AC त कसे पोहचले साप ?, एका वेळी निघाले तीन, कुटुंबियांची तर बोबडीच वळली, VIDEO
गुजरात येथे एका घरात एसीतून घरात तीन-तीन साप निघाल्याची घटना घडल्याने खळबळ उडाली आहे. त्यामुळे एसी बसवताना काय काळजी घ्यायची ते पाहा...
गुजरात येथील वलसाडमध्ये एसीतून घरात साप निघाल्याचा खळबळजनक प्रकार घडल्याने सावधगिरी बाळगण्याची गरज आहे. तेही एकाच वेळी तीन साप बाहेर पडल्याने घरातील मंडळींची तर बोबडीच वळली. या प्रकरणाचा व्हिडीओ देखील व्हायरल होत हे. ही घटना वलसाड येथील पारडी स्थित येथील असून या घटनेने सारे चक्रावून गेले आहेत. जेव्हा या कुटुंबातील सदस्यांनी एसी ऑन केला तेव्हा एकामागोमाग तीन साप बाहेर पडल्याने कुटुंबातील सर्व लोक प्रचंड घाबरले.
कुटुंबातील लोकांनी स्थानिक सर्प मित्र संस्थेला माहिती दिली त्यानंतर या तीन सापांचे रेस्क्यू ऑपरेशन करण्यात आले. या कुटुंबातील लोकांनी सांगितले की त्यांना हे तीन साप एसीत कसे जाऊन बसले याची काहीही माहिती नव्हती. एसीत साप लपून बसल्याची ही काही पहिलीच घटना नाही. याआधी अहमदाबाद सह देशातील अनेक भागात अशा घटना घडलेल्या आहेत. साप एसीत कसे जाऊन बसतात आणि त्यांना रोखायचे कसे ते पाहूयात..
AC पर्यंत साप पोहचण्याची 3 मोठी कारणे
एसीत साप सापडल्याची अनेक प्रकरणे घडली आहेत, त्यामुळे एसीत साप पोहचण्याची कारणे पाहूयात….
पहिला आणि सर्वात मोठे कारण एसीचे आऊटडोर युनिट बागेत वा जमीनीवर ठेवणे. जर या क्षेत्रात साप असतील तर ते आऊटडोअर युनिटमधून एसीच्या पाईपमध्ये पोहचू शकतात. तसचे डक्टमध्ये एसी बसवताना पाईपसाठी खोदलेल्या खड्ड्यात छीद्र असेल तरी साप पोहचू शकतात. विंडो एसी असेल तर धोका अधिक असतो. पाणी निघणारा पाईप जर जमीनीला लागलेला असेल आणि विंडो एसीच्या आजूबाजूच्या फट असेल तर साप पोहचू शकतात.
2- ज्या घराच्या आजूबाजूला जंगल किंवा झाडे झुडपे अधिक असतील तर साप या द्वारे एसी डक्टपर्यंत पोहचू शकतात आणि मार्ग मिळाला तर घरात प्रवेश करु शकतात.
3- पावसाळ्यात साप घरात शिरण्याचा धोका जास्त असतो. अशा हवामानात बिळात पाणी शिरले असेल किंवा त्यांना उब हवी असेल तर साप कॉम्प्रेसरच्या उष्णतेने त्याच्याजवळ जाऊन बसतात. त्यामुळे ते घरात शिरण्याचा धोका असतो.
सांपांना कसे रोखावे ?
एसीच्या आजूबाजूच्या मार्गांतून साप येण्याचा धोका असतो. त्यामुळे भिंतीत काही फटी आणि मार्ग असतील तर ते नीट बुजवून घेणे शहाणपणाचे असत. एसीच्या आऊटडोअर युनिटसाठी निघणारा पाईप आणि डक्ट जवळ छीद्र असतील नीट बुजवावीत.
विंडो एसी असेल तर तेथेही कोणतीही जागा खुली सोडू नका, त्यांना लागलीत बंद करा. घराच्या आजूबाजूची झाडेझुडपे हटवा. जर ही झाडे घराच्यापर्यंत पसरली असतील तर लागलीच त्यांच्या फांद्या कापा. कारण फांद्यांवरुन साप घरात सहज येऊ शकतात.
येथे पाहा व्हिडीओ –
वलसाड: एसी (AC) में घुसे तीन सांप
दीवार पर ऊंचाई पर लगे एसी के अंदर सांप कैसे दाखिल हुए, यह अभी भी लोगों के लिए आश्चर्य का विषय बना हुआ है।
जीवदया ग्रुप के सदस्यों ने मौके पर पहुंचकर एसी मशीन को खोला और एक-एक कर तीनों सांपों का सुरक्षित रेस्क्यू किया। pic.twitter.com/ZlpMP5lwD8
— Dixit Soni (@DixitGujarat) May 13, 2026
