Anil Bonde : अमरावती उमेश कोल्हे हत्याकांड प्रकरण, अनिल बोंडेंकडून धक्कादायक खुलासा; वाचा काय म्हणाले ते ?

अमरावती : उमेश कोल्हे (Umesh Kolhe) यांच्या हत्या प्रकरणात आता खासदार अनिल बोंडे (Anil Bonde) यांनी धक्कादायक खुलासा (Reveal) केला आहे. उमेश कोल्हे हत्याकांडाचा मास्टरमाइंड लव जिहादचा आरोपी असल्याचे बोंडे म्हणाले आहेत. मास्टरमाइंड शेख इरफान याने एका हिंदू मुलीवर बलात्कार केला. लग्न झालेल्या हिंदू मुलीला गुंगीचे औषध देऊन तिच्यावर बलात्कार केला. त्या हिंदू मुलीला जबरदस्ती बुरखा घालायला लावला. मध्य प्रदेश पोलिसांनी शेख इरफानवर लक्ष ठेवण्याच्या सूचना दिल्या होत्या. अमरावती पोलिसांनी शेख इरफानवर लक्ष न ठेवल्याने उमेश कोल्हे यांची हत्या झाल्याचा दावा बोंडे यांनी केला आहे.

सिटी कोतवाली पोलीस ठाण्यातील एक पोलीस इरफानला संरक्षण देत होता, असेही बोंडे म्हणाले. पोलिसांनी अमरावतीत तातडीने कोंबिंग ऑपरेशन राबविले पाहिजे, असे बोंडेनी म्हटलंय.

अमरावतीची घटना घटना म्हणजे महाविकास आघाडीचं पाप

याआधी दोन दिवसांपूर्वी अमरावतीची घटना घटना म्हणजे महाविकास आघाडीचं पाप असल्याचं अनिल बोंडे यांनी म्हटलं होतं. अमरावती येथे उमेश कोल्हे नावाचा व्यक्ती आपल्या वैद्यकीय व्यवसायाच्या दुकानांमधून निघतो आणि त्याचा गळा कापून खून केला जातो. ही घटना म्हणजे महाविकास आघाडीचे पाप आहे, असा आरोप भाजपचे खासदार अनिल बोंडे यांनी केला होता. खामगाव येथील एका खाजगी कार्यक्रमात ते पत्रकारांशी बोलत होते

हत्येचा सीसीटीव्ही टीव्ही 9 च्या हाती

नुपूर शर्मा यांच्या समर्थनार्थ अमरावतीचे मेडिकल व्यावसायिक उमेश कोल्हे यांनी व्हाट्सअप ग्रुपवर पोस्ट व्हायरल केल्या होत्या. त्यामुळे त्यांची हत्या करण्यात आली. त्यामध्ये आतापर्यंत पोलिसांनी सात आरोपीला अटक केली असून या हत्याकांड्यांचा तपास आता NIA कडे वर्ग करण्यात आला आहे. मात्र ही हत्या जेव्हा झाली तेव्हाचे सीसीटीव्ही फुटेज आता टीव्ही 9 च्या हाती लागले आहे. (Shocking revelation from Anil Bonde in Amravati Umesh Kolhe murder case)