Maharashtra News LIVE : नारी शक्ती वंदन विधेयकावर आज मतदान, विरोधकांची एकजूट दिसणार?
Maharashtra News LIVE Updates: महिलांना 33 टक्के आरक्षण देणारे नारी शक्ती वंदन विधेयक आज मंजूरीसाठी संसदेत असेल. त्यावर आज सायंकाळी 4 वाजता मतदान होईल. त्यासोबतच देशातील विधानसभा आणि लोकसभा मतदारसंघांच्या पुनर्रचनेचे विधेयकही कनिष्ठ सभागृहासमोर सादर करण्यात येईल.
LIVE NEWS & UPDATES
-
धनंजय सावंत यांचे भावी आमदार म्हणून बॅनर
आमदार तानाजी सावंत यांच्या मतदारसंघात पुतण्या धनंजय सावंत यांचे भावी आमदार म्हणून बॅनर लागले आहेत. धनंजय सावंत यांच्या वाढदिवसाला कार्यकर्त्याकडून भावी आमदार अशी बॅनरबाजी करण्यात आली. तानाजी सावंत यांना सोडचिठ्ठी देत धनंजय सावंत अपक्ष जिल्हा परिषद सदस्य म्हणून निवडून आले. धनंजय सावंत कुटुंबाचा नुकताच भाजपमध्ये प्रवेश केला आहे. आगामी निवडणुकीत काका तानाजी सावंत यांच्या विरुद्ध धनंजय सावंत आव्हान उभा करणार अशी राजकीय चर्चा होत आहे.
-
बीड जिल्ह्यातील स्त्री जन्मदर पुन्हा घसरला, 1000 मुलांमागे 862 मुली
बीड जिल्ह्यात गेल्या वर्षीच्या तुलनेत यावर्षी पुन्हा जन्मदर घसरला आहे. 1000 मुलांमागे गेल्या वर्षी 937 मुलींचा जन्मदर होता मात्र यावर्षी मुलींचा जन्मदर पुन्हा घसरला असून एक हजार मुलांमागे 862 मुलींचा जन्म होत आहे. या संदर्भात आरोग्य विभागाकडून आम्ही सोनोग्राफी सेंटरची तपासणी करणार आहोत विनापरवाना कोणी सोनोग्राफी सेंटर चालवत असेल किंवा दोषी आढळून येत असेल तर त्यांच्यावर कारवाई करू तसेच पर जिल्ह्यात जाऊन जर कोणी सोनोग्राफी करत असेल तर आम्ही ट्रॅकिंग करू आणि जर कोणी दोषी आढळून येत असेल तर त्यांच्यावरही कारवाई करू असे सांगण्यात आले आहे.
-
-
दक्षिण राज्यातील खासदारांची संख्या घटणार?
लोकसभा आणि विधानसभा मतदारसंघ पूनर्रचना विधेयकामुळे दक्षिण राज्यांना मोठा फटका बसण्याची अटकळ बांधण्यात येत आहे. विरोधकांनी यावरून हंगामा केला आहे. त्यावर केंद्रीय गृहमंत्री अमित शाह यांनी विरोधकांचे आरोप फेटाळले. दक्षिण राज्यांची शक्ती कमी होणार नाही अशी ग्वाही त्यांनी दिली. दक्षिणेतील कर्नाटक, आंध्र प्रदेश, तेलंगणा, तामिळनाडू आणि केरळमधील खासदार वाढतील असा दावा त्यांनी केला. तर उत्तर भारतातील खासदारांची संख्या अधिक असेल आणि भाजप पुढे अनेक वर्ष सत्तेत असेल असा आरोप विरोधकांनी केला.
-
महिला आरक्षण कायदा २०२३ मध्यरात्रीच लागू
संसदेत नारी शक्ती वंदन अधिनियमावरून जुगलबंदी रंगलेली असतानाच मध्यरात्री महिला आरक्षण कायदा २०२३ लागू करण्याची अधिसूचना काढण्यात आली. कायदा मंत्रालयाने ही अधिसूचना काढली. त्यातंर्गत १०६ वी घटनादुरुस्ती प्रभावी झाल्याचे म्हटले आहे.
-
संसदेच्या विशेष सत्राचा आज दुसरा दिवस
संसदेचे विशेष सत्र सुरू आहे. त्याचा आज दुसरा दिवस आहे. काल महिला आरक्षण आणि मतदारसंघ पुनर्रचना विधेयकाच्या प्रस्तावावरून विरोध आणि सत्ताधाऱ्यांमध्ये जुगलबंदी दिसली. पंतप्रधान नरेंद्र मोदी यांनी विरोधकांना मतदानाचे आवाहन करत इशाराही दिला. त्यांच्या भाषणापूर्वी विरोधकांनी सरकारच्या हेतूवर मोठा संशय व्यक्त केला. नवीन जनगणनेनंतर हे विधेयक सभागृहात आणण्याचा आग्रह धरला.
-
-
राजकारणात महिलांचा टक्का वाढणार?
आज 4 वाजता देशात ऐतिहासिक कायद्यासाठी मतदान होईल. नारी शक्ती वंदन विधेयक आज कनिष्ठ सभागृहासमोर असेल. त्यावर मतदान होईल. यासोबतच विधीमंडळ आणि संसदेत लोकप्रतिनिधींची संख्या वाढवणारे मतदारसंघ पुनर्रचना विधेयकावरही मतदान होईल. आज देशाचे लक्ष हे संसदेकडे आहे.
महिलांना विधीमंडळात आणि संसदेत 33 टक्के आरक्षण देणारे नारी शक्ती वंदन विधेयकावरून रणकंदन सुरू आहे. हे विधेयक जनगणनेनंतर सादर करण्याची मागणी विरोधकांची आहे. तर केंद्र सरकार ते आताच रेटत आहे. पाच राज्यांच्या निवडणुकीच्या रणधुमाळीत केंद्र सरकार हे विधेयक मंजूर करू इच्छित असल्याचा आणि सरकारचा हेतू योग्य नसल्याचा आरोप विरोधकांनी केला आहे. यासोबतच विधीमंडळ आणि संसदेतील खासदार आणि आमदारांची संख्या वाढण्याची शक्यता आहे. त्यासाठीचे परिसीमन विधेयकही सादर होणार आहे. तर नाशिकमधील आयटी कंपनीतील कारनामे एकमागून एक समोर येत आहे. राज्याचे मुख्यमंत्री देवेंद्र फडणवीस हे सध्या पश्चिम बंगालच्या रणधुमाळीत उतरले आहेत. तर राहुरी आणि बारामती पोटनिवडणुकीत प्रचार सुरू आहे. यासह राज्यातील इतर ठळक घडामोडी इथे वाचा
Published On - Apr 17,2026 8:10 AM
