AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Big News : संसदेतील घुसखोरीचं कनेक्शन कल्याणमध्ये?; पोलिसांकडून कुणाची होतेय कसून चौकशी?

संसदेतील घुसखोरीचे पडसाद देशभरात उमटले आहेत. संसदेत घुसखोरी करणारा अमोल शिंदे हा लातूरचा रहिवाशी असल्याने खळबळ उडाली आहे. त्याच्या गावात जावून पोलिसांनी कसून चौकशी केली. तसेच या घुसखोऱांनी कल्याणमधून स्मोक कँडल खरेदी केल्याचं वृत्त धडकल्याने पोलीसही ॲक्शन मोडवर आले आहेत. पोलिसांनी कल्याणमधील व्यापाऱ्यांची कसून चौकशी सुरू केली आहे. तसेच फटाक्यांची तपासणी सुरू केली आहे.

Big News : संसदेतील घुसखोरीचं कनेक्शन कल्याणमध्ये?; पोलिसांकडून कुणाची होतेय कसून चौकशी?
parliament security breach case
| Updated on: Dec 16, 2023 | 3:13 PM
Share

ठाणे | 16 डिसेंबर 2023 : दोन दिवसांपूर्वी चार जणांनी संसद आणि संसदेच्या बाहेर घुसखोरी करत मोठा राडा केला. दोन जणांनी संसदेत जाऊन जोरदार घोषणाबाजी केली. तसेच संसद आणि संसदेच्या बाहेर स्मोक कँडल फोडून सरकार विरोधात रोष व्यक्त केला. बेरोजगारीच्या मुद्द्यावर या तरुणांनी संसदेत घुसखोरी करून सरकारचं लक्ष वेधण्याचा प्रयत्न केला. या चारही तरुणांना पोलिसांनी अटक केली आहे. त्यांना सात दिवसांची पोलीस कोठडीही सुनावण्यात आली आहे. या प्रकरणी अधिक तपास सुरू झाला आहे. या प्रकरणाचे धागेदोरे कल्याणमध्येही असल्याचं सांगितलं जात असून कल्याणमध्येही झाडाझडती सुरू करण्यात आली आहे.

संसदेत घुसखोरी केलेल्या तरूणांनी धुराच्या नळकांड्या कल्याण शहरातून खरेदी केल्या होत्या, असे वृत्त प्रसारित झाल्यानंतर कल्याणमधील पोलीस यंत्रणा अॅक्शन मोडवर आली आहे. दिल्लीतील तपास यंत्रणांनी विचारणा करण्यापूर्वीच स्थानिक पातळीवर प्रसारित वृत्ताच्या आधारे शहरातील फटाके विक्रेत्यांची चौकशी करण्यास सुरू केली आहे. मात्र तेवढ्या क्षमतेच्या धूर नळकांड्या विकत नसल्याचे दुकानदारांनी पोलिसांना सांगितले. त्यानंतर पोलिसांनी दुकानात असलेल्या फटाक्यांचे आणि नळकांड्यांची प्रत्यक्षात पाहणी केली. तसेच परिसरातील इतर दुकानांचीही पाहणी केली.

विचारणा होण्यापूर्वीच कारवाई

संसदेत घुसखोरी करणाऱ्या तरुणाकडे सापडलेल्या रंगीत धुराच्या नळकांड्या त्यांनी कल्याणमधून खरेदी केल्याची बातमी आली होती. या नळकांड्या त्यांनी कल्याणमधून खेरदी केल्याचं वृत्तही आलं होतं. त्यामुळे दिल्लीतील पोलीस यंत्रणा अलर्ट झाली होती. दिल्लीतील तपास यंत्रणांनी विचारणा करण्यापूर्वीच कल्याण पोलीस कामाला लागले. कल्याण पोलिसांनी तातडीने स्थानिक फटाके विक्रेत्यांची कसून चौकशी सुरू केली.

व्यापारी घाबरले

काल दुपारी कल्याणच्या अहिल्याबाई चौकातील एका फटाके विक्रेत्याची पोलिसांनी चौकशी केली. यावेळी संसदेत वापरलेले तेवढ्या क्षमतेच्या धूर नळकांड्यांची कल्याणमध्ये विक्री होत नसल्याचे दुकानदारांनी सांगितलं. पण पोलिसांनी फटाके विक्रेत्यावर विश्वास न ठेवता दुकानात असलेल्या फटाक्यांचे आणि नळकांड्याची प्रत्यक्षात पाहणी केली. तसेच या सर्व गोष्टींची नोंदही पोलिसांनी करून घेतली आहे. सध्या अश्याप्रकारे अनेक दुकानदारांची चौकशी पोलिसांनी सुरू केली आहे. परिसरातील इतर दुकानातही असाच तपास करण्यात येत आहे. पोलिसांकडून अनेकदा आणि अचानक तपास करण्यात येत असल्याने व्यापारी घाबरून गेले आहेत. आपल्यापुढे नेमके काय वाढून ठेवले आहे असा सवाल हे विक्रेते विचारत आहेत.

Follow Us
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला