बर्थ एक मग रेल्वे दोन बेडशिट्स का देते ? किती दिवसांनी धुतला जातो बेडरोल, धक्कादायक माहिती

Indian Railway : भारतीय रेल्वेने दररोज अडीच कोटीहून अधिक लोक प्रवास करतात. रेल्वेने लांबचा प्रवास आरामदायी आणि कमी वेळेत पूर्ण होत असतो. जगात भारतीय रेल्वे सर्वात कमी पैशात प्रवास घडवते. एसी कोचमध्ये रात्रीचा प्रवास करणाऱ्यांना रेल्वे बेडरोलची सुविधा देत असते. प्रत्येक बेडरोलमध्ये दोन चादर,उशा,ब्लँकेट, टॉवेल असतो. एक बर्थसाठी रेल्वे दोन बेडशीट्स पुरवत असते. काही प्रवासी ती बेडशिट अंगावर पांघरतात किंवा बर्थवर अंथरतात. परंतू या दोन बेडशिट चादरी देण्यामागचा उद्देश्य नेमका काय यासंदर्भात रेल्वेने माहिती दिली आहे.

रेल्वे मंत्रालयाने संसदेत दिलेल्या उत्तरात बेडरोलमध्ये दोन बेडशिट देण्याच्या मागचा उद्देश्य आणि त्याची धुलाई आणि रिप्लेसमेंटची माहिती रेल्वेने दिली आहे. रेल्वेच्या मते बेडरोलमध्ये मिळणाऱ्या दोन बेडशिट्स पैकी एक बेडशिट्स ( बर्थ ) आसनावर अंथरण्यासाठी दिलेली असते. तर दुसरी बेडशिट्सचा वापर ब्लँकेट सोबत पांघरुन घेण्यासाठी दिलेले असते. म्हणजे ब्लँकेटचा थेट त्वचेशी संपर्क येऊ नये.

किती दिवसांनी धुतात

रेल्वेने दिलेल्या माहितीनुसार ब्लँकेट प्रत्येक वापरानंतर धुतला जात नाही. यामुळे प्रवाशांच्या आरोग्याच्या सुरक्षेसाठी एक्स्ट्रा बेडशिट्स दिली जाते. त्यामुळे ब्लँकेटचा थेट संपर्क त्वचेशी येऊ नये अशी रेल्वेची योजना असते. आता रेल्वे यात बदल करत आहे. नॉर्थ वेस्ट रेल्वेने काही ट्रेनमध्ये आणि कामाख्या पर्यंत धावणाऱ्या वंदेभारत एक्सप्रेसमध्ये स्लीपर ट्रेनमध्ये ब्लॅकेटला कव्हर सोबत देण्याची योजना आखली आहे. लोकरीच्या ब्लँकेटला कव्हर लावल्याने एक्स्ट्रा चादर देण्याची गरज राहात नाही. रेल्वेने बेडरोलला किती वेळा धुतले जाते याची देखील माहिती दिली आहे.

किती वेळा धुतले जाते बेडशिट्स

बेडशिट्स, उशाचे कव्हर, टॉवेलला प्रत्येक वापरानंतर धुतले जाते.

ब्लँकेटला महिन्यातून एक ते दोन वेळा धुतले जाते.

रेल्वेच्या नियमानुसार सुती बेडशिट्सला एक वर्षांनंतर हटवले जाते.

पॉलिएस्टर बेडशीटचे आयुष्य दोन वर्षांचे असते.

उशांचे कव्हर, फेस टॉवेलची आयुर्मान ९ महिन्यांचे असते.

तर उशा आणि ब्लँकेटला दोन वर्षांनी बदलले जाते.

एसी कोचच्या प्रवाशांनी ४६.५४ लाख टॉवेल चोरले…

ट्रेनमध्ये बेडरोल चोरीने रेल्वेचे कोट्यवधीचे नुकसान होत असते. जानेवारी २०२२ ते मे २०२६ दरम्यान १.२७ कोटी रुपयांची बेडरोलची चोरी झालेली आहे. यात टॉवेलचा सर्वाधिक प्रवासी चोरी करत असतात असे उघडकीस आले आहे. या चोरीमुळे कंत्राटदारांना १०४.५१ कोटी रुपयांचे नुकसान झाले आहे. सर्वाधिक चोरीत ४६.५४ लाख फेस टॉवेल, ४१.१३ लाख बेडशिट्स, २३.५९ लाख उशांचे कव्हर, १२.९५ लाख ब्लँकेट चोरी झाले आहेत. यात २.७६ लाख उशा चोरी झाल्या आहेत.