Air India Plane Crash : भारतातले 5 खतरनाक रन-वे, एक्सपर्ट पायलटसाठी सुद्धा इथे टेकऑफ आणि लँडिग चॅलेंजिग

भारतात आज एक भीषण विमान अपघात घडला. 242 प्रवासी या विमानात आहेत. अहमदाबादच्या मेघानी भागात ही विमान दुर्घटना घडली. एअर इंडियाच हे विमान उड्डाणानंतर काही मिनिटात कोसळलं. भारतात अनेक विमानतळं आहेत, जिथून दरवर्षी लाखो प्रवासी देश-विदेशात प्रवास करत असतात. अनेक विमानतळांवर कमर्शियल विमानांसाठी विशाल रन-वे आहेत. काही रनवे असे सुद्धा आहेत, जे कॉम्पॅक्ट म्हणजे छोटे आहेत. हे छोटे एअरपोर्ट दूरच्या दुर्गम भागांना जोडण्याच काम करतात. या छोट्या लँडिंग स्ट्रिप्स अनुभवी वैमानिकांसाठी सुद्धा आव्हानात्मक असतात. जाणून घेऊया भारतातल्या पाच छोट्या रनवेबद्दल.

बाल्जेक विमानतळ

मेघालय येथील बाल्जेक एअरपोर्टच्या रन-वे ची लांबी फक्त 3,300 फूट (1,006 मीटर) आहे. हा देशातील सर्वात लहान रनवे पैकी एक आहे. 2008 साली या विमानतळाच उद्घाटन झालं. डोर्नियर 228 सारख्या छोट्या विमानासाठी हा एअरपोर्ट बनवण्यात आला. डोर्नियर 228 मधून 20 प्रवासी प्रवास करु शकतात. हा विमानतळ आता चालू नाहीय.

कुल्लू-मनाली विमानतळ

हिमालयात असलेल्या या एअरपोर्टला भुंतर विमानतळ म्हणूनही ओळखलं जातं. इथे रन-वे ची लांबी 3,691 फीट (1,125 मीटर) आहे. या विमानतळावरुन टेकऑफ आणि लँडिंग पायलटसाठी चॅलेंजिग असते

सिमला विमानतळ

या विमानतळाला जुब्बडहट्टी एअरपोर्ट म्हणूनही ओळखलं जातं. हिमाचल प्रदेशात सिमलापासून जवळपास 22 किलोमीटरवर हा विमानतळ आहे. . 3,691 फूट (1,125 मीटर) रन-वे ची लांबी आहे. इथून टेक-ऑफ आणि लँडिंग पायलटसाठी आव्हानात्मक असते.

अगत्ती विमानतळ

लक्षद्वीप येथे असलेल्या अगत्ती बेटावरील अगत्ती विमानतळाच्या रन-वे ची लांबी 4,235 फूट (1,291 मीटर) आहे. लक्षद्वीपमधील हे एकमेव विमानतळ आहे. या विमानतळामुळे सुदूर क्षेत्र भारताच्या मुख्य भूमीला जोडलं जातं.

बालुरघाट विमानतळ

पश्चिम बंगालच्या बालुरघाट विमानतळाच्या रन-वे ची लांबी 4,905 फूट (1,495 मीटर) आहे. या विमानतळाचा आकर्षक इतिहास आहे. द्वितीय विश्व युद्धाशी संबंधित हा विमानतळ आहे. इंग्रजांनी हा विमानतळ वापरलेला. छोट्या धावपट्टीमुळे विमानच टेक-ऑफ आणि लँडिंग इथे चॅलेंजिग आहे.