सोलापूरच्या ‘चिमणी’ला हायकोर्टाचा दिलासा, चार आठवडे पाडकामास स्थगिती

सिद्धेश्वर साखर कारखान्याची चिमणी पाडण्याच्या परवानगीसाठी सोलापूर महापालिकेतर्फे उच्च न्यायालयात अर्ज दाखल करण्यात आला

सोलापूरच्या 'चिमणी'ला हायकोर्टाचा दिलासा, चार आठवडे पाडकामास स्थगिती

सोलापूर : सोलापुरात विमान सेवेला अडसर ठरणाऱ्या सिद्धेश्वर साखर कारखान्याच्या चिमणीला (Siddheshwar Sugar Factory Chimney) तूर्तास अभय मिळालं आहे. सिद्धेश्वर कारखान्याची चिमणी चार आठवडे जैसे थे ठेवण्याचे आदेश हायकोर्टाने दिले आहेत. 21 जानेवारी 2021 पर्यंत चिमणीचे पाडकाम न करण्यास मुंबई उच्च न्यायालयाने सांगितलं आहे. (Siddheshwar Sugar Factory Chimney relief from Bombay HC)

सिद्धेश्वर साखर कारखान्याची चिमणी पाडण्याच्या परवानगीसाठी सोलापूर महापालिकेतर्फे उच्च न्यायालयात अर्ज दाखल करण्यात आला होता. तर साखर कारखान्याकडून स्थगितीसाठी उच्च न्यायालयात धाव घेण्यात आली होती. विमानसेवेसाठी सिद्धेश्वर साखर कारखान्याची चिमणी अडसर ठरत असल्याने हा वाद आहे.

जिल्हाधिकारी आणि महापालिका आयुक्तांनी न्यायालयाच्या स्थगितीकडे बोट दाखवत सोलापूरकरांना सबुरीचा सल्ला दिला होता. मुंबई उच्च न्यायालयाच्या दोन सदस्यीय खंडपीठाने 20 ऑगस्ट 2018 रोजी कारखान्याचे अपील फेटाळून लावले होते. भारतीय विज्ञान प्राधिकरण आणि नागरी विमान उड्डाण संचलनालय प्रवाशांच्या सुरक्षिततेसाठी काम करतात. त्यांच्या नियमांचं पालन केलं नाही तर समाजात चांगला संदेश जाणार नाही, असं उच्च न्यायालयात आदेशात म्हटलं होतं.

चिमणी अधिकृतच आहे मग ती पाडायला काय अडचण आहे? प्रशासन कसली वाट पाहत आहे? असा सवाल उच्च न्यायालयाने 2019 ला दिलेल्या आदेशात विचारला होता. सोलापूरच्या प्रशासनाने याबाबत त्वरित कार्यवाही करावी, असंही न्यायालयाने म्हटलं होतं. (Siddheshwar Sugar Factory Chimney relief from Bombay HC)

खासदार काय म्हणतात?

सोलापूरच्या विमान सेवेबाबत मी लोकसभेत दोन वेळा प्रश्न विचारला, मात्र उड्डाण योजनेतील विमानसेवेला साखर कारखान्याच्या चिमणीचा अडथळा येत असल्याची माहिती मिळाली आहे, असं सोलापूरचे खासदार जयसिद्धेश्वर शिवाचार्य स्वामी म्हणाले होते.

आयुक्त-जिल्हाधिकाऱ्यांचं म्हणणं काय?

महापालिका आयुक्त पी. शिवशंकर म्हणाले होते की, “चिमणी पाडण्यास मी तयार आहे. कायदा आणि सुव्यवस्थेचा आढावा घ्यावा लागेल. तसे पत्र जिल्हाधिकाऱ्यांना पाठवले आहे. 22 डिसेंबरपर्यंत थांबा” तर जिल्हाधिकारी शंभरकर म्हणाले होते, “केवळ सात दिवसांची मुदत द्या. चिमणीसंदर्भात मीच निर्णय घेतो. त्यानंतर शंभरकर यांनी शिक्षक आणि हदवीधर मतदारसंघाच्या निवडणूक आचारसंहितेचं कारण पुढे केले होते.

संबंधित बातम्या

सोलापूरच्या विमानसेवेला साखर कारखान्याच्या चिमणीचा अडथळा

(Siddheshwar Sugar Factory Chimney relief from Bombay HC)

Click on your DTH Provider to Add TV9 MARATHI