कच्च्या तेलाच्या किंमतीत मोठी घसरण, तुमच्या शहरात आज पेट्रोल-डिझेलचे दर काय?
अमेरिकेने इराणवरील लष्करी हल्ला स्थगित केल्याने आंतरराष्ट्रीय बाजारात कच्चे तेल स्वस्त झाले आहे. मात्र, भारतात १२ जून रोजी पेट्रोल-डिझेलच्या दरात कोणताही बदल झालेला नाही. तेल कंपन्यांचा तोटा आणि तुमच्या शहरातील आजचे ताजे इंधन दर सविस्तर वाचा.
अमेरिकेने इराणवरील संभाव्य लष्करी हल्ला स्थगित करण्याचा मोठा निर्णय घेतल्यानंतर जागतिक स्तरावर कच्च्या तेलाच्या किंमतीत मोठी घसरण पाहायला मिळत आहे. मात्र, आंतरराष्ट्रीय बाजारपेठेत घसरण होऊनही देशातील सर्वसामान्य ग्राहकांना तूर्तास कोणताही दिलासा मिळालेला नाही. सरकारी तेल कंपन्यांनी आज १२ जून रोजी पेट्रोल आणि डिझेलच्या किमतींमध्ये कोणताही बदल केलेला नाही. त्यामुळे देशातील इंधन दर आजही जैसे थे असल्याचे पाहायला मिळत आहे.
आंतरराष्ट्रीय बाजारातील स्थिती काय?
अमेरिकेचे अध्यक्ष डोनाल्ड ट्रम्प यांनी घेतलेल्या या भू-राजकीय निर्णयामुळे आंतरराष्ट्रीय तेल बाजाराला मोठा दिलासा मिळाला आहे. सध्या कच्च्या तेलाच्या किंमती दीड टक्क्यांनी घसरल्या आहेत. यानुसार ब्रेंट क्रूड तेल १.४९ टक्क्यांनी १.३५ डॉलरने घसरून प्रति बॅरल ८९.०३ डॉलरवर आले आहे. तर डब्ल्यूटीआय (WTI) क्रूड तेल १.६१ टक्क्यांनी घसरून प्रति बॅरल ८६.३० डॉलर इतके झाले आहे. इराण युद्धाची ठिणगी पडल्यापासून आंतरराष्ट्रीय बाजारात कच्च्या तेलाच्या किंमतीत जवळपास ५० टक्क्यांनी वाढ झाली होती. आता कुठे या किंमती कमी होताना पाहायला मिळत आहे.
कच्चे तेल स्वस्त होऊनही भारतात दर का कमी झाले नाहीत?
आंतरराष्ट्रीय बाजारात घसरण झाली असली, तरी भारतीय तेल कंपन्यांनी ग्राहकांना दिलासा न देण्यामागे एक मोठे आर्थिक कारण आहे. गेल्या काही महिन्यांत कच्च्या तेलाच्या किंमती कडाडल्यामुळे सरकारी तेल कंपन्यांना मोठा आर्थिक फटका बसला आहे. एका अंदाजानुसार, पेट्रोल, डिझेल, एलपीजी आणि जेट फ्युएलच्या विक्रीवर तेल कंपन्यांना दररोज सुमारे ७५० कोटी रुपयांचा प्रचंड तोटा सहन करावा लागत आहे. जोपर्यंत हा तोटा भरून निघत नाही, तोपर्यंत देशात पेट्रोल-डिझेल स्वस्त होण्याची शक्यता धूसर असल्याचे बाजार तज्ज्ञांचे म्हणणे आहे.
आजचे पेट्रोल-डिझेलचे दर
आज घरातून बाहेर पडण्यापूर्वी तुमच्या शहरातील इंधनाचे ताजे दर तपासून घ्या:
| शहर | पेट्रोलची किंमत (रु./लिटर) | डिझेलची किंमत (रु./लिटर) |
| दिल्ली | १०२.१२ | ९५.२० |
| मुंबई | १११.२१ | ९७.८३ |
| कोलकाता | ११३.५१ | ९९.८२ |
| चेन्नई | १०७.७७ | ९९.५५ |
| नोएडा | १०२.१२ | ९७.५६ |
| चंदीगड | १०१.५१ | ८९.४७ |
| लखनौ | १०१.८९ | ९५.३६ |
| पाटणा | ११३.३७ | ९९.३६ |
| रांची | १०५.२६ | १००.४९ |
| भोपाळ | ११४.५७ | ९९.६४ |
घरबसल्या असे तपासा तुमच्या शहरातील दर
तुम्ही तुमच्या मोबाईलवरून एक SMS पाठवून तुमच्या शहरातील पेट्रोल-डिझेलचे लेटेस्ट दर जाणून घेऊ शकता:
इंडियन ऑइल (IOC): RSP <शहर कोड> टाईप करून ९२२४९९२२४९ वर पाठवा.
भारत पेट्रोलियम (BPCL): RSP <शहर कोड> टाईप करून ९२२३११२२२२ वर पाठवा.
हिंदुस्तान पेट्रोलियम (HPCL): HPPRICE <शहर कोड> टाईप करून ९२२२२०११२२ वर पाठवा.
