राजकारणातील चाणाक्यांना मोठा झटका; पोटनिवडणुकीत माजी मुख्यमंत्र्यांच्या पक्षाने तगडा उमेदवार उतरवला

बिहारमधील बांकीपूर विधानसभा मतदारसंघातील पोटनिवडणुकीला नवं वळण मिळालं आहे. या पोटनिवडणुकीत राष्ट्रीय जनता दलाने सोमवारी रेखा गुप्ता यांनी उमेदवारी जाहीर केली. त्यामुळे राष्ट्रीय जनता दलातून रिंगणात नेमकं कोण उतरणार, हे स्पष्ट झालं आहे. एकीकडे राष्ट्रीय जनता दलाचे वरिष्ठ नेते हे जनसुराज पक्षाचे प्रमुख, राजकारणातील चाणाक्य मानले जाणारे प्रशांत किशोर यांना पाठिंबा जाहीर करण्याची चर्चा होती. परंतु राष्ट्रीय जनता दलाने उमेदवार जाहीर केल्याने सर्व चर्चांना ब्रेक लागला आहे.

माजी मुख्यमंत्री लालू प्रसाद यादव यांच्या राष्ट्रीय जनता पक्षाचे प्रदेशाध्यक्ष मंगनी लाल मंडले यांनी म्हटलं की, रेखा गुप्ता यांना उमेदवारी देण्याचा निर्णय हा महागठबंधनने घेतला आहे. रेखा गुप्ता यांनी मागील वर्षी याच मतदारसंघातून आरजेडीच्या तिकीटावर निवडणूक लढवली होती. मंगनी लाल मंडल यांनी म्हटलं की, रेखा कुमारी उर्फ रेखा गुप्ता यांनी 2025 साली विधानसभा निवडणूक लढवली होती. त्यांना जवळपास 47 मते मिळाली होती. आता भाजपचे राष्ट्रीय अध्यक्ष नितीन नबीन यांनी आमदारकीचा राजीनामा दिल्याने बांकीपूरची जागा रिक्त झाली आहे. त्या जागेवर आरजेडीने रेखा गुप्ता यांना पुन्हा उमेदवारी दिली.

आरजेडीच्या मंडल यांनी पुढे म्हटलं की, आम्हाला कॉग्रेसन नेतृत्वाने प्रशांत किशोर समर्थन करण्याविषयी कोणतंही भाष्य केलं नाही. आमच्या उमेदवाराला मित्रपक्षाचा पाठिंबा आहे. आम्ही कोणाच्याही जागेवर दावा केलेला नाही. मागील विधानसभा निवडणुकीत उमेदवार रिंगणात उभा होता. त्यानंतर आम्ही यंदाही त्यांना उमेदवारी दिली आहे. मागील निवडणुकीवेळी बांकीपूर विधानसभा मतदारसंघात आरजेडीने निवडणूक लढली होती, त्यामुळे यंदाही आम्ही निवडणुकीच्या मैदानात आहेत’.

भाजपकडून अद्याप उमेदवार जाहीर नाही

भाजपन आतापर्यंत बांकीपूर पोटनिवडणुकीत उमेदवाराची घोषणा केलेली नाही. आतापर्यंत जनसुराज पक्षाकडून प्रशांत किशोर, आरजेडी पक्षाकडून रेखा गुप्ता यांना उमेदवारी मिळाली आहे. तर लालू प्रसाद यादव यांचे ज्येष्ठ पुत्र तेज प्रताप यादव यांच्या जनसशक्ती जनता दल नावाने सुरू केलेल्या पक्षाने वीणा मानवी यांना उमेदवारी दिली आहे.