इरफान पठाणला अनुराग कश्यपबद्दल माहिती, पायल घोषचा नवा दावा

मुंबई : दिग्दर्शक अनुराग कश्यपवर (Anurag Kashyap) लैंगिक गैरवर्तनाचे आरोप केल्यानंतर बॉलिवूड अभिनेत्री पायल घोषने (Payal Ghosh) नवा दावा केला आहे.  अनुराग कश्यप आणि तिच्यातील वादाबद्दल क्रिकेटपटू इरफान पठाणला माहिती असल्याचं तिनं म्हटलंय. (actress Payal Ghosh claims that cricketer Irfan Pathan know about harassment of herself by Anurag Kashyap)

पायल घोषने आपल्या ट्विटमध्ये इरफान पठाणला टॅग केलं आहे. पायलने म्हटलंय की, “अनुराग कश्यपने माझ्यावर बलात्कार केल्याचं मी इरफान पठाणला सांगितलं नाही. पण, अनुराग कश्यप आणि माझ्यातील वादाबद्दल इरफानला निश्चितच माहिती होतं. माझा चांगला मित्र असल्याचा इरफान दावा करायचा, पण अनुराग आणि माझ्याबद्दल सगळं काही माहीत असूनही तो या वेळी गप्प आहे.”

I have definitely not talked about mr. kashyap raped me but I shared everything with @IrfanPathan about the conversations including (xyz) alas!! he is keeping mum inspite of knowing everything and once he claimed to be my good friend.

— Payal Ghosh (@iampayalghosh) October 17, 2020

पायल घोषच्या या ट्विटमुळे बालिवूडमध्ये खळबळ उडाली आहे. पायल घोषने इरफान पठाणचं नाव घेतल्यानंतर आणखी काही ट्विट्स केले आहेत. ती आपल्या दाव्यावर ठाम असून  ट्विटमध्ये इरफानसोबतचा फोटो शेअर केला आहे. 2014 मध्ये होळीच्या एक दिवस आधी अनुराग कश्यपने तिला मेसेज केल्याचा दावा तिने केलाय. त्यावेळी इरफान पठाण तिच्या घरी होता. तसेच इरफानमध्ये कसलंही स्वारस्य नसून अनुरागसोबतचा वाद माहीत असल्यामुळेच त्याचं नाव घेतल्याचं ती म्हणाली.

The point of tagging ⁦@IrfanPathan⁩ doesn’t mean I have any interest in him but he’s the one I have shared everything about Mr. Kashyap but not d rape thing.. I know he believe in his faith and his elderly parents so I expect him to talk about whatever I shared wd him. pic.twitter.com/hMwNklY4r9

— Payal Ghosh (@iampayalghosh) October 17, 2020

दरम्यान, पायलने केलेल्या या धक्कादायक खुलाशामुळे बॉलिवुड विश्वात चांगल्याच चर्चा रंगल्या आहेत. इरफान पठाण या सगळ्याबद्दल लवकरच बोलेल, अशी आशा पायलने व्यक्त केलीय. इरफान पठाणने यावर अजूनतरी कुठलीही प्रतिक्रिया दिलेली नाही.

Not only we were good friends but I was his family friend. Let’s see dosti kaun kaun nibhate hai!! https://t.co/m7jZD9315V

— Payal Ghosh (@iampayalghosh) October 18, 2020

संबंंधित बातम्या :

Anurag Kashyap | अनुराग कश्यप खोटारडे, त्यांची नार्को टेस्ट करा, पायल घोषची मागणी

‘हे माफिया माझी हत्या करुन आत्महत्या असं दाखवतील’, पायल घोषची पीएम मोदींना हाक

Payal Ghosh | पायल घोषच्या ‘बिनशर्त’ माफीला उच्च न्यायालयाची मंजुरी, ऋचाकडून ‘मानहानी’ केस रद्द!

(actress Payal Ghosh claims that cricketer Irfan Pathan know about harassment of herself by Anurag Kashyap)