टेरेसवर जायचीही सोय नाही ! पाय मोकळे करायला गेली अन् नको ते घडलं..

फक्त महाराष्ट्रातच नव्हे तर देशभरातील विविध राज्यांमध्ये महिलांवरील, तरूणींवरील वाढत्या अत्याचाराच्या घटना समोर येत असून, त्या वाचूनच संताप संताप होतो. . महिलांच्या सुरक्षेबद्दल विविध प्रश्न उपस्थित होत असतानाच आता गुजरातच्या अहमदाबादमध्ये एक असा प्रकार घडलाय की जो वाचूनच डोक्यात अगदी तिडीक जाईल. तिथे एका इमारतीच्या संरक्षणासाठी ठेवण्यात आलेल्या वॉचमननेच नको ते कृत्य केलं. त्या इमारतीच्या टेरेवर फेरी मारण्यासाठी गेलेल्या तरूणीवर, इमारतीच्या वॉचमनने अत्याचार केले. ती ओरडू नये, प्रतिकार करू नये म्हणून त्याने वायरने गळा दाबून ठेवला आणि दुष्कृत्य केलं. मिळालेल्या माहितीनुसार, अहमदाबादच्या आनंदनगर येथील सोसायटीमध्ये ही दुर्दैवी घटना घडली. अत्याचारानंतर तरूणीचा फोन लंपास करून तो सुरक्षारक्षक फरार झाला. अखेर सीसीटीव्ही फुटेजच्या आधारे तपास करून पोलिसांनी आरोपी धरम सिंग ( वय 27) याला बेड्या ठोकत अटक केली. पीडित तरूणी ही इंटिरिअर डिझायनिंगचं शिक्षण घेत असून, तिला सध्या उपचारांसाठी रुग्णालयात दाखल करण्यात आलं आहे. आरोपीने वायरने गळा दाबल्यामुळे तिच्या गळ्यालाही गंभीर जखम झाल्याचे समजते.

सोसायटीच्या टेरेसवर फिरायला गेली आणि नको तेच घडलं…

मिळालेल्या माहितीनुसार, शनिवारी रात्री ही भयानक घटना घडली. आनंदनगरच्या सोसायटीमध्ये एक पीजी हॉस्टेल असून पीडित तरूणी गेल्या वर्षभरापासून तिथे रहात आहे. फेरी मारायाला, पाय मोकळे करायला ती ती बऱ्याचदा सोसायटीच्या गच्चीवर जायची. शनिवारी रात्रीदेखील ती टेरेसवर गेली, मात्र तेव्हा सोसायटीचा सुरक्षारक्षक देखील तिथे पोहोचला. ती तरूणी एकटीच असल्याचं त्याने हेरलं. तीच संधि त्याने साधली आणि तरूणाीवर अत्याचार केले. तिने विरोध करण्याचा प्रयत्न केल्यावर,हातपाय झाले. मात्र ते पाहूनन आरोपी गार्डने जवळच पडलेल्या वायरने पीडितेचै गळा दाबला, त्यामुळे ती गंभीर जखमी झाली आणि ओरडूनही शकली नाही. अशी माहिती पोलिस तपासात समोर आली आहे.

अखेर रविवारी सकाळी अटक

या गुन्ह्यानंतर आरोपी तेथून पसार झाला. त्या तरूणीने कशीबशी हिंत गोळा करत इमारतीतील लोकांना हाक मारली, त्यांनी मदतीसाठी धाव घेतली आणि पीडितेला रुग्णालयात दाखल केलं.मिळालेल्या माहितीनुसार, आरोपीचे नाव धर्मसिंह असून तो उत्तर प्रदेशातील हरदोई जिल्ह्यातील रहिवासी आहे. अहमदाबादमध्ये त्याने यापूर्वी अनेक कंपन्यांमध्ये सुरक्षा रक्षक म्हणून काम केले आहे. या गुन्ह्याची माहिती मिळताच पोलिसांनी वेगाने तपास सुरू केला, सीसीटीव्ही फुटेजच्या आधारे आरोपीची ओळख पटवण्यात आली. पोलिसांनी दिलेल्या माहितीनुसार, धर्मसिंह छतावर पोहोचल्यानंतर त्याने जिन्याचा दरवाजा बंद केला होता. त्यामुळे पीडित विद्यार्थिनीला खाली पळून जाता आलं नाही. घटना घडल्यानंतर आरोपी घटनास्थळावरून फरार झाला होता. मात्र, पोलिसांनी सीसीटीव्ही फुटेज तपासले असता तो छताकडे जाताना दिसून आला. त्यानंतर पोलिसांनी त्याचा शोध घेण्यास सुरुवात केली आणि अखेर रविवारी सकाळी त्याला अहमदाबादमधील हेबतपूर परिसरातून अटक केली.

सहा दिवसांपूर्वीच नोकरीवर लागला होता आरोपी

पोलिस आणि स्थानिक क्राइम ब्रांचच्या पथकाने दिलेल्या माहितीनुसार, पोलिसांच्या तावडीतून वाचण्यासाठी आरोपीने आपला मोबाईल फोन बंद केला होता. मात्र, सीसीटीव्ही फुटेज हा त्याच्याविरोधातील महत्त्वाचा पुरावा ठरला आणि त्याच्या मदतीने पोलिसांनी आरोपीपर्यंत पोहोचण्यात यश मिळवलं. विशेष म्हणजे, आरोपी धर्मसिंह अवघ्या पाच-सहा दिवसांपूर्वीच या सोसायटीमध्ये सुरक्षा रक्षक म्हणून नोकरीला लागला होता. त्याचे बॅकग्राउंड व्हेरिफिकेशनही करण्यात आलं नव्हतं, अशी धक्कादायक माहितीदेखील समोर आली आहे.