कल्याण डोंबिवली महानगरपालिकेत पहिल्यांदाच महिला आयुक्ताची नियुक्ती

सुनील जाधव, कल्याण : कल्याण डोंबिवली महानगरपालिका आयुक्त भाऊसाहेब दांडगे याची तडकाफडकी बदली ( kdmc commissioner transfer ) करण्यात आली आहे. त्यांच्या बदलीचे कारण गुलदस्त्यात आहे. कल्याण डोंबिवली महानगरपालिकेला पहिल्यांदाच महिला आयुक्त मिळाला आहे. इंदुराणी जाखड ( Indurani Jakhar) यांची कल्याण-डोंबिवलीच्या आयुक्तपदी नियुक्ती करण्यात आली आहे. त्याआधी महिला आर्थिक विकास महामंडळ येथे कार्यरत होत्या.

नवनिर्वाचित आयुक्त आणखी चांगले काम करतील असा विश्वास खासदार श्रीकांत शिंदे यांनी व्यक्त केलाय. इंदुराणी जाखड म्हणाल्या की, सर्वांच्या अपेक्षा पूर्ण करण्याचा आपण सर्वतोपरी प्रयत्न करणार आहे. सोबतच महिला बचत गटांच्या सक्षमीकरणासाठी प्रयत्न करणार आहोत.

केडीएमसीचे आयुक्त डॉ.भाऊसाहेब दांगडे यांची बदली राज्य सरकारी पेट्रोकेमिकल्स कॉर्पोरेशनचे व्यवस्थापकीय संचालकपदी करण्यात आली आहे. भाऊसाहेब दांगडे यांनी १ वर्षे ३ महिने पालिका आयुक्त पदाची धुरा सांभाळली.

डॉ.इंदुराणी जाखड यांच्या रुपात कल्याण डोंबिवली महापालिकेच्या स्थापनेनंतर प्रथमच महिला आयुक्त लाभल्या आहेत. इंदुराणी जाखड या महिला विकास विभागात कार्यरत आहेत. त्यांच्याकडे या भागाचा अतिरिक्त कार्यभार असणार आहे.