ऊसतोड महिला कामगार आता गावचा कारभार हाकणार, चिखलीच्या ग्रामस्थांचा मतरुपी निकाल!

नांदेडच्या कंधारमधील चिखली गावातील रेखा गायकवाड या उसतोड महिलेला गावकऱ्यांनी ग्रामपंचायत सदस्य म्हणून निवडून दिलंय.

  • राजीव गिरी, टीव्ही 9 मराठी, नांदेड
  • Published On - 13:18 PM, 19 Jan 2021
ऊसतोड महिला कामगार आता गावचा कारभार हाकणार, चिखलीच्या ग्रामस्थांचा मतरुपी निकाल!

नांदेड : निवडणूक म्हणजे वारेमाप खर्च असा सगळ्यांचा समज आहे. मात्र नांदेडमध्ये चिखली गावात ऊसतोड कामगार महिला ग्रामपंचायत निवडणुकीत विजयी झालीय. एक नवा पैसा ही खर्च न करता ऊसतोड तोडणाऱ्या रेखा गायकवाड ह्या ग्रामपंचायत निवडणुकीत विजयी झाल्या आहेत.

जनमत पाठीशी असले की निवडणुका इतिहास घडवतात, हे या निमित्ताने पुन्हा एकदा अधोरेखित झालंय. नांदेड जिल्ह्यातील चिखली हे खासदार प्रताप पाटील चिखलीकर यांचे मूळ गाव म्हणून जिल्ह्यात परिचित आहे. या गावाच्या ग्रामपंचायत निवडणुकीत स्पष्ट बहुमत खासदार चिखलीकर यांच्या गटाकडे आहे. मात्र याच गावात खासदारांच्या विरोधी गटांकडून विजयी झालेल्या रेखा बाबुराव गायकवाड यांच्या विजयाची देखील चर्चा होतेय.

व्यवसायाने ऊसतोड कामगार महिला असलेल्या रेखा गायकवाड यांना चिखली गावकऱ्यांनी निवडून दिलंय. विशेष म्हणजे या गावचे सरपंच पदाचे आरक्षण अनुसूचित जातीच्या महिलेला सुटले तर त्या सरपंचपदाच्या एकमेव दावेदार आहेत.

निवडणुकीला पैसाच खर्च करावा लागतो, असा समज या उदाहरणामुळे दूर होतो. गावकरी ज्याच्या पाठीशी त्याला नेतृत्व करायची संधी मिळते, हे या निमित्ताने सिद्ध होतंय. एक ऊसतोड कामगार महिला ग्रामपंचायतीत जाऊन आपल्या गावाच्या प्रश्नांना वाचा फोडणार याचा चिखली इथल्या ग्रामस्थांना अभिमान आहे.

सोलापुरचा 21 वर्षांचा ऋतुराज हाकणार गावगाडा

सोलापूरच्या मोहोळ तालुक्यात घाटणे येथील 21 वर्षाचा तरुणही विजयी झालाय. यासह तो सर्वात तरुण ग्रामपंचायत सदस्य ठरलाय. ऋतुराज रवींद्र देशमुख असं या तरुणाचं नाव आहे. विशेष म्हणजे त्याच्या पॅनललाही मोठा विजय मिळालाय. आता सरपंचपदाचं आरक्षण सोडतीनंतर त्याला संधी मिळाली, तर तो सर्वात तरुण सरपंच होण्याचीही शक्यता आहे

(SugarCane Worker Women Become A nanded Gram panchayat member)

हे ही वाचा :

अशी निवडणूक जिथं एक पॅनल प्रमुख पडला, एक पडता पडता राहीला, एकाची बायको पडली, एका मतानं उमेदवार पडला

Maharashtra Gram Panchayat Election Results 2021: एमबीए शिकलेला तरुण बनला ग्रामपंचायत सदस्य; गावात घडवलं सत्तांतर