Big News: भारताचे पॅलेस्टाईनमधले राजदूत मुकूल आर्य यांचा संशयास्पद मृत्यू, घटनेची चौकशी सुरु, घात की नैसर्गिक मृत्यू?
जसंही हे दु:खद वृत्त समजलं तसं राष्ट्राध्यक्ष महमुद अब्बास आणि पंतप्रधान मुहम्मद शतेह यांनी पोलीस प्रशासन तसच सुरक्षा अधिकारी, आरोग्य अधिकारी यांना तातडीनं भारतीय राजदूतांच्या घरी पाठवण्याच्या सुचना दिल्या. त्यांच्या मृत्यूचं बारकाईनं निरिक्षण करण्यास सांगितलं गेलं
भारताचे पॅलेस्टाईनमधले (Palestine) राजदूत मुकूल आर्य (Mukul Arya) यांचं काल रविवारी निधन झालंय. विशेष म्हणजे रामल्लातल्या भारतीय दुतावासात त्यांचा मृतदेह आढळून आलाय. आर्य यांचा मृत्यू नेमका कसा झाला याची माहिती अजून तरी पूर्णपणे दिली गेलेली नाही. पण परराष्ट्र मंत्री एस जयशंकर यांनी आर्य यांच्या निधनावर दु:ख व्यक्त केलंय तर पॅलेस्टाईनच्या सरकारनं घटनेच्या चौकशीचे आदेश दिलेत. मुकूल आर्य यांचा मृत्यू हा नैसर्गिक आहे की काही घातपात केला गेलाय याचा तपास केला जातोय. त्याबद्दलची सविस्तर माहिती दिवसभरात मिळण्याची शक्यता आहे. मुकूल आर्य हे 2008 च्या IFS बॅचचे अधिकारी आहेत.
परराष्ट्र मंत्री एस. जयशंकर यांचं ट्विट
परराष्ट्र मंत्री एस.जयशंकर यांनीच मुकूल आर्य यांच्या निधनाचं वृत्त ट्विटरवर दिलंय. ते म्हणाले- भारताचे रामल्लामधले प्रतिनिधी मुकूल आर्य यांच्या निधनानं धक्का बसलाय. ते एक हुशार आणि तेजस्वी अधिकारी होते. खूप काही अजून त्यांच्यासमोर होतं. त्यांचं कुटूंब आणि नातेवाईकांप्रती माझी सहवेदना.
Deeply shocked to learn about the passing away of India’s Representative at Ramallah, Shri Mukul Arya.
He was a bright and talented officer with so much before him. My heart goes out to his family and loved ones. Om Shanti.
— Dr. S. Jaishankar (@DrSJaishankar) March 6, 2022
पॅलेस्टाईनची प्रतिक्रिया भारतीय प्रशासकिय सेवेतील अधिकारी मुकूल आर्य यांचा मृत्यू नेमका किती वाजता झाला याची अजून तरी माहिती नाही पण रामल्लामधल्या भारतीय दुतावासातच त्यांचा मृतदेह आढळून आलाय. त्यांच्या निधनाचं वृत्त ‘धक्कादायक आणि आश्चर्यकारक’ असल्याचं पॅलेस्टाईनच्या परराष्ट्र मंत्रालयानं म्हटलंय. त्यांनी जारी केलेल्या स्टेटमेंटमध्ये ते म्हणतात- जसंही हे दु:खद वृत्त समजलं तसं राष्ट्राध्यक्ष महमुद अब्बास आणि पंतप्रधान मुहम्मद शतेह यांनी पोलीस प्रशासन तसच सुरक्षा अधिकारी, आरोग्य अधिकारी यांना तातडीनं भारतीय राजदूतांच्या घरी पाठवण्याच्या सुचना दिल्या. त्यांच्या मृत्यूचं बारकाईनं निरिक्षण करण्यास सांगितलं गेलं. त्याच स्टेटमेंटमध्ये पुढं म्हटलं गेलंय-अशा कठिण आणि आणीबाणीच्या प्रसंगी जे काही करणं गरजेचं आहे ते करण्यासाठी सर्वजण तयारीत आहेत. पॅलेस्टाईनचं परराष्ट्र मंत्रालय राजदूत आर्य यांच्या निधनाने जी हाणी झालीय, वेदना झालीय त्याबद्दल दु:ख व्यक्त करतं. मुकूल आर्य यांचा मृतदेह भारतात पाठवण्यासाठी सर्व अरेंजमेंट केल्या जात असल्याचही प्रसिद्धीपत्रकात नमुद करण्यात आलंय.
कोण होते मुकूल आर्य? मुकूल आर्य हे पॅलेस्टाईनमध्ये भारताचे राजदूत होते. ते 2008 च्या भारतीय परराष्ट्र सेवेतील अधिकारी होते. याआधी त्यांनी रशियाची राजधानी मॉस्को आणि अफगाणिस्तानची राजधानी काबूलमध्ये भारतीय दुतावासात जबाबदारी सांभाळलेली होती. यूनेस्कोत पॅरीसलाही ते भारताचे प्रतिनिधी होते. त्यांनी दिल्ली विद्यापीठ आणि जेएनयू म्हणजे जवाहरलाल नेहरु विद्यापीठातून अर्थशास्त्राचा अभ्यास केला होता. त्यानंतर ते भारतीय परराष्ट्र सेवेत ज्वाईन झाले होते.
हे सुद्धा वाचा:
काबुलमध्ये ‘इस्राईल-पॅलेस्टाईन’ प्रमाणे युद्ध, रॉकेट हल्ले करत अमेरिकेला कोण आव्हान देतंय?
Video: पॅलेस्टाईन-इस्रायल वादावर काय म्हणाले होते वाजपेयी? त्यांच्या भाषणातली क्लिप व्हायरल
