कार चालवता चालवताच फार्मसिस्टला हृदयविकाराचा झटका, मृत्यूनंतरही स्टिअरिंगवर हात

कुणाचा मृत्यू कधी आणि कुठे होईल याचा काही नेम नाही. आयुष्य हे क्षणभंगूर असल्याचं आपण नेहमी म्हणतो. त्याची प्रचिती वारंवार येत असते. उत्तर प्रदेशातही अशीच एक दुर्देवी घटना घडली. कामावर निघालेल्या एका फार्मसिस्टला कारमध्ये बसल्यावर छातीत कळ आली आणि त्याचा हृदयविकाराच्या झटक्याने मृत्यू झाला. या घटनेमुळे संपूर्ण परिसरात एकच हळहळ व्यक्त केली जात आहे.

कार चालवता चालवताच फार्मसिस्टला हृदयविकाराचा झटका, मृत्यूनंतरही स्टिअरिंगवर हात
Follow us
| Updated on: May 16, 2024 | 12:26 PM

उत्तर प्रदेशातील प्रयागराज येथील एक अत्यंत धक्कादायक घटना समोर आली आहे. कार चालवत असताना एका व्यक्तीचा मृत्यू झाला आहे. हार्ट अटॅकने त्याचा मृत्यू झाल्याचं सांगितलं जात आहे. हा व्यक्ती घरातून ऑफिसला जायला निघाला होता. त्यावेळी त्याला अचानक रस्त्याच्या बाजूला कार उभी करावी लागली. त्याच्या छातीत दुखत होतं. ड्रायव्हिंग सीटवर बसल्या बसल्याच त्याने अखेरचा श्वास घेतला. या घटनेमुळे एकच खळबळ उडाली आहे.

या व्यक्तीच्या मृत्यूची माहिती मिळताच पोलिसांनी घटनास्थळी धाव घेतली. तसेच मृतदेह ताब्यात घेऊन शवविच्छेदनासाठी रुग्णालयात पाठवला. त्यानंतर या व्यक्तिच्या नातेवाईकांना त्याच्या मृत्यूची माहिती देण्यात आली. या व्यक्तीचा मृत्यू हृदयविकारानेच झाला की अन्य कोणत्या कारणाने झाला याची माहिती घेण्याचं काम पोलीस करत आहेत. या परिसरातील सीसीटीव्ही कॅमेरेही तपासले जात आहेत. मात्र, त्याचा मृत्यू हृदयविकाराने झाला असावा असा प्राथमिक अंदाज वर्तवला जात आहे. पोस्टमार्टमचा अहवाल आल्यावरच मृत्यूचं नेमकं कारण कळणार आहे.

पेशाने फार्मसिस्ट

मिळालेल्या माहितीनुसार, प्रमोद यादव असं या व्यक्तीचं नाव आहे. तो मूळचा आंबेडकर नगर येथील रहिवासी आहे. प्रयागराजच्या गंगापार हंडिया येएथील ऊपरदहा सामुदायिक आरोग्य केंद्रात तो फार्मसिस्ट म्हणून काम करत होता. झुसी परिसरातील मुंशी येथे तो भाड्याने राहत होता. नेहमीप्रमाणे आजही तो कामावर जाण्यासाठी घरातून बाहेर पडला होता. मात्र, त्याला अचानक मृत्यूने गाठले.

लोकांना वाटलं…

प्रमोद त्याची कार घेऊन झुंसी-सोनौटीच्या मार्गे कामावर जात होता. त्यावेळी अचानक त्याच्या छातीत जोराच्या कळा आल्या. त्याला दरदरून घाम फुटला. त्यामुळे त्याने त्याची कार रस्त्याच्या बाजूला घेतली आणि थोडावेळ शांत पडून राहण्याचा प्रयत्न केला. पण छातीतील दुखणं काही केल्या थांबत नव्हतं. आजूबाजूला काही लोक होते. ते फक्त त्याला पाहत होते. रस्त्याकडील लोकांना सर्व काही नॉर्मल असावं असं वाटलं होतं. मात्र, काहीवेळाने प्रमोद गाडीच्या एका बाजूला झुकल्याने लोकांना संशय आला. त्यांनी जवळ जाऊन पाहिलं, तर त्यांना प्रमोद बेशुद्ध पडल्याचं दिसून आलं. त्यांचे श्वास थांबल्याचंही दिसून आलं. मृत्यूनंतरही त्यांचा एक हात स्टिअरिंगवर होता. या लोकांनी तात्काळ पोलिसांना ही माहिती दिली. पोलीसही तात्काळ घटनास्थळी पोहोचले. तेव्हा पोलिसांनी तपासून पाहिलं तेव्हा प्रमोदचा मृत्यू झाल्याचं त्यांच्या लक्षातआलं. रुग्णालयात नेल्यानंतर डॉक्टरांनी प्रमोदला मृत घोषित केलं.

प्रत्यक्षदर्शी काय म्हणाले?

कारमध्ये प्रमोदचा मृत्यू झाल्याची बातमी संपूर्ण परिसरात वाऱ्यासारखी पसरली. त्यामुळे नागरिकांनी घटनास्थळी धाव घेतली. यावेळी प्रचंड गर्दी झाली होती. प्रत्यक्षदर्शींच्या म्हणण्यानुसार प्रमोद कार चालवत होता. त्याच्या छातीत दुखू लागल्याने त्याने कार रस्त्याच्या बाजूला उभी केली. त्यानंतर काही वेळातच त्यांचा मृत्यू झाला.

Non Stop LIVE Update
निवडणूक आयोगाचा वापर घरगड्या सारखा..उद्धव ठाकरेंचा मोदी सरकारवर घणाघात
निवडणूक आयोगाचा वापर घरगड्या सारखा..उद्धव ठाकरेंचा मोदी सरकारवर घणाघात.
ऐ थांब जरा.... राज ठाकरे चिडले अन् माध्यमांवर भडकले, पण का?
ऐ थांब जरा.... राज ठाकरे चिडले अन् माध्यमांवर भडकले, पण का?.
मतदान करायला आले अन EVM कक्षाला घातला हार, शांतीगिरी महाराजांना भोवलं
मतदान करायला आले अन EVM कक्षाला घातला हार, शांतीगिरी महाराजांना भोवलं.
हे अत्यंत वाईट...आदेश बांदेकर मतदान करण्यासाठी आले अन् भडकले
हे अत्यंत वाईट...आदेश बांदेकर मतदान करण्यासाठी आले अन् भडकले.
राज ठाकरे चोरीच्या मालाचं चुंबण घेतायत, ठाकरे गटाच्या नेत्याची टीका
राज ठाकरे चोरीच्या मालाचं चुंबण घेतायत, ठाकरे गटाच्या नेत्याची टीका.
राऊतांचे बंधू सुनील मतदान केंद्राबाहेर पोलिसांवरच भडकले, नेमक काय घडल?
राऊतांचे बंधू सुनील मतदान केंद्राबाहेर पोलिसांवरच भडकले, नेमक काय घडल?.
किरीट सोमय्या मतदानानंतर भावूक; म्हणाले, अनेक वर्षांनंतर आयुष्यात...
किरीट सोमय्या मतदानानंतर भावूक; म्हणाले, अनेक वर्षांनंतर आयुष्यात....
म्हणून मी पण रांगेत उभ राहिलो, महायुती उमेदवार कपिल पाटलांनी केल मतदान
म्हणून मी पण रांगेत उभ राहिलो, महायुती उमेदवार कपिल पाटलांनी केल मतदान.
आज 13 जागांसाठी मतदान, 6 जागा मुंबईच्या, दिग्गजांची प्रतिष्ठा पणाला
आज 13 जागांसाठी मतदान, 6 जागा मुंबईच्या, दिग्गजांची प्रतिष्ठा पणाला.
2014 सालीच मविआचा प्लॅन! शरद पवारांचा नवा गौप्यस्फोट अन् उडाली खळबळ
2014 सालीच मविआचा प्लॅन! शरद पवारांचा नवा गौप्यस्फोट अन् उडाली खळबळ.