Cyclone Alert : ओडिशाच्या किनारपट्टीवर चक्रीवादळ धडकण्याची शक्यता; रविवारी ताशी 75 किमी वेगाने वाहणार वारे, प्रशासन सतर्क

ओडिशाच्या किनारपट्टीवर चक्रीवादळ धडकण्याची शक्यता आहे. पुढील 24 तासांमध्ये हवेचा वेग वाढणार असून, रविवारी सुमारे 75 किलोमीटर वेगाने वारे वाहू शकतात असा अंदाज हवामान विभागाकडून व्यक्त करण्यात आला आहे.

Cyclone Alert : ओडिशाच्या किनारपट्टीवर चक्रीवादळ धडकण्याची शक्यता; रविवारी ताशी 75 किमी वेगाने वाहणार वारे, प्रशासन सतर्क
प्रातिनिधिक फोटो
Image Credit source: twitter
अजय देशपांडे

|

May 06, 2022 | 11:17 AM

देशभरात गेल्या दोन-तीन दिवसांपासून वातावरण शांत असल्याने काहीसा दिलासा मिळाला आहे. मात्र पुन्हा एकदा वातावरणात बदल होऊ लागले आहेत. ओडिशाच्या (Odisha) किनारपट्टीवर पुढील 24 तासांमध्ये चक्रीवादळ (cyclone) धडकण्याचा अंदाज आहे. या पार्श्वभूमीवर राज्य सरकारसह स्थानिक प्रशासन सतर्क झाल्याचे पहायला मिळत आहे. खबरदारी म्हणून ज्या भागात हे चक्रीवादळ धडकणार आहे, त्या भागात एनडीआरएफच्या (National Disaster Response Force) 17 तुकड्यासह 212 सरक्षण दलाच्या तुकड्यांना सतर्क राहण्याचे आदेश देण्यात आले आहेत. संभाव्य चक्रीवादळाच्या पार्श्वभूमीवर बोलताना ओडिशाचे विशेष मदत आयुक्त (एसआरसी) प्रदीप कुमार जेना यांनी म्हटले आहे की, पुढील 24 तासांमध्ये ओडिशाच्या किनारपट्टीवर चक्रीवादळ धडकण्याची शक्यता आहे. या पार्श्वभूमीवर प्रशासन सतर्क झाले असून, आम्ही कोणत्याही परिस्थितीचा सामना करण्यासाठी सज्ज आहोत.

जिल्हाधिकाऱ्यांसोबत बैठक

पुढे बोलताना प्रदीप कुमार जेना यांनी म्हटले आहे की, ओडिशाच्या किनारपट्टीवर धडकणाऱ्या या चक्रीवादळाचा प्रभाव हा राज्यातील 18 जिल्ह्यांमध्ये जाणवण्याची शक्यता आहे. संबंधित सर्व जिल्ह्यांच्या जिल्हाधिकाऱ्यांसोबत बैठक घेण्यात आली असून, त्यांना चक्रीवादळाच्या पार्श्वभूमीवर आवश्यक त्या सूचना देण्यात आल्या आहेत. तसेच या बैठकीत पूर्वतयारीचा देखील आढावा घेण्यात आला आहे. चक्रीवादळाच्या पार्श्वभूमीवर प्रशासन सतर्क झाले असून, एनडीआरएफ दलाला देखील आवश्यक त्या सूचना देण्यात आल्या आहेत. पुढील 24 तास हे चक्रीवादळाच्या पार्श्वभूमीवर राज्यासाठी महत्त्वाचे असणार आहेत.

मच्छिमारांना समुद्रात न जाण्याचे आवाहन

यावेळी बोलताना भारतीय हवामानशास्त्र विभागाचे महासंचालक मृत्युंजय महापात्रा यांनी म्हटले आहे की, सध्या पूर्व भारतात वादळाची स्थिती असून, त्यामुळे कमी दाबाचा पट्टा निर्माण होऊन पाऊस पडू शकतो. रविवारी ताशी 75 किलोमीटर प्रति तास वेगाने वारे वाहण्याची शक्यता आहे. या सर्व पार्श्वभूमीवर प्रशासन यंत्रणा सज्ज झाली आहे. आम्ही मच्छिमारांना असे आवाहन करतो की, चक्रीवादळाचा धोका पहाता त्यांनी दिनांक पाच मे ते आठ मे पर्यंत समुद्रात मोसेमारी करण्यासाठी जाऊ नये. या चक्रिवादळाचा प्रभाव हा 18 जिल्ह्यांमध्ये जाणवण्याची शक्यात आहे.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें