संकटात सापडलेल्या शेतकर्‍यांना मदतीचा हात! कृषी खात्यातील अधिकारी-कर्मचार्‍यांच्या संवेदनशीलतेने जिंकली मनं

या वर्षात पावसाने डोळे वटारले आहेत. एल निनोच्या प्रभावामुळे राज्यात दुष्काळी परिस्थिती ओढावली आहे. मराठवाड्यासह विदर्भ, खानदेशाला मोठा फटका बसला आहे. राज्यातील बळीराजा नैसर्गिक संकटात अडकला आहे. लवकरात लवकर दुष्काळ जाहीर करून तातडीने शेतकऱ्यांना मदत करण्यासाठी विरोधक आक्रमक झाले आहेत. कास्तकारांना आर्थिक आणि सामाजिक आधाराची गरज लक्षात घेत कृषी विभागातील तांत्रिक अधिकारी आणि कर्मचाऱ्यांनी एक संवेदनशील निर्णय घेतला आहे. राज्य कृषी सेवा महासंघाच्या नेतृत्वात कृषी विभागातील सर्व कर्मचाऱ्यांनी एक दिवसाचे वेतन मुख्यमंत्री सहाय्यता निधीमध्ये देण्याचा संकल्प सोडला आहे. या कर्मचार्‍यांनी एक मोठा आदर्श घालून दिला आहे.

कर्मचाऱ्यांचा शेतकऱ्यांना मदतीचा हात

एल-निनोच्या संभाव्य परिणामांच्या पार्श्वभूमीवर कृषी विभागातील तांत्रिक अधिकारी, कर्मचाऱ्यांचा शेतकऱ्यांसाठी मदतीचा हात पुढे केला आहे. कृषी विभागातील अधिकारी-कर्मचार्‍यांकडून एक दिवसाचे वेतन मुख्यमंत्री सहायता निधीमध्ये देण्याचा निर्णय घेतला आहे. वर्ध्यातील कृषी विभागातील तांत्रिक अधिकारी, कर्मचारीही एक दिवसाची वेतन मुख्यमंत्री सहायता निधी मध्ये जमा करणार आहेत. महाराष्ट्र राज्य कृषी सेवा महासंघाच्या नेतृत्वात कृषी विभागातील तांत्रिक अधिकारी कर्मचारी संघटनांनी हा निर्णय घेतला आहे.

शेतकर्‍यांना संकटाच्या काळात मदतीचा हात देण्यासाठी मुख्यमंत्री सहाय्यता निधीत सप्टेंबर महिन्यातील एक दिवसाचे वेतन देणार आहेत. राज्यातील कृषी विभागातील तांत्रिक अधिकारी-कर्मचार्‍यांनी सामाजिक बांधिलकी जपण्याचा निर्णय घेतला आहे. सप्टेंबर २०२६ च्या वेतनातून एक दिवसाचे वेतन कपात करून मुख्यमंत्री सहाय्यता निधीत जमा करणार असल्याची माहिती जिल्हा अधीक्षक कृषी अधिकारी अरविंद उपरीकर यांनी दिली आहे.

कृषी विभागाचा कौतुकास्पद निर्णय

वर्धा जिल्ह्यातील कृषी विभागातील सर्व तांत्रिक अधिकारी आणि कर्मचाऱ्यांनी त्यांचे एक दिवसाचे वेतन बळीराजासाठी देण्याचा निर्णय घेतला आहे. त्यांनी एक दिवसाचा पगार मुख्यमंत्री सहाय्यता निधीत जमा करण्याचा निर्णय घेतला आहे. सप्टेंबर 2026 च्या वेतनातील एक दिवसाचा पगार कपात होऊन तो जमा होईल. वर्धा जिल्ह्यातील कृषी अधिकारी आणि कर्मचाऱ्यांनी स्वेच्छेने एक दिवसांचे वेतन मुख्यमंत्री निधीला देण्याचा महत्त्वाचा निर्णय घेतला आहे. कर्मचाऱ्यांच्या या सामाजिक बांधिलकीचे सर्वच स्तरातून कौतुक होत आहे.

दुष्काळात हिवरे बाजारचा आदर्श

राज्यात अनेक ठिकाणी अपुऱ्या पावसामुळे दुष्काळसदृश्य परिस्थिती निर्माण झाली आहे. अशा परिस्थितीत हिवरे बाजारने पुन्हा एकदा पाणी नियोजनाचा आदर्श घालून दिला. 1995 पासून गावात दरवर्षी पाण्याचा ताळेबंद आखला जातो. 2 ऑक्टोबर, 1 मे आणि नवरात्रीच्या सातव्या माळेला गावाचा पाण्याचा ताळेबंद सादर केला जातो. उपलब्ध पाण्यानुसार शेतकऱ्यांनी बाजरी, मूग, तूर यासारखी कमी पाण्यावर येणारी पिकं घेतली असून ऊस, कांद्यासारखी जास्त पाणी लागणारी पिकं टाळली आहेत. गावात बोअरवेलला बंदी असल्याने भूजल पातळीही टिकून असून विहिरी आणि हातपंपांना मुबलक पाणी उपलब्ध आहे. पाण्याचा ताळेबंद आखल्यास राज्यातील इतर गावांनाही पाणीटंचाईवर मात करता येईल, असा विश्वास पोपटराव पवार यांनी व्यक्त केला आहे.