सीतेचं मंगळसूत्र चोरताय… विष पिऊन मेलं पाहिजे सत्ताधाऱ्यांनी, तुमचा बाप दुर्योधन; संजय राऊत यांचा घणाघाती हल्ला

उत्तर प्रदेशच्या अयोध्या येथील कथित राम मंदिर देणगी चोरी प्रकरणावरून राजकारण तापलं आहे. देणगी चोरी प्रकरणावरून ठाकरे गटाने आक्रमक पवित्रा घेतला आहे. उद्धव ठाकरे यांनी या प्रकरणाच्या विरोधात दादरमध्ये थेट आंदोलनाची घोषणा केली. या प्रकरणावरून विरोधक सत्ताधाऱ्यांवर जोरदार प्रहार करत आहेत. संजय राऊत यांनीही सत्ताधाऱ्यांवर निशाणा साधला आहे. सीतेचं मंगळसूत्र चोरताय. खरंतर सत्ताधाऱ्यांनी विष पिऊन मेलं पाहिजे, अशा कठोर शब्दात संजय राऊत यांनी सत्ताधाऱ्यांवर घाणाघात केला.

अयोध्या येथील कथित राम मंदिर देणगी चोरी प्रकरणी पोलिसांकडून मोठी कारवाई करण्यात येत आहे. आतापर्यंत देणगी चोरी प्रकरणी 8 हून अधिक जणांना अटक केली आहे. या प्रकरणामुळे राम मंदिराची ट्रस्ट देखील संशयाच्या भोवऱ्यात सापडली आहे. पोलिसांकडून आरोपींची कसून चौकशी सुरू आहे. या प्रकरणावरून राजकीय वातावरणही तापलं आहे. या प्रकरणावरून सत्ताधाऱ्यांवर टीका करताना संजय राऊत म्हणाले, राम मंदिराची लूट सुरू आहे. दरोडे पडत आहे. राम मंदिरात काय चोरलं गेलं नाही. मोदी निवडणुकीत सांगत होतं. मंगळसूत्र चोरणार. सीतेचं मंगळसूत्र चोरलं गेलं. सीतेला दान केलेलं मंगळसूत्र चोरलं गेलं. २७ मंगळसूत्र चोरली गेली. तिथे अब्दूल रहीम शमशाद आले होते का चोरायला. चोरणारे, मिश्रादुबे, चंपत राय राव हेच आहे. नेतृत्व मोदींचं आहे’.

सत्ताधाऱ्यांनी विष पिऊन मेलं पाहिजे : संजयल राऊत भडकले

‘सीतेचं मंगळसूत्र चोरताय काय तुमचं धाडस. एसआयटीच्या रेकॉर्डवर आलंय. आभूषणे चोरून तुम्ही राज्य करता. आम्हाला हिंदुत्व शिकवत आहात. कोण सत्ताधारी. विष पिऊन मेलं पाहिजे या सत्ताधाऱ्यांनी. हे दुर्योधनवादी आहेत. आम्हाला राम रक्षा आंदोलनावरून प्रश्न विचारणाऱ्यांचा बाप दुर्योधन आहे. आम्ही ४ वाजता उद्धव ठाकरेंच्या नेतृत्वात राम रक्षा आंदोलन करत आहोत. राज्यात आजपासून हे आंदोलन सुरू होत आहे. राज्याच्या सीमेबाहेर हे आंदोलन जाईल, असेही राऊत यांनी सांगितले.