Asaduddin Owaisi : ओवैसी रांची विमानतळावर पोहोचल्यावर पाकिस्तान जिंदाबादच्या घोषणा! देणारे महाभाग कोण?
विधानसभा पोटनिवडणुकीच्या प्रचारासाठी असदुद्दीन ओवेसी आज रांची विमानतळावर पोहोचले. यावेळी त्यांच्या पक्ष AIMIM चे कार्यकर्ते आणि त्यांचे समर्थक मोठ्या संख्येने उपस्थित होते. त्यांच्या समर्थकांनी ओवेसी जिंदाबादच्या घोषणा दिल्या. या घोषणांमध्ये पाकिस्तान जिंदाबादच्या घोषणाही देण्यात आल्या.
रांची, झारखंड : देशाच्या स्वातंत्र्यापासून सुरू असलेलं पाकिस्तान (Pakistan) आणि भारताचं (India) वैर हे आजपर्यंत संपलेलं नाही. मात्र आज झारखंडमधील रांची विमानतळावर घडलेला प्रकार हा प्रत्येक भारतीयाला संताप आणणारा आहे.कारण रांची विमानतळावर AIMIM प्रमुख असदुद्दीन ओवेसी (Asaduddin Owaisi) यांच्या स्वागतावेळी पाकिस्तान झिंदाबादच्या घोषणा देण्यात आल्या. ओवेसी हे मांडेर विधानसभा पोटनिवडणुकीत भाजपचे बंडखोर उमेदवार देवकुमार पॅडी यांच्या प्रचारासाठी दाखल झाले.या विधानसभा पोटनिवडणुकीच्या प्रचारासाठी असदुद्दीन ओवेसी आज रांची विमानतळावर पोहोचले. यावेळी त्यांच्या पक्ष AIMIM चे कार्यकर्ते आणि त्यांचे समर्थक मोठ्या संख्येने उपस्थित होते. त्यांच्या समर्थकांनी ओवेसी जिंदाबादच्या घोषणा दिल्या. या घोषणांमध्ये पाकिस्तान जिंदाबादच्या घोषणाही देण्यात आल्या. या प्रकाराने आता देशभरात खळबळ माजली आहे. यावरून तीव्र राजकीय प्रतिक्रिया उमटू लागल्या आहेत.
विमानतळावर घोषणा देतानाचा व्हिडिओ
रांची एयरपोर्ट पर असुद्दीन ओवैसी के समर्थकों ने पाकिस्तान जिंदाबाद के नारे लगाए। वीडियो में ऑडियो को ध्यान से सुनिए। pic.twitter.com/91x2BlmFFy
— K K Jha (@kkjhareporter) June 19, 2022
दौरा वादात सापडण्याची शक्यता
ओवेसी यांच्या एका समर्थकाने या घोषणा दिल्याचे बोलले जात आहे. मात्र या घोषणा कोणी दिल्या आणि त्याचा उद्देश काय? त्याबद्दल तुर्तास तरी काही सांगता येत नाही. मंदार पोटनिवडणुकीत असदुद्दीन ओवेसी यांच्या एंट्रीने निवडणूक समीकरण बदलेल की नाही. पण रांचीमध्ये पाकिस्तान झिंदाबादच्या नारेबाजीनंतर ओवेसींचा निवडणूक दौरा वादाच्या भोवऱ्यात सापडण्याची शक्यता नक्कीच आहे.
पोलिसांकडून घोषणेबाजीची दखल
रांची विमानतळावरील या घोषणांबाबत रांची शहराचे एसपी अंशुमन कुमार यांनी प्रसार माध्यमांशी बोलताना सांगितले की पाकिस्तान झिंदाबादच्या घोषणा दिल्याची दखल आम्ही घेतली आहे. समोर आलेल्या व्हिडिओ आणि ऑडिओची सत्यता पडताळली जाईल आणि योग्य ती कारवाई केली जाईल.
अशा घोषणाबाजीची ही पहिलीच वेळ नाही
या पोटनिवडणुकीत ओवेसींनी मुस्लिम मतं आपल्या बाजुने वळवली तर त्याचा थेट फायदा भाजप उमेदवार गंगोत्री कुजूर यांना होईल, असे राजकीय जाणकार सांगता. अर्थात याचे नुकासन हे काँग्रेसला सहन करावे लागेल. ओवेसींच्या कार्यक्रमात पाकिस्तानबाबत घोषणाबाजी होण्याची ही पहिलीच वेळ नाही. याआधीही सीएएविरोधी निदर्शनात एका मुलीने ओवेसींच्या मंचावरून घोषणाबाजी केली होती, त्यानंतर तिच्यावर देशद्रोहाचा गुन्हा दाखल करण्यात आला होता. मात्र, ओवेसी यांनी या प्रकारापासून हात झटकले होते. आता पुन्हा झालेल्या या घोषणाबाजीने खळबळ माजली आहे.
