Tata Steel Jamshedpur: गॅस लाईनमध्ये स्फोट; जमशेदपूरमधील टाटा स्टिलच्या प्लांटमध्ये अग्नितांडव
सध्या बॅटरी 6 काम करत नाही आणि ती काढण्याची प्रक्रिया सुरू आहे. लेस आणि फायर ब्रिगेड तत्काळ घटनास्थळी पोहोचले आणि परिसरात नाकाबंदी केली आहे. परिस्थिती नियंत्रणात आली आहे. दोन कंत्राटी कर्मचाऱ्यांना किरकोळ दुखापत झाली असून, त्यांना उपचारासाठी टीएमएचमध्ये पाठवण्यात आले आहे.
जमशेदपूर : जमशेदपूर येथील टाटा स्टील प्लांटमध्ये मोठा स्फोट (Blast) झाला असून यात दोन कर्मचारी जखमी (Injured) झाले आहेत. प्लांटला आग लागल्याने आणि गॅसची गळती झाल्यानंतर कामगारांना तातडीने सुरक्षित बाहेर काढण्यात आले. सकाळी 10.20 वाजता ही आग लागली. त्यानंतर अग्नीशमन दलाला घटनेची माहिती देण्यात आली. IMMM कोक प्लांटच्या बॅटरी क्रमांक 6 आणि 7 मध्ये ही घटना घडली. या घटनेत दोन कर्मचारी जखमी झाले आहेत. दरम्यान, हा स्फोट नेमका कशामुळे झाला हे अद्याप कळू शकले नाही. या स्फोटानंतर संपूर्ण परिसरात चेंगराचेंगरी झाली असून, घबराटीचे वातावरण पसरले आहे. (A fire broke out in a gas line at Tata Steel plant in Jamshedpur)
#WATCH Jharkhand | A fire broke out in a Coke plant of Tata Steel Factory in Jamshedpur due to an alleged blast in a battery. Five fire tenders at the spot, 2 labourers reportedly injured. pic.twitter.com/Y7cBhVSe1A
— ANI (@ANI) May 7, 2022
सध्या बॅटरी 6 काम करत नाही आणि ती काढण्याची प्रक्रिया सुरू आहे. लेस आणि फायर ब्रिगेड तत्काळ घटनास्थळी पोहोचले आणि परिसरात नाकाबंदी केली आहे. परिस्थिती नियंत्रणात आली आहे. दोन कंत्राटी कर्मचाऱ्यांना किरकोळ दुखापत झाली असून, त्यांना उपचारासाठी टीएमएचमध्ये पाठवण्यात आले आहे, असे कॉर्पोरेट कम्युनिकेशन्सने जारी केलेल्या निवेदनात म्हटले आहे.
विषारी वायू गळतीमुळे कर्मचाऱ्यांच्या छातीत वेदना
आधी एक आवाज आला त्यानंतर कर्मचाऱ्याच्या छातीत दुखू लागले. विषारी वायु गळतीमुळे कर्मचाऱ्याच्या छातीत दुखू लागले. सध्या या कर्मचाऱ्यावर टीएमएचमध्ये उपचार सुरु आहेत. साहित्य कुमार असे उपचार सुरु असलेल्या कर्मचाऱ्याचे नाव आहे. मेसर्स एसजीबी कॉन्ट्रॅक्ट कंपनीचे साहित्य कुमार घटनास्थळी काम करत होते. ते कोक प्लांटमध्ये बुस्टर लाइनसाठी मचान बनवण्याचे काम करत होते. त्यांना एक विचित्र आवाज ऐकू आला, काही कण हवेत उडताना दिसले. त्यामुळे त्यांच्या उजव्या पायाला गुडघ्याखाली दुखापत झाली आहे, असे टाटा कॉर्पोरेट कम्युनिकेशनने सांगितले. (A fire broke out in a gas line at Tata Steel plant in Jamshedpur)
