शिवसेना ठाकरे गटाचा मोठा निर्णय, त्या नेत्याची पक्षातून तडकाफडकी हकालपट्टी, समोर आलं मोठं कारण

मोठी बातमी समोर येत आहे, कळंब नगरपालिकेतील शिवसेना ठाकरे गटाचे नगरसेवक मोसीन सलीम मिर्झा यांची पक्षातून तडकाफडकी हकालपट्टी करण्यात आली आहे. ड्रग्ज तस्करी प्रकरणात नाव समोर येताच शिवसेना ठाकरे गटाने मोसीन सलीम मिर्झा यांची पक्षातून हाकालपट्टी केली आहे. परभणी पोलिसांच्या वतीनं ड्रग्ज तस्करीविरोधात करावाई करण्यात आली होती, या प्रकरणात कळंब नगरपालिकेतील शिवसेना ठाकरे गटाचे नगरसेवक मोसीन सलीम मिर्झा  यांचं नाव समोर आलं होतं. त्यानंतर 7 ऑगस्ट रोजी मिर्झांसह अन्य पाच जणांना पोलिसांनी ताब्यात घेतले होते. त्यानंतर आता शिवसेना ठाकरे गटाचे धाराशिचे जिल्हा प्रमुख रणजित पाटील यांनी मोसीन मिर्झा यांची पक्षातून हकालपट्टी केली आहे.

काय आहे नेमकं प्रकरण? 

परभणी पोलिसांनी 72 ग्रॅम ड्रग्ज  ज्याची किंमत अंदाजे 14 लाख 63 हजार रुपये जप्त केली होती. या प्रकरणात आधी दोघांना अटक करण्यात आली होती. दरम्यान या प्रकरणात कळंब नगरपालिकेतील शिवसेना ठाकरे गटाचे नगरसेवक मोसीन सलीम मिर्झा यांचं नाव देखील समोर आल्यानं शहरात मोठी खळबळ उडाली होती.  त्यानंतर पोलिसांनी या प्रकरणाचा अधिक तपास करत असताना  7 ऑगस्ट रोजी मिर्झांसह अन्य पाच जणांना ताब्यात घेतलं.  मिर्झा यांना ताब्यात घेतल्यानंतर आता पक्षाकडून त्यांच्यावर कारवाई करण्यात आली आहे.

पक्षातून हकालपट्टी

परभणी पोलिसांकडून ही कारवाई करण्यात आली होती. पोलिसांनी 72 ग्रॅम ड्रग्ज जप्त केलं होतं, ज्याची किंमत अंदाजे 14 लाख 63 हजार रुपये एवढी आहे, या प्रकरणात पोलिसांनी आधी दोघांना अटक केलं, त्यानंतर या प्रकरणात मोसीन सलीम मिर्झा यांचं नाव देखील समोर आलं, मोसीन मिर्झा यांचं नाव समोर आल्यानं मोठी खळबळ उडाली होती, त्यानंतर आता शिवसेना ठाकरे गटाच्या वतीने मोठं पाऊल उचलण्यात आलं आहे. त्याच्यावर मोठी कारवाई करण्यात आली आहे, मिर्झा यांची तडकाफडकी पक्षातून हकालपट्टी करण्यात आली आहे. हे ड्रग्ज प्रकरण सध्या जिल्ह्यात चांगलंच गाजत आहे.