भारत की पाकिस्तान? कोणाकडे आहे सर्वात जास्त विमानवाहू युद्धनौका
जगात अनेक देशांमध्ये संघर्ष सुरु आहे. अनेक देश आपली ताकद वाढवण्यासाठी लष्करी सामग्रीमध्ये मोठी गुंतवणूक करत आहेत. गेल्या दहा वर्षात मोठी गुंतवणूक झाली आहे. चीनने समुद्रात आपले वर्चस्व वाढवण्यासाठी यावर मोठी भर दिली आहे. विमानवाहू युद्धनौका ज्यांच्याकडे जास्त त्याची ताकद सर्वात जास्त. जाणून घ्या कोणत्या देशांकडे किती विमानवाहू युद्धनौका आहेत.
स्टॉकहोम इंटरनॅशनल पीस रिसर्च इन्स्टिट्यूटने एक अहवाल जाहीर केला आहे. जगातील लष्करी खर्चात एका दशकात सर्वात वेगाने वाढ झाली आहे. चीनने लष्करी खर्च ६ टक्क्यांनी वाढवला आहे. जो आता २९६ अब्ज डॉलर इतका आहे. चीन सातत्याने शस्त्रे खरेदी करत आहे. अलीकडेच चीनने आपली तिसरी विमानवाहू फुजियानही लाँच केली आहे. चीन आपल्या नौदलासाठी चौथी विमानवाहू युद्धनौकाही तयार करत आहे. त्यामुळे चीनच्या नौदलाची ताकद वाढणार आहे. विमानवाहू वाहके ही युद्धात फार महत्त्वाची भूमिका बजावतात. कोणत्याही देशाच्या सुरक्षेसाठी हे महत्त्वाचे आहे. पण जर भारत आणि पाकिस्तान या दोन देशांकडे किती युद्धनौका आहेत ते पण जाणून घेऊया.
अमेरिकेकडे 11 विमानवाहू युद्धनौका
अमेरिकेकडे 11 विमानवाहू युद्धनौका आहेत. ज्यांना सुपरकॅरियर्स देखील म्हटले जाते. अमेरिकन लष्करी सामर्थ्याचे ते प्रतीक आहे. महत्त्वाचे म्हणजे ते अणुऊर्जेवर चालवले जातात. चीनकडे 3 विमानवाहू युद्धनौका आहेत.
भारताची स्वतःची दोन विमानवाहू युद्धनौका
भारतीय नौदलाची सर्वात मोठी विमानवाहू युद्धनौका INS विक्रमादित्य आहे. ही जगातील सर्वात मोठ्या विमानवाहू जहाजांपैकी एक आहे. त्याची एकूण लांबी 61 मीटर इतकी आहे. 2013 मध्ये ती नौदलात सामील करण्यात आले. भारताकडे सध्या एकूण 2 विमानवाहू युद्धनौका आहेत. तर भारत आता तिसरी विमानवाहू युद्धनौका तयार करण्याची तयारी सुरू करत आहे. भारताने रशियाकडून INS विक्रमादित्य खरेदी केली आहे. पण जर पाकिस्तान बद्दल बोलायचे झाले तर त्यांच्याकडे एकही विमानवाहू युद्धनौका नाही. पाकिस्तान सध्या महागाईने होरपळून निघाला आहे. सर्वसामान्य लोकांसाठी जगणं अवघड झाले आहे. वाढती महागाई आणि कर्जामुळे देश आज समस्यांना तोंड देत आहे. पाकिस्तानकडे विमानवाहू युद्धनौका घेण्यासाठीही पैसे नाहीत.
जपान आणि इटलीही मजबूत
इटलीकडे 2 विमानवाहू युद्धनौका आहेत. कॅव्हॉर आणि ज्युसेप्पे गॅरिबाल्डी अशी त्यांची नावे आहेत. Cavour 2008 मध्ये नौदलात आणि 1985 मध्ये Giuseppe Garibaldi चा समावेश करण्यात आला. त्याचवेळी जपानकडे एकूण 2 विमानवाहू युद्धनौका आहेत. यापैकी जेएस कागा हे अलीकडेच हेलिकॉप्टर कॅरिअरमधून एअरक्राफ्ट कॅरिअरमध्ये बदलण्यात आले आहे. जपानची दुसरी विमानवाहू युद्धनौका जेएस इजिमो अपग्रेड करण्याचीही योजना आहे.
ब्रिटनकडेही १ विमानवाहू युद्धनौका
ब्रिटनकडे एकूण 2 विमानवाहू युद्धनौका आहेत. क्वीन एलिझाबेथ क्लास नावाची जगातील तिसरी सर्वात मोठी विमानवाहू वाहक आहे. त्यात एचएमएस प्रिन्स ऑफ वेल्स विमानवाहू जहाजही आहे. याशिवाय जर आपण फ्रान्सबद्दल बोललो तर त्याच्याकडे 1 विमानवाहू युद्धनौका आहे, ज्याचे नाव चार्ल्स डी गॉल आहे. रशियाकडे फक्त 1 विमानवाहू युद्धनौका आहे, ॲडमिरल कुझनेत्सोव्ह. हे 1991 मध्ये रशियन नौदलात सामील झाले होते. रशिया त्याचा फारच कमी वापर करतो.
