शरद पवार यांची अजित पवारांवर टीका, म्हणाले ही फसवणूक आहे

शरद पवार यांनी टीव्ही ९ मराठीला दिलेल्या मुलाखतीत अजित पवार यांच्यावर टीका केली आहे. शरद पवार म्हणाले की, प्रत्येकाला कुठेही काम करण्याचा अधिकार आहे. त्या भागाचं भलं करायचं असेल. काम करायला कोणी पुढे येत असेल तर तक्रार करायचं काम नाही. पण विचारधारा वेगळी असेल तर… आम्ही कुणाशी संघर्ष करत होतो. त्यांच्या विरोधात अजित पवार निवडणूक लढले आणि त्यांच्याच पंक्तीला जाऊन बसले ही फसवणूक आहे. ज्यांच्यासोबत ते लोक गेले त्यांच्याशी आमचं असोसिएशन नाही. कारण आमची आयडॉलॉजी वेगळी आहे.’

शरद पवार म्हणाले की, बसता कुणासोबत, शक्ती कुणाला देता, त्याचा लाभ कुणाला मिळतो. ज्यांच्यासोबत बसला त्यांना लाभ मिळत आहे. लाभ घेणाऱ्यांची भूमिका राष्ट्रवादी नाही. दहा वर्षापूर्वी मी सांगितलं की डायरेक्ट निवडणूक मी लढवणार नाही. मी २०१४ पासून उभा राहिलो नाही. मी राज्यसभेचा प्रतिनिधी आहे. प्रत्यक्षात लोकांमध्ये निवडणूक लढवणं १९६७ साली मी पहिली निवडणूक लढवली. मला ५६ वर्ष झाली. पक्षाचं काम करावं, संसदेत लोकांमधून डायरेक्ट निवडून येणं हा जसा मार्ग आहे, तसा दुसरा मार्ग आहे. त्यानुसार काम करू शकतो. मी राज्यसभेतच आहे. त्यासाठी मला डायरेक्ट निवडणूक लढवावी लागली नाही. रिटार्यमेंट कुठे. पण निवडणुकीला उभं राहायचं नाही.

‘मोदींचं काय म्हणणं आहे समजतं. आमच्या घरात जागेवरून सत्तेवरून मतभेद आहे, असं दाखवण्याचा प्रयत्न आहे. सुप्रिया सुळे चारवेळा निवडून आली. त्या ठिकाणी दुसरे जे उभे राहिले त्यांचा त्या जागेवर दावा नव्हता. सुप्रिया सुळे यांना विधानसभेत इंटरेस्ट नाही. मोदी सांगतात ते खरं नाही. त्यांनी खरं बोललं पाहिजे. पंतप्रधान पद ही संस्था आहे. त्यांनी जपून बोलावं. कोणतंही विधान करणं म्हणजे आपल्या पदाची प्रतिष्ठा न राखणं आहे. त्यांनी जपून बोललं पाहिजे.’ असे ह शरद पवार म्हणाले.