You Tube Bhai: दबंग भाईची शिवसेनेत एंट्री; त्याच्या एकट्यावर 13 गुन्ह्यांची आहे नोंद, टीकाकारांना संधी
मागील दोन वर्षांपूर्वी अभंगेचे व्हिडीओ डॉन असल्याच्या अंविर्भावात अनेक व्हिडीओ प्रसिद्ध झाले होते. त्याचवेळी त्याला युट्युब भाई असे संबोधलं गेले होते. याच सिद्धू अभंगे वर १३ गुन्ह्यांची नोंद आहे.
ठाणे: ठाणे परिसरातील युट्यूब भाई दबंग भाई (Youtube) म्हणून दहशत पसरवण्याऱ्याला सिद्धू अभंगे या गुंडाने शिवसेनेत प्रवेश केला आहे. गेल्या काही वर्षांपासून या स्वयंघोषित भाईने जिल्ह्यात ऊत घातला आहे. खंडणी, हत्याचा प्रयत्न, धमकावणे, धारधार हत्यार बाळगणे यासारखे गुन्हे (Crime) या गुंडावर आहेत. आता या भाईने चक्क सेनेत (Shivsena) प्रवेश केल्याने शिवसेनेत गुंडांची एन्ट्री होत असल्याची टीका केली जात आहे.
युवासेनेचे वरुण सरदेसाई यांच्या हस्ते अभंगेचा आणि गॅंगचा शिवसेनेत प्रवेश करण्यात आला. प्रत्येक पक्षात स्थानिक गुंडांना राजकीय आश्रय हवा असतो, असाच युट्युब भाई सिद्धू अभंगे याने शिवसेना भवन येथे पक्ष प्रवेश करून घेतला आहे.
सिद्धू अभंगे वर १३ गुन्ह्यांची नोंद
मागील दोन वर्षांपूर्वी अभंगेचे व्हिडीओ डॉन असल्याच्या अंविर्भावात अनेक व्हिडीओ प्रसिद्ध झाले होते. त्याचवेळी त्याला युट्युब भाई असे संबोधलं गेले होते. याच सिद्धू अभंगे वर १३ गुन्ह्यांची नोंद आहे. तर तो ठाणे पोलिसांच्या अभिलेखावरही होता असं सांगितले जात आहे. तर ठाण्यातील टॉप-10 दबंगाच्या रांगेत त्याचा नंबर लागत असल्याने आता त्याच्या पक्ष प्रवेशामुळे शिवसेनेच्या विरोधकांना आता टीका करण्यासाठी वाव मिळाला आहे.
गुन्हेगारी कारकीर्द बंद करून
दबंग भाईने शिवसेनेत प्रवेश करुन टीकाकारांना संधी दिली आहे. आता त्याने गुन्हेगारी कारकीर्द बंद करून शिवसेनेत प्रवेश करुन राजकारणात भाग घेणार असल्याचे बोलले जात आहे.
