AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ज्येष्ठ मनोविकारतज्ज्ञ डॉ. आनंद नाडकर्णी यांचं निधन; एकनाथ शिंदेंकडून शोक व्यक्त

ज्येष्ठ मनोविकारतज्ज्ञ डॉ. आनंद नाडकर्णी यांचं आज सकाळी निधन झालं. गेल्या आठवड्यात त्यांच्यावर मुंबईतील एका रुग्णालयात शस्त्रक्रिया करण्यात आली होती. त्यानंतर गुरुवारी रात्रीपासून त्यांची तब्येत खालावली होती. अखेर आज सकाळी त्यांची प्राणज्योत मालवली.

ज्येष्ठ मनोविकारतज्ज्ञ डॉ. आनंद नाडकर्णी यांचं निधन; एकनाथ शिंदेंकडून शोक व्यक्त
डॉ. आनंद नाडकर्णीImage Credit source: Instagram
| Updated on: May 15, 2026 | 10:59 AM
Share

ज्येष्ठ मनोविकारतज्ज्ञ आणि लेखक डॉ. आनंद नाडकर्णी यांचं आज (शुक्रवार) सकाळी मुंबईतील एका रुग्णालयात निधन झालं. त्यांच्या निधनाने ठाणे शहरासह साहित्य आणि सामाजिक क्षेत्रात शोककळा पसरली आहे. डॉ. आनंद नाडकर्णी हे ठाण्यातील समता नगर भागात राहत होते. मुंबईतील एका रुग्णालयात त्यांच्यावर उपचार सुरू होते. गुरुवारी रात्रीपासून त्यांची प्रकृती खालावली होती. अखेर शुक्रवारी सकाळी त्यांची प्राणज्योत मालवली. ते 68 वर्षांचे होते. त्यांच्या पश्चात पत्नी आणि मुलगा असा परिवार आहे. त्यांच्या पार्थिवावर ठाण्यात अंत्यसंस्कार करण्यात येणार आहेत.

गेल्या आठवड्यात त्यांच्यावर शस्त्रक्रिया झाली होती. त्यानंतर त्यांच्या आरोग्यासंदर्भात काही गुंतागुंत निर्माण झाली होती. शस्त्रक्रियेनंतर ते बरे झाले होते. परंतु गुरुवारी रात्रीपासून त्यांची तब्येत खालावली होती. डॉ. आनंद नाडकर्णी यांनी 1980 साली एम.बी.बी.एस आणि 1984 साली मनोविकारशास्त्रामध्ये एम.डी या पदव्या मिळवल्या होत्या. मनोविकारांबद्दलच्या गैरसमजुतींन विरुद्ध चळवळ उभारण्यासाठी त्यांनी 23 मार्च 1990 रोजी ठाणे शहरात आयपीएस अर्थात इन्स्टिट्यूट फॉर सायकॉलॉजिकल हेल्थ या संस्थेची स्थापना केली. या संस्थेच्या माध्यमातून त्यांनी मानसिक आरोग्य जनजागृतीसाठी मोठं कार्य केलं. लेखक व्याख्याते आणि समुपदेशक म्हणूनही त्यांनी समाजात वेगळी ओळख निर्माण केली होती. डॉ. आनंद नाडकर्णी यांच्या निधनानंतर सर्वच स्तरातून शोक व्यक्त होत आहे. उपमुख्यमंत्री एकनाथ शिंदे यांनी एक्स (ट्विटर) अकाऊंटवर पोस्ट लिहित नाडकर्णी यांना श्रद्धांजली अर्पण केली.

एकनाथ शिंदे यांची पोस्ट-

‘ज्येष्ठ मनोविकारतज्ज्ञ डॉ. आनंद नाडकर्णी यांच्या निधनाचं वृत्त अतिशय धक्का देणारं आहे. असिम उर्जा आणि प्रसन्न व्यक्तिमत्वाचे धनी असलेले डॉ. नाडकर्णी हे ठाण्याचे लाडके सुपूत्र. गेली साडेतीन दशकं मनोविकारशास्त्राच्या क्षेत्रात त्यांनी निरलसपणे काम केलं. ‘सुदृढ मन सर्वांसाठी’ हे ब्रीद घेऊन त्यांनी इन्सिट्यूट फॉर सायकॉलॉजी या संस्थेची स्थापना केली. हजारो अस्थिर मनांना सावरून त्यांच्या कुटुंबियांचं ते खऱ्या मित्र बनले. त्याचवेळी, कै. डॉ. सुनंदा अवचट यांच्या साथीने त्यांनी पुण्यात ‘मुक्तांगण’ या व्यसनमुक्ती केंद्राची स्थापना केली. या दोन्ही संस्थांनी समाजाची केलेली सेवा ही कोणत्याही स्वयंसेवी संस्थेनं कशाप्रकारे काम करावं याचंच एक आदर्श प्रमाण आहे’, असं त्यांनी लिहिलं.

‘मनोविकारशास्त्राच्या क्षेत्रात व्यग्र असताना त्यांच्यात महाविद्यालयीन काळापासून कार्यरत असलेला लेखक, नाटककारही तेवढाच सक्रिय राहिला. ‘गद्दे पंचविशी’, ‘वैद्यक सत्ता’ यासह ‘शहाण्यांचा सायकिएट्रीस्ट’, ‘मनमैत्रीच्या प्रदेशात’ अशी सुमारे 27 प्रकाशित पुस्तकं वाचकप्रिय आणि विचार करण्यास प्रवृत्त करणारी आहेत. नाट्य क्षेत्रात ‘जन्मरहस्य’, ‘त्या तिघांची गोष्ट’, ‘रंग माझा वेगळा’ ही नाटकंही रसिकप्रिय झाली. डॉ. नाडकर्णी यांच्या निधनामुळे उत्तम मनोविकारतज्ज्ञ, ललित लेखक, कवी, नाटककार, अभिनेता, संगीतकार, तबलावादक, चित्रकार, सामाजिक कार्यकर्ते, तत्वज्ञानाचे कृतीशील अभ्यासक असं अष्टपैलू व्यक्तिमत्व आपण गमावलं आहे. त्यांना मी भावपूर्ण श्रद्धांजली अर्पण करतो,’ अशा शब्दांत त्यांनी शोक व्यक्त केला आहे.

Follow Us
मुंबई जिल्हा बँकेत शिवसेना अतिरिक्त एका जागेसाठी आग्रही? अहिर म्हणाले?
Sachin Ahir : मुंबई जिल्हा बँकेत शिवसेना अतिरिक्त एका जागेसाठी आग्रही? सचिन अहिर काय म्हणाले?
मविआच्या कार्यकाळात पोलिसांच्या सुविधा मागे पडल्याचा देवेन भारतींचा...
Deven Bharati : डायल 112 पासून GPS ट्रॅकिंगपर्यंत…; मविआच्या कार्यकाळात पोलिसांच्या सुविधा मागे पडल्याचा देवेन भारतींचा दावा
चारा नसलेल्याने जनावरे डोंगरात सोडून देण्याची शेतकऱ्यांवर वेळ
Dharashiv Farmer : चारा नसलेल्याने जनावरे डोंगरात सोडून देण्याची शेतकऱ्यांवर वेळ
बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे
Pune : बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे गावची अनोखी काटेबारस यात्रा, व्हिडिओ बघाच
एकजूट नसल्यामुळेच यश...; EVM हटावच्या मागणीवर चंदनशिवे स्पष्टच बोलले
Nitin ChandanShive : एकजूट नसल्यामुळेच यश...; EVM हटावच्या मागणीवर नितीन चंदनशिवे स्पष्टच बोलले
माझ्याबाबत पवारांच्या मनात संशयाचं...; नरहरी झिरवाळांचं मोठं विधान
Narhari Zirwal on Sharad Pawar : माझ्याबाबत पवारांच्या मनात संशयाचं...; नरहरी झिरवाळांचं मोठं विधान
उसाला प्रतिटन 4200 रुपये भाव द्या; साडेतीन तासांचा रास्ता रोको अखेर...
Sugarcane Rate Protest : उसाला प्रतिटन 4200 रुपये भाव द्या; साडेतीन तासांचा रास्ता रोको अखेर स्थगित
गोशाळांसाठी फडणवीस सरकारचा मोठा निर्णय; व्यावसायिक दराऐवजी....
CM Devendra Fadnavis : गोशाळांसाठी फडणवीस सरकारचा मोठा निर्णय; व्यावसायिक दराऐवजी....
एका खासदाराचा भाव 150 कोटी; डिलिमिटेशनसाठी शाह खासदार विकत घेत आहेत...
Sanjay Raut : एका खासदाराचा भाव 150 कोटी; डिलिमिटेशनसाठी अमित शाह खासदार विकत घेत असल्याचा संजय राऊतांचा दावा
माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे...
Amol Kolhe : माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे स्पष्टच म्हणाले...