घराजवळ वारंवार साप निघतात का? मग हे झाड नक्कीच तुमच्या परिसरात कुठेतरी असणारच, एकदा चेक करा

उन्हाळ्याचे दिवस आहेत, उन्हाळ्याच्या दिवसांमध्ये घरात साप निघण्याच्या घटना अनेकदा घडतात, साप हा मुळातच थंड रक्ताचा प्राणी असल्यामुळे त्यांना उष्णता असाह्य होते. अशावेळी साप थंड जागेचा आणि जिथे लपण्यासाठी अडोसा असेल अशा जागेचा शोध घेत असतो. अशा जागेचा शोध सुरू असतानाच अनेकदा साप तुमच्या घरात शिरतो. त्यामुळे उन्हाळ्यामध्ये सर्पदंशाचा धोका देखील वाढतो. मात्र जर तुम्हाला तुमच्या घरात कुठेही साप दिसला तर घाबरून जाऊ नका, त्याची माहिती तुम्ही सर्पमित्रांना द्या, ते सापांना रेस्क्यू करून सुरक्षित जागी सोडतील. आपल्याकडे सापांबद्दल अनेक गैरसमज असतात, त्यामुळे आपण दिसला साप की लगेच मारतो, त्यामुळे भारतामधील सापाच्या अनेक दुर्मिळ प्रजाती या नष्ट होण्याच्या मार्गावर आहेत.

तुम्ही अनेकदा असं देखील निरीक्षण केलं असेल की अशा काही विशिष्ट जागा असतात, जिथे वारंवार साप दिसतात. किंवा तुमच्या घरात देखील वारंवार साप येतात. असं का होतं याचा कधी तुम्ही विचार केला आहे का? तर काही विशिष्ट झाडे हे तुमच्या परिसरात असतात. या झाडंच्या गुणधर्मामुळे साप त्यांच्याकडे आकर्षीत होतात. त्यामुळे त्या परिसरात तुम्हाला हमखास सापांचं दर्शन होतं. अशी झाडे जर तुमच्या परिसरात देखील असतील तर सतर्क राहणं हा त्यावरील सर्वात सोपा उपाय आहे. किंवा अशी झाडं ही घरापासून थोडी दूर लावावीत

काठी ठिकाणी बांबूच बेट असतं. बांबू ही अशी वनस्पती आहे, जिच्याकडे साप लगेच आकर्षित होतो. याचं मुख्य कारण म्हणजे बांबू बेट हे बाराही महिने हिरवगार असतं. बांबूच्या मुळाशी सापांना थडांवा मिळतो, त्यामुळे उन्हाळ्याच्या दिवसांमध्ये साप बांबूच्या मुळाशी येऊ बसतात. तसेच बांबूचं बेट हे मोठं असतं, बांबूच्या गळती झालेल्या पानांमुळे सापांना तिथे लपण्यासाठी सहज जागा मिळते. तसेच जिथे हे झाडं असतं तेथील जमीन देखील भुसभुशीत असते, तिथे सापांना सहज बिळ करता येत, त्यामुळे साप अनेकदा जिथे बांबूचं झाड असेल त्या परिसरात दिसतात.