हळद, फुलं, पाणी आणि फुल्टू डान्स मस्ती; स्टार गोलंदाज प्रसिद्ध कृष्णाचा लग्नाचा व्हिडीओ पाहिला काय?

नवी दिल्ली : एकीकडे वर्ल्ड टेस्ट चॅम्पियनशीप फायनलमध्ये टीम इंडियासमोर धावांचा डोंगर असतानाच टीम इंडियाचा स्टार गोलंदाज प्रसिद्ध कृष्णाने त्याच्या लग्नाचा व्हिडीओ सोशल मीडियावर शेअर करून धम्माल उडवून दिली आहे. या व्हिडीओत तो पत्नी रचनासोबत फुल्टू धम्माल मस्ती करताना दिसत आहे. दोघेही जोरदार डान्स करताना दिसत असून त्यांचा हा व्हिडीओ सोशल मीडियावर चांगलाच व्हायरल झाला आहे.

प्रसिद्ध कृष्णा आणि रचनाचा 8 जून रोजी विवाह पार पडला. लग्नाच्या बरोबर तीन दिवसानंतर प्रसिद्ध कृष्णाने इन्स्टाग्रामवर लग्नाचा व्हिडिओ शेअर केला आहे. या व्हिडीओत दोघेही लग्नाचे रितीरिवाज पार पाडताना दिसत आहे. अंगाला हळद लावताना, अंगावर पाणी उडवताना, फुलांची उधळण करताना दिसत आहेत. कधी प्रसिद्ध कृष्णाला उचलून घेताना दिसतोय तर कधी रचना त्याला उचलून घेताना दिसत आहे.

View this post on Instagram

A post shared by Prasidh Krishna (@skiddyy)

दोघेही आपल्याच धुंदीत फुल्टू डान्स करताना दिसत आहे. त्यांच्यासोबत त्यांचे नातेवाईक आणि मित्रमंडळीही ठेका धरताना दिसत आहेत. अवघ्या काही मिनिटाच्या या व्हिडीओमध्ये धम्माल मस्ती दिसून येत आहे. या व्हिडीओत एका पार्टीत दोघेही मनसोक्त नाचण्याचा आनंद लुटतानाही दिसत आहेत.

फॅन्सने केले फोटो शेअर

6 जून रोजी दोघांचा साखरपुडा झाला होता. त्यानंतर 8 जून रोजी दोघे लग्नाच्या बेडीत अडकले. त्यांच्या लग्नाचे फोटो सोशल मीडियावरही व्हायरल झाले होते. त्यांच्या फोटोंना फॅन्सनी प्रचंड लाईक्स केले होते. काही फॅन्सनी तर त्यांचे फोटो सोशल मीडियावरून व्हायरलही केले होते. या दोघांच्याही लग्नाला टीम इंडियातील अनेक खेळाडू हजर राहिले होते.

क्रिकेटपटू वऱ्हाडी

जसप्रीत बुमराह, मयंक अग्रवाल, श्रेयस अय्यर, कृष्णण्पा गौतमसहीत अनेक क्रिकेटपटू वऱ्हाडी म्हणून आले होते. दुखापतग्रस्त झाल्याने तो टीम बाहेर आहे. त्याला पाठीत दुखत असल्याने तो संघाबाहेर आहे. त्यामुळे तो आयपीएलमध्येही फारसा दिसला नाही. त्यामुळे राजस्थान रॉयल्सला त्याची प्रचंड कमतरता जाणवली होती.