Omicron संसर्गाच्या वाढत्या वेगानं धडकी, दिल्लीनं महाराष्ट्राला मागं टाकलं, देशाची रुग्णसंख्या 781 वर
देशातील 21 राज्यांमध्ये ओमिक्रॉनचा फैलाव झाला आहे. ओमिक्रॉनच्या संसर्गातून मुक्त झालेल्या व्यक्तींची संख्या 241 इतकी झाली आहे. देशात गेल्या चोवीस तासात 9 हजार 195 कोरोना रुग्ण आढळले असून सोमवारच्या तुलनेत मंगळवारी 44.6 टक्के रुग्ण वाढले आहेत.
नवी दिल्ली: भारतातील ओमिक्रॉन (Omicron) बाधितांची संख्या वेगानं वाढत आहे. ओमिक्रॉनचा वाढता वेग (Omicron cases) चिंतेचं कारण बनला आहे. देशात आतापर्यंत 781 ओमिक्रॉनच्या रुग्णांची नोंद झाली आहे. नवी दिल्लीत (New Delhi) 238 रुग्णांची नोंद झालीय. त्या पाठोपाठ महाराष्ट्रात (Maharashtra) 167 रुग्ण आढळले आहेत. देशातील 21 राज्यांमध्ये ओमिक्रॉनचा फैलाव झाला आहे. ओमिक्रॉनच्या संसर्गातून मुक्त झालेल्या व्यक्तींची संख्या 241 इतकी झाली आहे. देशात गेल्या चोवीस तासात 9 हजार 195 कोरोना रुग्ण आढळले असून सोमवारच्या तुलनेत मंगळवारी 44.6 टक्के रुग्ण वाढले आहेत.
नवी दिल्लीत सर्वाधिक रुग्ण तर महाराष्ट्र दुसऱ्या स्थानावर
ओमिक्रॉनच्या सर्वाधिक बाधितांची नोंद ही नवी दिल्लीमध्ये झाली आहे. नवी दिल्लीत 238 बाधितांची नोंद झाली असून त्यापैकी 57 रुग्ण बरे झाले आहेत. तर महाराष्ट्रात 167 रुग्ण आढळले आहेत. ओमिक्रॉन आणि कोरोनाच्या वाढत्या रुग्णसंख्येच्या पार्श्वभूमीवर नवी दिल्लीत यलो अलर्ट जारी करण्यात आला आहे. दिल्ली आपत्ती व्यवस्थापन प्राधिकरणानं यलो अलर्ट जारी केल्यानं शाळा, महाविद्यालय, सिनेमागृह आणि जीम तात्काळ बंद करण्याचा निर्णय घेतला आहे. तर, दुकानं, सरकारी वाहनांवर काही प्रमाणात प्रतिंबंध लावण्यात आले आहेत.
781 Omicron cases in India so far. 9,195 new COVID19 cases reported in the last 24 hours, active caseload at 77,002 pic.twitter.com/T856yGqZ0k
— ANI (@ANI) December 29, 2021
राज्यनिहाय ओमिक्रॉन बाधितांची संख्या
देशातील ओमिक्रॉन बाधितांची संख्या781 वर पोहोचली असून सर्वाधिक रुग्ण नवी दिल्लीत आढळले आहेत. नवी दिल्लीत 238, महाराष्ट्रात 167, केरळ 65 आणि गुजरातमध्ये 73 रुग्ण आढळले आहेत. तेलंगणा 62, राजस्थान 46, कर्नाटकमध्ये34, तामिळनाडूमध्ये 34, हरयाणा 12, पश्चिम बंगाल 11, मध्य प्रदेश 9, ओडिशा 8, आंध्र प्रदेश 6, उत्तराखंड 4, चंदीगड 3, जम्मू काश्मीर 3, उत्तर प्रदेश 2, गोवा 1, हिमाचल प्रदेश1, लडाख 1 , मणिपूरमध्ये एका रुग्णाची नोंद झालीय.
महाराष्ट्रात सर्वाधिक रुग्ण मुंबईत
महाराष्ट्रातील ओमिक्रॉन बाधितांमध्ये सर्वाधिक रुग्णसंख्या मुंबईत नोंदवली गेलीय. मुंबई 84, पिंपरी चिंचवड 19, पुणे जिल्हा 17, पुणे महापालिका 7, ठाणे महापालिका 7 , सातारा 5, उस्मानाबाद 5 आणि पनवेल महापालिका क्षेत्रात 5 रुग्णांची नोंद झालीय. तर, कल्याण डोंबिवली, औरंगाबाद आणि नांदेडमध्ये प्रत्येकी 2 रुग्ण आढळलेत. तर, बुलडाणा, लातूर, अकोला, अहमदनगर, वसई विरार, नवी मुंबई, मीरा भाईंदर, पालघर, भिवंडीमध्ये प्रत्येकी 1 रुग्णाची नोंद झालीय.
इतर बातम्या:
कोवॅक्सिन लस 15 ते 18 वयोगटातील मुलांना देणार, डॅा. वसंत खडतकर यांची माहिती
Corona vaccination | मुलांच्या लसीकरणासाठी 1 जानेवारीपासून नोंदणीला सुरुवात
Omicron cases in India reach to 781 in the country Delhi recorded 238 case Maharashtra follow with 167 cases
