मतदानाचा टक्का वाढला, देवेंद्र फडणवीस यांची पहिली प्रतिक्रीया काय ?

महाराष्ट्र विधान सभेच्या 288 जागांसाठी आज बुधवार ( 20 नोव्हेंबर ) मतदान पार पडले आहे.या राज्यातील दिग्गजाचे भविष्य मतपेटीत बंद झालेले आहे. राज्यात अनेक छोट्या मोठ्या अनपेक्षित घटना घडल्या असल्या तरी मतदान सुरळीत पार पडलेले आहे. राज्यात मतदानाचा टक्का वाढलेला आहे. राज्यातील इतर भागाची तुलना करता मुंबईत मात्र मतदानाची टक्केवारी कमी आहे. विधानसभा सार्वत्रिक निवडणूक 2024 साठी आज सकाळी 7 वाजल्यापासून मतदानाला सुरुवात झाली असून सायंकाळी5 वाजेपर्यंत राज्यात सरासरी 58.22 टक्के मतदान झाले आहे.या मतदानानंतर राज्याचे उपमुख्यमंत्री देवेंद्र फडणवीस यांची प्रतिक्रीया आली आहे.

राज्यात 288 विधानसभेच्या जागासाठी बुधवारी मतदान काही घटना वगळता शांततेत पार पडले आहे. या मतदानात राज्यातील मतदानाची टक्केवारी वाढलेली आहे. राज्यातील बहुमतांशी एक्झिट पोलनी महाराष्ट्रात पुन्हा महायुतीचे सरकार येणार असा अंदाज वर्तवलेला आहे.या पार्श्वभूमीवर राज्याचे उपमुख्यमंत्री देवेंद्र फडणवीस यांनी राष्ट्रीय स्वयं संघाचे प्रमुख मोहन भागवत यांची भेट घेतली आहे. त्यानंतर प्रसारमाध्यमांशी बोलताना देवेंद्र फडणवीस यांनी राज्यात मतदानाची टक्के वारी वाढलेली आहे.त्यामुळे राज्यात महायुतीला फायदा होणार आहे. जेव्हा जेव्हा मतदानाची टक्केवारी वाढते तेव्हा भाजपा आणि महायुतीला फायदा होतो असे उपमुख्यमंत्री देवेंद्र फडणवीस यांनी म्हटले आहे.

गडचिरोलीत सर्वाधिक मतदान

राज्यातील मतदानाचा टक्केवार यंदा वाढलेली आहे. सायंकाळी 5 वाजेपर्यंत राज्यात सरासरी 58.22 टक्के मतदान झालेले आहे. राज्यात सर्वाधिक मतदान गडचिरोली येथे झाले असून 69.63 टक्के मतदान झालेले आहे. सर्वात कमी मतदान मुंबई शहरात झाले असून 49.07 टक्के झाले आहे.