Maharashtra News LIVE : सोनम वांगचुक यांना पोलिसांनी रुग्णालयात नेलं

भोंदू अशोक खरातविरोधात ईडीने आरोपपत्र दाखल केलं आहे. त्याच्या विरोधात जवळपास ३ हजारहून अधिक पानांचे आरोपपत्र दाखल करण्यात आला आहे. त्यामुळे त्याच्या अडचणीत आणखी वाढ झाली आहे.

पुण्यातील आंबेगाव बुद्रुक दत्तनगर येथील हवेली येथे शुक्रवारी सह दुय्यम निबंधक अधिकारी आणि वकीलात दस्त नोंदणी विषयावरून शाब्दिक वाद झाले. त्यानंतर या वादाचे रूपांतर जोरदार हाणामारीत झालं. या हाणामारीनंतर सहदुय्यम निबंधक अधिकारी रवींद्र नामदेव कोळी व कर्मचारी यांनी आंबेगाव पोलिस स्टेशनमध्ये जाऊन तक्रार दिली आहे.

राज्यात ठाकरे-राणा आमनेसामने आले आहेत. एकीकडे नागपुरात रामरक्षा आंदोलन हाती घेतलं आहे. तर अमरावतीत हनुमान गडीवर नवनीत राणा करणार हनुमान चालीसा पठण करणार आहेत. या दोन्ही आंदोलनामुळे राजकीय वर्तुळात चर्चांना उधाण आलं आहे.

संजय राऊत यांनी नागपुरातील रामरक्षा आंदोलनस्थळी पाहणी केली. उद्धव ठाकरे यांच्या उपस्थितीत 4 वाजता रामरक्षा आंदोलनात पठण केले जाणार आहे. या आंदोलनासाठी ठाकरे गटाने विविध संघटनांना आमंत्रण दिलं आहे.

पुण्यातील फलटण येथील पहाटेची पूजा विधीवत संपन्न झाली. त्यानंतर आता संत ज्ञानेश्वर माऊलींचा पालखी सोहळा पुढील मुक्कामासाठी बरडकडे प्रस्थान झालाय. ज्ञानोबा तुकारामांच्या जयघोषात वारकरी भक्तिभावाने माऊलींसोबत मार्गस्थ झालेत.

आषाढी वारीच्या तयारीचा आढावा घेण्यासाठी एकनाथ शिंदे पंढरपूर दौऱ्यावर येणार आहेत. पंढरपुरातील आषाढी एकादशी निमित्त उभारण्यात आलेल्या विविध सोयी सुविधांची पाहणी उपमुख्यमंत्री शिंदे करणार आहेत. मुख्यमंत्री असताना एकनाथ शिंदे यांनी अशाच प्रकारे आषाढीपूर्व आढावा दौरा केला होता. मात्र आता उपमुख्यमंत्री असतानाही ते आढावा दौरा करत आहेत

पर्यटक आणि आरोपी यांच्यातील वादाचा आणखी एक व्हिडिओ समोर आला आहे. पीडित महिलेकडूनच मारहाण केली जात असल्याचा आरोप होतो आहे. इथूनच वादाला सुरवात झाली होती. आठ दिवसांपूर्वी महिलेची छेड काढून नाशिकच्या कुटूंबावर गावगुंडानी हल्ला केला होता. आतापर्यंत 12 आरोपींना पोलिसांनी अटक केली आहे.

सांगलीच्या मिरज तालुक्यातील टाकळी येथे ओढापत्रामध्ये पाण्यात दूध ओतण्यात आल्याचे शुक्रवारी निदर्शनास आले. ओढ्यात ओतण्यात आलेले दूध भेसळयुक्त असल्याचा संशय व्यक्त करण्यात येत आहे. अन्न व औषध प्रशासनाकडून भेसळयुक्त दूध व अन्न भेसळी विरोधात जोरदार कारवाईची मोहीम राबविण्यात येत आहे. या पार्श्वभूमीवर कारवाईच्या भीतीने ओढ्यात दूध ओतून देण्याचे कृत्य करण्यात आल्याचा संशय ग्रामस्थांकडून व्यक्त करण्यात येत आहे. ओढ्याच्या पत्रामध्ये दूध ओतल्याने ओढ्यातील पाणी पांढरे दिसू लागले होते.

नाशिक मधील दर शनिवारी होणारी पाणीकपात रद्द करण्यात आली आहे. १७ जून पासून शहरात दर शनिवारी पाणीकपात लागू होणार होती. शहराला पाणीपुरवठा करणाऱ्या गंगापूर धरणात ७१ टक्के तर मुकणे धरणात ४८ टक्के पाणीसाठा आहे. त्यामुळे १८ जुलै पासून शहरातील दर शनिवारचा पाणीकपात रद्द करण्याची घोषणा महापौर हिंमगौरी आहेर आडके यांनी केली आहे

मुंबईच्या मातोश्री समोर शिवसेना ठाकरे पक्षाकडून उपोषणकर्ते सोनम वांगचूक यांना पाठिंबा देणारे बॅनर चर्चेत आले आहे. सर्व तरुणांना 19 जुलै रोजी संध्याकाळी ४ वाजता मीनाताई ठाकरे पुतळ्याजवळ एकत्र येण्याचं आवाहन करण्यात आले आहे. राज ठाकरे आणि उद्धव ठाकरे हे दोघेही तरुणांना मार्गदर्शन करणार आहेत. चला शिवतीर्थावर, सरकारच्या हुकुमशाही विरोधात लढा देणाऱ्या सोनम वांगचूक आणि भारतातल्या सर्व तरुणांना पाठिंबा देण्यासाठी एकत्र येऊयात आणि सरकारला जाब विचारण्यात असा या बॅनरवर आशय आहे.

नीटमुळे हजारो शेतकऱ्यांचे भवितव्य धोक्यात आले आहे. पण केंद्र सरकार बघ्याची भूमिका घेत आहे, असा आरोप ज्येष्ठ नेते शरद पवार यांनी केला. वांगचुक यांना आज पहाटे सरकारने अटक केली तरी आंदोलन सुरुच राहणार असल्याचे शरद पवार यांनी सांगितले.

पोलिसांनी मारहाण केल्याचा आरोप कॉकरोच जनता पार्टीचे संस्थापक अध्यक्ष अभिजीत दिपके यांनी केला आहे. पोलिसांनी सकाळीच काहीही सूचना न देता वांगचुक यांना उपोषण स्थळावरून हटवले. त्यावेळी मोठा गोंधळ झाला. पोलिसांनी शिवीगाळ केल्याचा आरोपही दिपके यांनी केला.

सोनम वांगचुक यांना दिल्ली पोलिसांना आज उचलून नेलं. त्यांना रुग्णालयात उपचारासाठी दाखल करण्यात आल्याची माहिती समोर येत आहे. तर समर्थक आणि कार्यकर्त्यांनी तातडीने उपोषण स्थळ सोडण्याचे आवाहन दिल्ली पोलिसांनी केले आहे.