भारताविरोधात डोनाल्ड ट्रम्प यांनी टाकला आणखी एक मोठा डाव, नव्या खेळीमुळे धक्का, सर्वात जवळच्या माणसाला लावलं कामाला

अमेरिकेचे राष्ट्राध्यक्ष डोनाल्ड ट्रम्प यांनी भारतावर टॅरिफ लावण्याचा निर्णय घेतला आहे. येत्या 28 ऑगस्टपासून भारतावर 50 टक्के टॅरिफ लावला जाणार आहे. अमेरिकेनं भारतावर टॅरिफ लावण्याचा निर्णय घेतल्यानंतर दोन्ही देशांमधील संबंध तणावपूर्ण बनले आहेत. एकीकडे अमेरिका भारतापासून दूर जाताना दिसत आहे, तर दुसरीकडे रशिया आणि चीनने भारतासाठी मदतीचा हात पुढे केला आहे. दरम्यान टॅरिफ वार सुरू असतानाच आता डोनाल्ड ट्रम्प यांनी मोठी घोषणा केली आहे. त्यांनी 38 वर्षीय सर्जियो गोर यांना भारतामधील पुढचा राजदूत म्हणून नियुक्त करण्याचा निर्णय घेतला आहे. सर्जियो गोर हे डोनाल्ड ट्रम्प यांचे निकटवर्तीय मानले जातात. ते सध्या व्हाईट हाऊसच्या प्रेसिडेंशियल पर्सनेल ऑफिसचे डायरेक्टर आहेत. गोरे हे डोनाल्ड ट्रम्प यांचे सर्वात विश्वासू सहकारी देखील मानले जातात. गोर यांच्यावर दक्षिण आणि मध्य आशियामधील विशेष दुताची देखील जबाबदारी सोपवण्यात आली आहे.

जर्जियो गोर यांच्या नियुक्तीची घोषणा डोनाल्ड ट्रम्प यांनी अशावेळी केली आहे, ज्यावेळी अमेरिकेनं लावलेल्या टॅरिफमुळे भारत आणि अमेरिकेमधील संबंध तणावपूर्ण बनले आहेत. ट्रम्प यांनी भारतावर 50 टक्के टॅरिफ लावण्याचा निर्णय घेतल्यानंतर गोर यांची नियुक्ती करण्यात आल्यानं डोनाल्ड ट्रम्प यांच्या या निर्णयाकडे संपूर्ण जगाचं लक्ष लागलं आहे.

राजदूत म्हणून गोर यांचीच नियुक्ती का?

सर्जियो गोर यांना भारताचा काही खास अनुभव नाही, मात्र अमेरिकेच्या राजकारणात ही एक सामान्य गोष्ट आहे, राष्ट्राध्यक्ष नेहमी आपल्या खास व्यक्तींकडेच महत्त्वाची जबाबदारी देतात. जसं की अमेरिकेचे माजी राष्ट्रपती बायडेन यांनी लॉस एंजेलिसचे माजी मेअर एरिक गार्सेटी यांना भारताचा राजदूत बनवलं होतं. मात्र तज्ज्ञांच्या मते ट्रम्प यांनी हे पाऊल याच्यासाठी उचललं असावं की, ते आता भारताला असा संदेश देऊ इच्छितात की आता वाटाघाटी थेट राष्ट्राध्यक्ष लेव्हललाच होतील.

भारत रशियाकडून तेल खरेदी करतो म्हणून अमेरिका आणि भारत यांच्या संबंधांमध्ये तणाव निर्माण झाला आहे, त्यातच अमेरिकेनं भारतावर टॅरिफ लावण्याचा निर्णय घेतल्यामुळे दोन्ही देशांमधील संबंध आणखी तणले गेले आहेत. तुम्ही रशियाकडून तेल खरेदी करू नका, असं डोनाल्ड ट्रम्प यांची मागणी आहे, मात्र भारतानं ही मागणी धुडकावून लावली आहे, भारताची रशियाकडून तेल खरेदी सुरूच आहे. तर दुसरीकडे अमेरिकेसोबत तणाव निर्माण झाल्यानंतर आता भारताची रशिया आणि चीनसोबत जवळीक वाढताना दिसत आहे, आम्ही भारतीय वस्तूंचं आमच्या बाजारपेठेत स्वागत करू असं रशिया आणि चीनने देखील म्हटलं आहे. त्यामुळे आता अमेरिकेला मोठा धक्का बसू शकतो.