कोण आहे खुशी मुखर्जी? आधी बोल्ड कंटेन्टमुळे चर्चेत, आता स्टार क्रिकेटरवरच खळबळजनक आरोप!
सध्या बोल्ड कंटेन्टमुळे चर्चेत असणारी अभिनेत्री खुशी मुखर्जीने एका स्टार क्रिकेटरबाबत धक्कादायक वक्तव्य केले आहे. तिला सतत क्रिकेटरचे मेसेज यायचे. असे अनेक खुलासे खुशीने केले आहेत.
भारतीय क्रिकेट संघाचा टी-20 कर्णधार सूर्यकुमार यादवबद्दल अभिनेत्री खुशी मुखर्जीने खळबळजनक दावा केला आहे. खुशी मुखर्जीचे म्हणणे आहे की सूर्यकुमार यादव तिला मेसेज करायचा, पण आता त्यांच्यामध्ये बोलणे होत नाही. आपल्या बोल्ड ड्रेसिंग स्टाइलमुळे सोशल मीडियावर नेहमी चर्चेत राहणारी खुशी मुखर्जीच्या म्हणण्यानुसार अनेक क्रिकेटर्स तिच्या मागे लागलेले होते आणि तिचे नाव अनेकदा प्रसिद्ध सेलिब्रिटींशी जोडले जाते.
‘मला क्रिकेटर्सबरोबर लिंकअप आवडत नाही’
ई२४ शी बोलताना खुशीने सांगितले, ‘अनेक क्रिकेटर माझ्या मागे लागलेले होते. सूर्यकुमार यादव मला खूप मेसेज करायचे, पण आता आमचे जास्त बोलणे होत नाही. मला माझे नाव कोणाशीही जोडले गेलेले आवडत नाही आणि मला कोणासोबतही लिंकअप आवडत नाही म्हणून, खरे तर कोणताही लिंकअप नाही.’
View this post on Instagram
खुशी मुखर्जीने घरी झालेल्या चोरीबद्दल सांगितले
याआधी, खुशी मुखर्जीने सांगितले होते की अलीकडे तिच्या मित्रांनी तिला नशा देऊन तिच्या घरीतून मौल्यवान वस्तू चोरल्या होत्या. चोरीला गेलेल्या दागिन्यांची किंमत २५ लाख रुपये आहे. बॉलिवूडलाइफच्या रिपोर्टनुसार, तिने सांगितले की, मी काय करू शकते? माफ करू की दुर्लक्ष करू. दोन्ही पर्याय शक्य नाहीत. मित्र शत्रू बनतात, स्पर्धा वाढते आणि मत्सर यशापेक्षा वरचढ होतो. माझ्या मित्रांनी मला नशा देऊन माझ्या घरीतून दागिने चोरले… मी उदार आहे, पण कदाचित मी आयुष्यात माझा मार्ग हरवत चालले आहे. असे वाटते की हार मानावी.
खुशी मुखर्जी कोण आहे?
कोलकात्यात जन्मलेली खुशी २९ वर्षांची आहे आणि गेल्या अनेक वर्षांपासून टीव्ही इंडस्ट्रीचा भाग आहे. तिने करिअरची सुरुवात २०१३ मध्ये तमिळ चित्रपट ‘अंजल थुरई’पासून केली होती, त्यांनी तेलुगु आणि हिंदी चित्रपटांमध्येही काम केले आहे. पण त्यांना खरी ओळख भारतीय टेलिव्हिजन आणि रिअॅलिटी शोजमधून मिळाली. एमटीव्हीच्या ‘स्प्लिट्सविला १०’ आणि ‘लव्ह स्कूल ३’मध्ये भाग घेतल्यानंतर ती खूप लोकप्रिय झाली.
