दिल्लीतून फोन आला तर मिंधेची पँट खराब होते; उद्धव ठाकरे शिंदेंवर बरसले

ठण्यातील गडकरी रंगायतन सभागृहात उद्धव ठाकरे यांनी मुख्यमंत्री एकनाथ शिंदे यांच्यावर जोरदार टीका केली. एकनाथ शिंदे यांना मिंधे म्हणत दिल्लीत गेल्यावर नाहीतर तिथून फोन आल्यावर त्यांची पँट खराब होत असल्याचं उद्धव ठाकरे यांनी म्हटलं आहे.

नमक हराम2 ची उत्सुकता आहे. नागांचा मी अपमान करू शकत नाही. हे मांडूळ आहेत. गांढूळ नाही. हे दुतोंडी आहे. यांना फणा नाही. हे मोदींसमोर वळवळ करणारे मांढूळ आहे. हे लोटांगण घालतात. पँट तिकडे जाऊन खराब होत नाही. फोन आल्यावरच खराब होते. जसे असाल तसे या, फोन येताच पळतात नशीब पँट घातलेली असते, असं उद्धव ठाकरे म्हणाले.

लबाडी करून ठाणे जिंकलं. मी ठाणेकरांचं कौतुक करायला आलो. सर्व काही पळवलं, जोर जबरदस्ती आणि पैशाचं वाटप. तरीही सव्वापाच लाख ठाणेकर निष्ठेने आपल्या बाजूला राहिले. वैशाली ताई साधी कार्यकर्ती. समोर मिंध्याचं कार्ट. तरीही या साध्या शिवसैनिकाचा पराभव करायला विश्वगुरुंना आणलं. तरीही चार लाख मते मिळाली हा आपला विजय आहे. प्रचंड पैसा ओतून मते मिळाली. तरीही विजय दिसत नाही म्हणून लांड्या लबाड्या केल्या. ४८ मतांनी मुंबईत आपला पराभव होऊ शकतो का? होऊच शकत नाही, असंही उद्धव ठाकरे म्हणाले.

मतदार खरे की खोटे तपासा. मतदान केंद्रापर्यंत मतदारांना न्या. यांनी कितीही पैसा ओतला तरी आपला विजय झाल्या शिवाय राहणार नाही. पण गफलत करू नका. मला जमाव नको. मला संघटनात्मक काम करणारे सैनिक हवेत. हेच माझे सैन्य आहे. मध्यंतरी मी मुनगंटीवारांना म्हटलं, तुम्ही पक्ष चोरला. चिन्ह चोरलं पण सैन्य चोरू शकत नसल्याचं ठाकरेंनी सांगितलं.