Indian Railway : रेल्वेचा मोठा निर्णय, वेंटिग लिस्टची झंझट संपणार, पाहा नेमके काय होणार ?

Train News: सणासुदीच्या काळात रेल्वेच्या गाड्यांना तगडी वेटिंग लिस्ट असल्याने प्रवाशांना कन्फर्म तिकीट मिळत नाही. त्यामुळे रेल्वेने आता मेल आणि एक्सप्रेस ट्रेनमध्ये प्रवाशांची अडचण समजून जास्त जागा तयार करण्यासाठी पावले उचलण्याचा निर्णय घेतला आहे. त्यामुळे प्रवाशांची वाढती मागणी पाहून 22 डब्यांच्या ट्रेनमध्ये आणखीन दोन डबे जोडण्याचा निर्णय घेतला आहे. याचा अर्थ अनेक ट्रेनमध्ये प्रवाशांची बसण्याची व्यवस्था वाढणार आहे.

वाढती वेटिंग कमी करण्याचा प्रयत्न

रेल्वेच्या या निर्णयाचा सर्वात मोठा परिणाम तिकीटांच्या उपलब्धतेवर होण्याची आशा आहे.ज्या प्रमुख ट्रेनमध्ये गर्दीच्या वेळी १०० ते १५० वेटिंग पोहचते. तेथे दोन अतिरिक्त डबे जोडल्याने वेटिंग २० ते २५ पर्यंत कमी होण्याची होण्याची शक्यता आहे. यामुळे वेंटिगमुळे ज्या प्रवाशांचा प्रवास अखेर क्षणापर्यंत अनिश्चित असतो त्यांना तिकीट कन्फर्म होण्याची शक्यता वाढेल.

१६० प्रवाशांची क्षमता वाढेल

केवळ दोन अतिरिक्त डबे वाढवल्याने ज्या श्रेणीची क्षमता वाढेल त्याचा थेट लाभ १६० प्रवाशांना मिळेल. याचा फायदा तिकीटांची मागणी अधिक असलेल्या एसी आणि स्लीपर सारख्या श्रेणींना फायदा होईल. एसी थर्डमध्ये सामान्यपणे वेटिंग ६० ते ७० पर्यंत पोहचते. तर स्लीपरमध्ये हे १०० च्या वरती पोहचते. त्यामुळे जर दोन एसी थर्ड कोच जोडले गेले तर या श्रेणीची तिकिटांची प्रतिक्षा यादी जवळपास संपल्याची स्थिती होईल.

एलटीटी – गोरखपुर सुपरफास्टने सुरुवात

रेल्वे बोर्डाने या निर्णयाची सुरुवात पूर्व रेल्वे झोनमध्ये सुर केली आहे. गोरखपूर ते लोकमान्य टिळक टर्मिनस जाणाऱ्या ट्रेन क्रमांक २०१०४ एलटीटी सुपरफास्ट मध्ये दोन अतिरिक्त डबे लावले आहे. ही व्यवस्था सध्या प्रायोगिक चाचणी म्हणून सुरु केली आहे. रेल्वेच्या यांत्रिक विभागाने पुढील तयारी देखील सुरु केली आहे. बोर्डाच्या निर्देशानुसार दोन डबे कायम स्वरुपी जोडण्याची योजना आहे.

प्रत्येक ट्रेनला हे अतिरिक्त डबे जोडणे सध्या शक्य नाही. आधी त्या ट्रेनाला प्राधान्य दिले जाणार आहे ज्यात सामान्य दिवसातही प्रवाशांची संख्या जास्त असते. सणासुदीसह अचानक वाढणाऱ्या प्रवासी संख्ये सोबत संपूर्ण वर्षभर गर्दी जास्त असलेल्या ट्रेनचा समावेश या योजनेत केलेला आहे.

दोन अतिरिक्त डबे जोडण्याआधी रेल्वे बोर्डाने सर्व १७ झोन मधून मेल आणि एक्सप्रेस ट्रेनच्या सध्याच्या डब्यांच्या व्यवस्थेची माहीती मागवली होती. २२ च्या जागी २४ डबे करण्याचा प्रस्तावावर अनेक दिवस चर्चा विनिमय झाला होता. त्यानंतर डबे वाढवण्याचा निर्णय घेण्यात आला. ही व्यवस्था लागू करण्याआधी पायाभूत सुविधांची वाढ करण्याचाही सल्ला देण्यात आला होता.

या ट्रेनमध्ये वाढली सामान्य श्रेणीची क्षमता

प्रवाशांची वाढती गर्दी पाहून ट्रेन क्रमांक 54481, 54482, 54483, 54484, 54464, 54463, 54342 आणि 54341 मध्ये अतिरिक्त सामान्य श्रेणीचे डबे वाढवले आहेत. प्रवासी सीट वाढल्याने याचा फायदा वेटिंगच्या प्रवाशांना तर होईल शिवाय रेल्वेचे उत्पन्न देखील वाढणार आहे.