पार्टी भी सही है और बंदा भी ! नितीन गडकरी यांचा उद्धव ठाकरेंना टोला

Gadkari on Uddhav thackeray: केंद्रीय मंत्री नितीन गडकरी यांचं नाव भाजपच्या पहिल्या यादीत जाहीर न झाल्याने माजी मुख्यमंत्री उद्धव ठाकरे यांनी त्यांना भाजपमध्ये योग्य सन्मान मिळत नसेल तर महाविकासआघाडीत या. तुम्हाला योग्य तो सन्मान दिला जाईल असे म्हटले होते. त्यावर एका कार्यक्रमात बोलताना नितीन गडकरी यांनी उद्धव ठाकरे यांना उत्तर दिले आहे. ते म्हणाले की, पार्टी पण योग्य आहे आणि व्यक्ती पण योग्य आहे.

उद्धव ठाकरे यांना उत्तर

माजी पंतप्रधान अटलबिहार वाजपेयी यांच्याबद्दल असे म्हटले जात होते की ते व्यक्ती योग्य आहे पण पक्ष चुकीचा आहे. आता नितीन गडकरींबद्दल देखील हेच बोललं जातंय ते बरोबर आहेत पण चुकीच्या पक्षात आहेत, हे खरंय  का? हा प्रश्नावर उत्तर देताना केंद्रीय मंत्री नितीन गडकरी म्हणाले की, पक्ष बरोबर आहे आणि व्यक्तीही बरोबर आहे. यादरम्यान गडकरी यांनी उद्धव ठाकरे यांना ही प्रत्युत्तर दिले.

ज्यात त्यांना एमव्हीएकडून निवडणूक लढवण्याची ऑफर देण्यात आली होती. ते म्हणाले की, आज मी पूर्णपणे बरा आहे. मी जो काही आहे तो पक्ष संघटनेमुळे आहे.

भाजपच्या विजयाचा दावा

भाजपचे माजी राष्ट्रीय अध्यक्ष नितीन गडकरी म्हणाले की, संघाचा स्वयंसेवक आणि विद्यार्थी परिषदेचा कार्यकर्ता म्हणून मी माझ्या आयुष्याची सुरुवात केली. मी आज जो काही आहे तो संघटनेमुळे आहे. मी चांगला आहे तर माझा पक्ष चांगला आहे. मी चांगला असेल तर माझी विचारधाराही चांगली आहे. यावेळी त्यांनी पुन्हा एकदा पंतप्रधान मोदी आणि भाजपच्या विजयाचा दावा केलाय.

लोकसभा निवडणुकीदरम्यान नितीन गडकरी हे एका टीव्ही कार्यक्रमात बोलत होते. विरोधी पक्षाचे खासदार आणि खुद्द सोनिया गांधीही तुमची प्रशंसा करतात. नितीन गडकरी यांचे विरोधी पक्ष नेतेही चाहते झालेत? त्यावर गडकरी म्हणाले की, काम कायदेशीर आणि नियमानुसार असेल तर ते सर्वांनीच केले पाहिजे. ते चुकीचे असेल तर ते स्वतःसाठीही करू नये. माझ्याकडे जो कोणी काम घेऊन येईल, मी सर्वांची कामे करीन. त्यामुळे सर्वजण माझा आदर करतात.