Kishori Pednekar | ‘Narayan Rane यांच्या बंगल्यावर केंद्र सरकारनंही आक्षेप घेतलेत’

महापालिकेचे (BMC) पथक दाखल झाल्यावर तुम्ही स्वतः कागदपत्र वगैरे घेऊन तयार राहावे, अशी नोटीस बीएमसीने दिली होती. त्यानुसार आज सोमवारी केंद्रीय मंत्री आणि भाजपा नेते नारायण राणे (Narayan Rane) यांच्या जुहू येथील बंगल्याच्या तपासणीसाठी मुंबई महापालिकेचं पथक गेले होते. तीन तास पथकाने तपासणी केली. यावर प्रतिक्रिया देताना मुंबईच्या महापौर किशोरी पेडणेकर (Kishori Pednekar) म्हणाल्या, की महापालिकेचे पथक राणे यांच्या घरी पहिल्यांदाच गेलेली नाही. केंद्र सरकारनेदेखील यापूर्वी या प्रकरणी आक्षेप नोंदवलेले आहेत. यापूर्वीदेखील त्यांना नोटीस देण्यात आली होती. त्यांच्या घरी महापालिकेचे पथकही गेलेले आहे. त्यांनी केंद्र सरकारच्या सीआरझेड कायद्याचे उल्लंघन केल्याची तक्रार आहे, त्याच्याच तपासणीसाठी महापालिकचे पथक गेले आहे. स्वतः राणे साहेबांनी सांगितले होते. काही पोर्शन अनधिकृत जाणवतोय, त्यामुळे हे पथक चौकशीसाठी आले होते. आताही हे पथक चौकशी करत आहे. राणे साहेबही त्यांना सहकार्य करतील, अशी अपेक्षा आहे.