग कार्यालयात विसरून गेली. त्यांच्या पीएने ही बॅग सुरक्षित स्थळी उचलून ठेवली. आज सकाळी ही बॅग तपासली असता त्यात एक पिस्तूल आढळले. ही बाब तातडीने पोलिसांना कळवण्यात आली. केणेकर यांचे कार्यालय हे क्रांती चौकात आहेत.

संजय किनेकर या पिस्टलची पाहणी केली आहे. आमदार संजय खेडेकर हे त्यांच्या प्रक्षोभक भाषण आणि वक्तव्यासाठी प्रसिद्ध आहेत नेमका हा एअरफिस्टल आहे, की गावठी पिक्चर आहे की आणखी कोणत्या स्वरूपाचा हे बघणे महत्त्वाचे आहे.

मला यापूर्वी धमक्या

या घटनेवर संजय केणेकर यांनी प्रतिक्रिया दिली. निवडणुकीच्या काळापासून मला सातत्याने धमक्या येत होत्या. मी अनेक घोटाळ्यांबाबत तक्रारी केल्या आहेत. त्यामुळे मला धमकावण्यासाठी हा प्रकार केला असावा असा मला संशय असल्याचा दावा संजय केणेकर यांनी केला. या व्यक्तीचा नेमका काय उद्देश आहे हे अद्याप स्पष्ट झालेले नाही. तर ही व्यक्ती कोण आहे याचा पोलिस तपास करत आहेत.

सीसीटीव्हीच्या आधारे पोलिसांचा शोध

दरम्यान पिस्तूल सापडल्याचे समजताच पोलिसांनी क्रांतीचौकातील या कार्यालयात धाव घेतली. त्यांनी बॅगमधून ही पिस्तूल बाहेर काढत तिची तपासणी केली. कार्यालयातील आणि इतर ठिकाणचे तसेच परिसरातील सीसीटीव्हीची आता ही व्यक्ती शोधण्यासाठी मदत घेतली जाणार आहे. सीसीटीव्ही आधारे या व्यक्तीचा पोलीस शोध घेणार आहे. लवकरच या व्यक्तीची ओळख पटवली जाणार आहे. त्यानंतर या घटनेचे रहस्य समोर येईल.