आईस्क्रीम खाण्यासाठी उभे होते ग्राहक, असं काही घडलं की क्षणात होत्याचं नव्हतं झालं

ठाणे : काही जण रस्त्यावर आईस्क्रिक खातात. बाजूला वाहनं सुरू असतात. अशावेळी चौकस राहून आईस्क्रिम खाल्ली पाहिजे. कारण चौकस नसल्यास बाजूने सुसाट वाहन आल्यास अपघात होण्याची भीती असते. मुंबई-नाशिक महामार्गावर भीषण अपघात झाला. कंटेनर चालकाचा वाहनावरील ताबा सुटला. त्यामुळे झालेल्या भीषण अपघातात मोठी दुर्घटना घडली. रस्त्याच्या कडेला आइस्क्रीम टेम्पोवर आइस्क्रीम खाण्यासाठी युवक उभा होता. तो युवक भरधाव कंटेनरच्या धडकेत ठार झाला. तीन जण गंभीर जखमी झाले आहेत. मौजम फायाजऊल्ल हुसेन अन्सारी (वय 31) असे या अपघातात मृत्यू झालेल्या तरुणाचे नाव आहे. भिवंडी तालुक्यातील पडघा पोलीस ठाणे हद्दीत ही घटना घडली.

कारला वाचवण्याच्या नादात टेम्पोला धडक

खडवली नाका या ठिकाणी नाशिककडून मुंबईच्या दिशेने येणाऱ्या कंटेनर चालकाचे वाहनावरील नियंत्रण सुटले. कंटेनरने आपल्या पुढे असलेल्या कारला ठोकले. त्यामध्ये कार रस्त्यात उजवीकडे वळली होती. कारला वाचवण्याच्या नादात कंटेनरची रस्त्याच्या कडेला उभ्या असलेल्या आइस्क्रीम टेम्पो गाडीला धडक दिली.

चार जण खात होते आईस्क्रीम

कामावरून घरी परतणारे चार जण या आइस्क्रीम टेम्पोजवळ आइस्क्रीम खाण्यासाठी थांबले होते. त्यांनाही जोरदार धडक बसल्याने त्यामध्ये मौजम फायाजऊल्ल हुसेन अन्सारी हा चाका खाली आला. त्याचा जागेवर मृत्यू झाला तर इतर तीन जण गंभीर जखमी झाले आहेत. जखमीवर खाजगी रुग्णालयात उपचार सुरू आहेत.

सीसीटीव्हीत घटना कैद

या अपघातात कारसह तीन दुचाकी आणि आइस्क्रीम टेम्पो या वाहनांचे नुकसान झाले आहे. या भीषण अपघातानंतर पळून गेलेल्या कंटेनर चालकाला पडघा पोलिसांनी ताब्यात घेतले. त्याच्या विरोधात गुन्हा दाखल केला आहे. विशेष म्हणजे या अपघाताची घटना तेथील लक्की हॉटेलबाहेर लावलेल्या सीसीटीव्हीत कैद झाली आहे.