कोलकातामध्ये रेल्वेच्या इमारतीला भीषण आग; अग्निशमन दलाच्या कर्मचाऱ्यांसह 9 जणांचा होरपळून मृत्यू

कोलकाता: कोलकाताच्या स्ट्रँड रोडवर असलणाऱ्या एका बहुमजली इमारतीला सोमवारी रात्री भीषण आग (Fire) लागली होती. या दुर्घटनेत 9 जणांचा मृत्यू झाला आहे. या इमारतीमध्ये दक्षिण-पूर्व रेल्वेचे विभागीय कार्यालय आहे. मृतांमध्ये रेल्वे आणि अग्निशमन दलाच्या कर्मचाऱ्यांचा समावेश आहे. (Fire in Kolkata Railway building)

प्राथमिक माहितीनुसार, सोमवारी रात्री हे सर्वजण एका लिफ्टने वरच्या मजल्यावर जात होते. त्यावेळी इमारतीचा वीजपुरवठा खंडित झाल्याने लिफ्ट बंद पडली. या दुर्घटनेनंतर ममता बॅनर्जी यांनी घटनास्थळी भेट देऊन पाहणी केली. यानंतर राज्य सरकारकडून मृतांच्या वारसांना 10 लाखांची आर्थिक मदत देण्याची घोषणा करण्यात आली आहे.

West Bengal: Fire breaks out on the 13th floor of a multi- storey building at Strand road in Kolkata. 8 fire tenders reach the spot. More details awaited pic.twitter.com/DLzrmBZDkF

— ANI (@ANI) March 8, 2021

रात्री साधारण 11 वाजण्याच्या सुमारास आग नियंत्रणात आली. सोमवारी संध्याकाळी साधारण सव्वासहाच्या सुमारास 13 व्या मजल्यावर ही आग लागली. आग लागल्याचे समजल्यानंतर सुरक्षा कर्मचारी तातडीने 13व्या मजल्यावर पोहोचले. त्यांनी बहुतांश कर्मचाऱ्यांना बाहेर काढले. साधारण साडेसहाच्या सुमारास अग्निशमन दलाचे जवान इमारतीमध्ये आले. ही आग भीषण असल्याने अग्निशमन दलाच्या जवानांना शर्थीचे प्रयत्न करावे लागले. यावेळी रेल्वे अधिकारी पार्था सारथी मंडल आणि एस सहनी या कर्मचाऱ्याचा मृत्यू झाला.

#UPDATE | PM Narendra Modi has approved an ex-gratia of Rs 2 lakhs each from Prime Minister’s National Relief Fund for the next of kin of those who have lost their lives due to the tragic fire in Kolkata. Rs 50,000 would be given to those seriously injured: PMO https://t.co/3LzPVccMhi

— ANI (@ANI) March 9, 2021

रेल्वेमंत्री पीयूष गोयल यांच्याकडून उच्चस्तरीय चौकशीचे आदेश

या घटनेनंतर रेल्वेमंत्री पीयूष गोयल यांनी उच्चस्तरीय चौकशीचे आदेश दिले आहेत. या दुर्घटनेत रेल्वे व अग्निशमन दलाच्या कर्मचाऱ्यांसह नऊ जणांचा मृत्यू झाला. आम्ही या सगळ्यांच्या कुटुंबीयांच्या दु:खात सहभागी आहोत, असे पीयूष गोयल यांनी सांगितले.

(Fire in Kolkata Railway building)